增支部第1024經（Aṅguttara Nikāya 8.41 / 5. Uposathavagga / Saṅkhittūposathasutta）

部類增支部

Pali NikāyaAṅguttara Nikāya

總句數46

已譯句數0

1-1

巴利原文

Aṅguttara Nikāya 8.41

2-1

巴利原文

5. Uposathavagga

3-1

巴利原文

Saṅkhittūposathasutta

4-1

巴利原文

Evaṁ me sutaṁ—

5-1

巴利原文

ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.

6-1

巴利原文

Tatra kho bhagavā bhikkhū āmantesi:

7-1

巴利原文

“bhikkhavo”ti.

8-1

巴利原文

“Bhadante”ti te bhikkhū bhagavato paccassosuṁ.

9-1

巴利原文

Bhagavā etadavoca:

10-1

巴利原文

“Aṭṭhaṅgasamannāgato, bhikkhave, uposatho upavuttho mahapphalo hoti mahānisaṁso mahājutiko mahāvipphāro.

11-1

巴利原文

Kathaṁ upavuttho ca, bhikkhave, aṭṭhaṅgasamannāgato uposatho mahapphalo hoti mahānisaṁso mahājutiko mahāvipphāro?

12-1

巴利原文

Idha, bhikkhave, ariyasāvako iti paṭisañcikkhati:

13-1

巴利原文

‘yāvajīvaṁ arahanto pāṇātipātaṁ pahāya pāṇātipātā paṭiviratā nihitadaṇḍā nihitasatthā lajjī dayāpannā, sabbapāṇabhūtahitānukampino viharanti.

14-1

巴利原文

Ahampajja imañca rattiṁ imañca divasaṁ pāṇātipātaṁ pahāya pāṇātipātā paṭivirato nihitadaṇḍo nihitasattho lajjī dayāpanno, sabbapāṇabhūtahitānukampī viharāmi.

15-1

巴利原文

Imināpaṅgena arahataṁ anukaromi, uposatho ca me upavuttho bhavissatī’ti.

16-1

巴利原文

Iminā paṭhamena aṅgena samannāgato hoti.

17-1

巴利原文

‘Yāvajīvaṁ arahanto adinnādānaṁ pahāya adinnādānā paṭiviratā dinnādāyī dinnapāṭikaṅkhī, athenena sucibhūtena attanā viharanti.

18-1

巴利原文

Ahampajja imañca rattiṁ imañca divasaṁ adinnādānaṁ pahāya adinnādānā paṭivirato dinnādāyī dinnapāṭikaṅkhī, athenena sucibhūtena attanā viharāmi.

19-1

巴利原文

Imināpaṅgena arahataṁ anukaromi, uposatho ca me upavuttho bhavissatī’ti.

20-1

巴利原文

Iminā dutiyena aṅgena samannāgato hoti.

21-1

巴利原文

‘Yāvajīvaṁ arahanto abrahmacariyaṁ pahāya brahmacārino ārācārino viratā methunā gāmadhammā.

22-1

巴利原文

Ahampajja imañca rattiṁ imañca divasaṁ abrahmacariyaṁ pahāya brahmacārī ārācārī virato methunā gāmadhammā.

23-1

巴利原文

Imināpaṅgena arahataṁ anukaromi, uposatho ca me upavuttho bhavissatī’ti.

24-1

巴利原文

Iminā tatiyena aṅgena samannāgato hoti.

25-1

巴利原文

‘Yāvajīvaṁ arahanto musāvādaṁ pahāya musāvādā paṭiviratā saccavādino saccasandhā thetā paccayikā avisaṁvādako lokassa.

26-1

巴利原文

Ahampajja imañca rattiṁ imañca divasaṁ musāvādaṁ pahāya musāvādā paṭivirato saccavādī saccasandho theto paccayiko avisaṁvādako lokassa.

27-1

巴利原文

Imināpaṅgena arahataṁ anukaromi, uposatho ca me upavuttho bhavissatī’ti.

28-1

巴利原文

Iminā catutthena aṅgena samannāgato hoti.

29-1

巴利原文

‘Yāvajīvaṁ arahanto surāmerayamajjapamādaṭṭhānaṁ pahāya surāmerayamajjapamādaṭṭhānā paṭiviratā.

30-1

巴利原文

Ahampajja imañca rattiṁ imañca divasaṁ surāmerayamajjapamādaṭṭhānaṁ pahāya surāmerayamajjapamādaṭṭhānā paṭivirato.

31-1

巴利原文

Imināpaṅgena arahataṁ anukaromi, uposatho ca me upavuttho bhavissatī’ti.

32-1

巴利原文

Iminā pañcamena aṅgena samannāgato hoti.

33-1

巴利原文

‘Yāvajīvaṁ arahanto ekabhattikā rattūparatā viratā vikālabhojanā.

34-1

巴利原文

Ahampajja imañca rattiṁ imañca divasaṁ ekabhattiko rattūparato virato vikālabhojanā.

35-1

巴利原文

Imināpaṅgena arahataṁ anukaromi, uposatho ca me upavuttho bhavissatī’ti.

36-1

巴利原文

Iminā chaṭṭhena aṅgena samannāgato hoti.

37-1

巴利原文

‘Yāvajīvaṁ arahanto naccagītavāditavisūkadassanamālāgandhavilepanadhāraṇamaṇḍanavibhūsanaṭṭhānaṁ pahāya naccagītavāditavisūkadassanamālāgandhavilepanadhāraṇamaṇḍanavibhūsanaṭṭhānā paṭiviratā.

38-1

巴利原文

Ahampajja imañca rattiṁ imañca divasaṁ naccagītavāditavisūkadassanamālāgandhavilepanadhāraṇamaṇḍanavibhūsanaṭṭhānaṁ pahāya naccagītavāditavisūkadassanamālāgandhavilepanadhāraṇamaṇḍanavibhūsanaṭṭhānā paṭivirato.

39-1

巴利原文

Imināpaṅgena arahataṁ anukaromi, uposatho ca me upavuttho bhavissatī’ti.

40-1

巴利原文

Iminā sattamena aṅgena samannāgato hoti.

41-1

巴利原文

‘Yāvajīvaṁ arahanto uccāsayanamahāsayanaṁ pahāya uccāsayanamahāsayanā paṭiviratā nīcaseyyaṁ kappenti—mañcake vā tiṇasanthārake vā.

42-1

巴利原文

Ahampajja imañca rattiṁ imañca divasaṁ uccāsayanamahāsayanaṁ pahāya uccāsayanamahāsayanā paṭivirato nīcaseyyaṁ kappemi—mañcake vā tiṇasanthārake vā.

43-1

巴利原文

Imināpaṅgena arahataṁ anukaromi, uposatho ca me upavuttho bhavissatī’ti.

44-1

巴利原文

Iminā aṭṭhamena aṅgena samannāgato hoti.

45-1

巴利原文

Evaṁ upavuttho kho, bhikkhave, aṭṭhaṅgasamannāgato uposatho mahapphalo hoti mahānisaṁso mahājutiko mahāvipphāro”ti.

46-1

巴利原文

Paṭhamaṁ.