增支部第1008經（Aṅguttara Nikāya 8.25 / 3. Gahapativagga / Mahānāmasutta）

部類增支部

Pali NikāyaAṅguttara Nikāya

總句數32

已譯句數0

1-1

巴利原文

Aṅguttara Nikāya 8.25

2-1

巴利原文

3. Gahapativagga

3-1

巴利原文

Mahānāmasutta

4-1

巴利原文

Ekaṁ samayaṁ bhagavā sakkesu viharati kapilavatthusmiṁ nigrodhārāme.

5-1

巴利原文

Atha kho mahānāmo sakko yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho mahānāmo sakko bhagavantaṁ etadavoca:

6-1

巴利原文

“kittāvatā nu kho, bhante, upāsako hotī”ti?

7-1

巴利原文

“Yato kho, mahānāma, buddhaṁ saraṇaṁ gato hoti, dhammaṁ saraṇaṁ gato hoti, saṅghaṁ saraṇaṁ gato hoti;

8-1

巴利原文

ettāvatā kho, mahānāma, upāsako hotī”ti.

9-1

巴利原文

“Kittāvatā pana, bhante, upāsako sīlavā hotī”ti?

10-1

巴利原文

“Yato kho, mahānāma, upāsako pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, surāmerayamajjapamādaṭṭhānā paṭivirato hoti;

11-1

巴利原文

ettāvatā kho, mahānāma, upāsako sīlavā hotī”ti.

12-1

巴利原文

“Kittāvatā pana, bhante, upāsako attahitāya paṭipanno hoti, no parahitāyā”ti?

13-1

巴利原文

“Yato kho, mahānāma, upāsako attanāva saddhāsampanno hoti, no paraṁ saddhāsampadāya samādapeti;

14-1

巴利原文

attanāva sīlasampanno hoti, no paraṁ sīlasampadāya samādapeti;

15-1

巴利原文

attanāva cāgasampanno hoti, no paraṁ cāgasampadāya samādapeti;

16-1

巴利原文

attanāva bhikkhūnaṁ dassanakāmo hoti, no paraṁ bhikkhūnaṁ dassane samādapeti;

17-1

巴利原文

attanāva saddhammaṁ sotukāmo hoti, no paraṁ saddhammassavane samādapeti;

18-1

巴利原文

attanāva sutānaṁ dhammānaṁ dhāraṇajātiko hoti, no paraṁ dhammadhāraṇāya samādapeti;

19-1

巴利原文

attanāva sutānaṁ dhammānaṁ atthūpaparikkhitā hoti, no paraṁ atthūpaparikkhāya samādapeti;

20-1

巴利原文

attanāva atthamaññāya dhammamaññāya dhammānudhammappaṭipanno hoti, no paraṁ dhammānudhammappaṭipattiyā samādapeti.

21-1

巴利原文

Ettāvatā kho, mahānāma, upāsako attahitāya paṭipanno hoti, no parahitāyā”ti.

22-1

巴利原文

“Kittāvatā pana, bhante, upāsako attahitāya ca paṭipanno hoti parahitāya cā”ti?

23-1

巴利原文

“Yato kho, mahānāma, upāsako attanā ca saddhāsampanno hoti, parañca saddhāsampadāya samādapeti;

24-1

巴利原文

attanā ca sīlasampanno hoti, parañca sīlasampadāya samādapeti;

25-1

巴利原文

attanā ca cāgasampanno hoti, parañca cāgasampadāya samādapeti;

26-1

巴利原文

attanā ca bhikkhūnaṁ dassanakāmo hoti, parañca bhikkhūnaṁ dassane samādapeti;

27-1

巴利原文

attanā ca saddhammaṁ sotukāmo hoti, parañca saddhammassavane samādapeti;

28-1

巴利原文

attanā ca sutānaṁ dhammānaṁ dhāraṇajātiko hoti, parañca dhammadhāraṇāya samādapeti;

29-1

巴利原文

attanā ca sutānaṁ dhammānaṁ atthūpaparikkhitā hoti, parañca atthūpaparikkhāya samādapeti,

30-1

巴利原文

attanā ca atthamaññāya dhammamaññāya dhammānudhammappaṭipanno hoti, parañca dhammānudhammappaṭipattiyā samādapeti.

31-1

巴利原文

Ettāvatā kho, mahānāma, upāsako attahitāya ca paṭipanno hoti parahitāya cā”ti.

32-1

巴利原文

Pañcamaṁ.