增支部第70經（Aṅguttara Nikāya 3.20 / 2. Rathakāravagga / Dutiyapāpaṇikasutta）

部類增支部

Pali NikāyaAṅguttara Nikāya

總句數43

已譯句數0

1-1

巴利原文

Aṅguttara Nikāya 3.20

2-1

巴利原文

2. Rathakāravagga

3-1

巴利原文

Dutiyapāpaṇikasutta

4-1

巴利原文

“Tīhi, bhikkhave, aṅgehi samannāgato pāpaṇiko nacirasseva mahattaṁ vepullattaṁ pāpuṇāti bhogesu.

5-1

巴利原文

Katamehi tīhi?

6-1

巴利原文

Idha, bhikkhave, pāpaṇiko cakkhumā ca hoti vidhuro ca nissayasampanno ca.

7-1

巴利原文

Kathañca, bhikkhave, pāpaṇiko cakkhumā hoti?

8-1

巴利原文

Idha, bhikkhave, pāpaṇiko paṇiyaṁ jānāti:

9-1

巴利原文

‘idaṁ paṇiyaṁ evaṁ kītaṁ, evaṁ vikkayamānaṁ, ettakaṁ mūlaṁ bhavissati, ettako udayo’ti.

10-1

巴利原文

Evaṁ kho, bhikkhave, pāpaṇiko cakkhumā hoti.

11-1

巴利原文

Kathañca, bhikkhave, pāpaṇiko vidhuro hoti?

12-1

巴利原文

Idha, bhikkhave, pāpaṇiko kusalo hoti paṇiyaṁ ketuñca vikketuñca.

13-1

巴利原文

Evaṁ kho, bhikkhave, pāpaṇiko vidhuro hoti.

14-1

巴利原文

Kathañca, bhikkhave, pāpaṇiko nissayasampanno hoti?

15-1

巴利原文

Idha, bhikkhave, pāpaṇikaṁ ye te gahapatī vā gahapatiputtā vā aḍḍhā mahaddhanā mahābhogā te evaṁ jānanti:

16-1

巴利原文

‘ayaṁ kho bhavaṁ pāpaṇiko cakkhumā vidhuro ca paṭibalo puttadārañca posetuṁ, amhākañca kālena kālaṁ anuppadātun’ti.

17-1

巴利原文

Te naṁ bhogehi nipatanti:

18-1

巴利原文

‘ito, samma pāpaṇika, bhoge karitvā puttadārañca posehi, amhākañca kālena kālaṁ anuppadehī’ti.

19-1

巴利原文

Evaṁ kho, bhikkhave, pāpaṇiko nissayasampanno hoti.

20-1

巴利原文

Imehi kho, bhikkhave, tīhi aṅgehi samannāgato pāpaṇiko nacirasseva mahattaṁ vepullattaṁ pāpuṇāti bhogesu.

21-1

巴利原文

Evamevaṁ kho, bhikkhave, tīhi dhammehi samannāgato bhikkhu nacirasseva mahattaṁ vepullattaṁ pāpuṇāti kusalesu dhammesu.

22-1

巴利原文

Katamehi tīhi?

23-1

巴利原文

Idha, bhikkhave, bhikkhu cakkhumā ca hoti vidhuro ca nissayasampanno ca.

24-1

巴利原文

Kathañca, bhikkhave, bhikkhu cakkhumā hoti?

25-1

巴利原文

Idha, bhikkhave, bhikkhu ‘idaṁ dukkhan’ti yathābhūtaṁ pajānāti, ‘ayaṁ dukkhasamudayo’ti yathābhūtaṁ pajānāti, ‘ayaṁ dukkhanirodho’ti yathābhūtaṁ pajānāti, ‘ayaṁ dukkhanirodhagāminī paṭipadā’ti yathābhūtaṁ pajānāti.

26-1

巴利原文

Evaṁ kho, bhikkhave, bhikkhu cakkhumā hoti.

27-1

巴利原文

Kathañca, bhikkhave, bhikkhu vidhuro hoti?

28-1

巴利原文

Idha, bhikkhave, bhikkhu āraddhavīriyo viharati akusalānaṁ dhammānaṁ pahānāya, kusalānaṁ dhammānaṁ upasampadāya, thāmavā daḷhaparakkamo anikkhittadhuro kusalesu dhammesu.

29-1

巴利原文

Evaṁ kho, bhikkhave, bhikkhu vidhuro hoti.

30-1

巴利原文

Kathañca, bhikkhave, bhikkhu nissayasampanno hoti?

31-1

巴利原文

Idha, bhikkhave, bhikkhu ye te bhikkhū bahussutā āgatāgamā dhammadharā vinayadharā mātikādharā te kālena kālaṁ upasaṅkamitvā paripucchati paripañhati:

32-1

巴利原文

‘idaṁ, bhante, kathaṁ, imassa ko attho’ti?

33-1

巴利原文

Tassa te āyasmanto avivaṭañceva vivaranti, anuttānīkatañca uttānīkaronti, anekavihitesu ca kaṅkhāṭhāniyesu dhammesu kaṅkhaṁ paṭivinodenti.

34-1

巴利原文

Evaṁ kho, bhikkhave, bhikkhu nissayasampanno hoti.

35-1

巴利原文

Imehi kho, bhikkhave, tīhi dhammehi samannāgato bhikkhu nacirasseva mahattaṁ vepullattaṁ pāpuṇāti kusalesu dhammesū”ti.

36-1

巴利原文

Dasamaṁ.

37-1

巴利原文

Paṭhamabhāṇavāro niṭṭhito.

38-1

巴利原文

Rathakāravaggo dutiyo.

39-1

巴利原文

Tassuddānaṁ

40-1

巴利原文

Ñāto sāraṇīyo bhikkhu,

41-1

巴利原文

cakkavattī sacetano;

42-1

巴利原文

Apaṇṇakattā devo ca,

43-1

巴利原文

duve pāpaṇikena cāti.