增支部第105經（Aṅguttara Nikāya 3.55 / 6. Brāhmaṇavagga / Nibbutasutta）

部類增支部

Pali NikāyaAṅguttara Nikāya

總句數18

已譯句數0

1-1

巴利原文

Aṅguttara Nikāya 3.55

2-1

巴利原文

6. Brāhmaṇavagga

3-1

巴利原文

Nibbutasutta

4-1

巴利原文

Atha kho jāṇussoṇi brāhmaṇo yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho jāṇussoṇi brāhmaṇo bhagavantaṁ etadavoca:

5-1

巴利原文

“‘sandiṭṭhikaṁ nibbānaṁ sandiṭṭhikaṁ nibbānan’ti, bho gotama, vuccati.

6-1

巴利原文

Kittāvatā nu kho, bho gotama, sandiṭṭhikaṁ nibbānaṁ hoti akālikaṁ ehipassikaṁ opaneyyikaṁ paccattaṁ veditabbaṁ viññūhī”ti?

7-1

巴利原文

Ratto kho, brāhmaṇa, rāgena abhibhūto pariyādinnacitto attabyābādhāyapi ceteti, parabyābādhāyapi ceteti, ubhayabyābādhāyapi ceteti, cetasikampi dukkhaṁ domanassaṁ paṭisaṁvedeti.

8-1

巴利原文

Rāge pahīne nevattabyābādhāyapi ceteti, na parabyābādhāyapi ceteti, na ubhayabyābādhāyapi ceteti, na cetasikampi dukkhaṁ domanassaṁ paṭisaṁvedeti.

9-1

巴利原文

Evampi kho, brāhmaṇa, sandiṭṭhikaṁ nibbānaṁ hoti.

10-1

巴利原文

Duṭṭho kho, brāhmaṇa …pe…

11-1

巴利原文

mūḷho kho, brāhmaṇa, mohena abhibhūto pariyādinnacitto attabyābādhāyapi ceteti, parabyābādhāyapi ceteti, ubhayabyābādhāyapi ceteti, cetasikampi dukkhaṁ domanassaṁ paṭisaṁvedeti.

12-1

巴利原文

Mohe pahīne nevattabyābādhāyapi ceteti, na parabyābādhāyapi ceteti, na ubhayabyābādhāyapi ceteti, na cetasikaṁ dukkhaṁ domanassaṁ paṭisaṁvedeti.

13-1

巴利原文

Evampi kho, brāhmaṇa, sandiṭṭhikaṁ nibbānaṁ hoti.

14-1

巴利原文

Yato kho ayaṁ, brāhmaṇa, anavasesaṁ rāgakkhayaṁ paṭisaṁvedeti, anavasesaṁ dosakkhayaṁ paṭisaṁvedeti, anavasesaṁ mohakkhayaṁ paṭisaṁvedeti;

15-1

巴利原文

evaṁ kho, brāhmaṇa, sandiṭṭhikaṁ nibbānaṁ hoti akālikaṁ ehipassikaṁ opaneyyikaṁ paccattaṁ veditabbaṁ viññūhī”ti.

16-1

巴利原文

“Abhikkantaṁ, bho gotama …pe…

17-1

巴利原文

upāsakaṁ maṁ bhavaṁ gotamo dhāretu ajjatagge pāṇupetaṁ saraṇaṁ gatan”ti.

18-1

巴利原文

Pañcamaṁ.