巴利大藏經《增支部第1114經（Aṅguttara Nikāya 9.35 / 4. Mahāvagga / Gāvīupamāsutta）》

1-1

巴利原文

Aṅguttara Nikāya 9.35

2-1

巴利原文

4. Mahāvagga

3-1

巴利原文

Gāvīupamāsutta

4-1

巴利原文

“Seyyathāpi, bhikkhave, gāvī pabbateyyā bālā abyattā akhettaññū akusalā visame pabbate carituṁ.

5-1

巴利原文

Tassā evamassa:

6-1

巴利原文

‘yannūnāhaṁ agatapubbañceva disaṁ gaccheyyaṁ, akhāditapubbāni ca tiṇāni khādeyyaṁ, apītapubbāni ca pānīyāni piveyyan’ti.

7-1

巴利原文

Sā purimaṁ pādaṁ na suppatiṭṭhitaṁ patiṭṭhāpetvā pacchimaṁ pādaṁ uddhareyya.

8-1

巴利原文

Sā na ceva agatapubbaṁ disaṁ gaccheyya, na ca akhāditapubbāni tiṇāni khādeyya, na ca apītapubbāni pānīyāni piveyya;

9-1

巴利原文

yasmiṁ cassā padese ṭhitāya evamassa:

10-1

巴利原文

‘yannūnāhaṁ agatapubbañceva disaṁ gaccheyyaṁ, akhāditapubbāni ca tiṇāni khādeyyaṁ, apītapubbāni ca pānīyāni piveyyan’ti tañca padesaṁ na sotthinā paccāgaccheyya.

11-1

巴利原文

Taṁ kissa hetu?

12-1

巴利原文

Tathā hi sā, bhikkhave, gāvī pabbateyyā bālā abyattā akhettaññū akusalā visame pabbate carituṁ.

13-1

巴利原文

Evamevaṁ kho, bhikkhave, idhekacco bhikkhu bālo abyatto akhettaññū akusalo vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharati;

14-1

巴利原文

so taṁ nimittaṁ na āsevati na bhāveti na bahulīkaroti na svādhiṭṭhitaṁ adhiṭṭhāti.

15-1

巴利原文

Tassa evaṁ hoti:

16-1

巴利原文

‘yannūnāhaṁ vitakkavicārānaṁ vūpasamā ajjhattaṁ sampasādanaṁ cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja vihareyyan’ti.

17-1

巴利原文

So na sakkoti vitakkavicārānaṁ vūpasamā …pe… dutiyaṁ jhānaṁ upasampajja viharituṁ.

18-1

巴利原文

Tassa evaṁ hoti:

19-1

巴利原文

‘yannūnāhaṁ vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja vihareyyan’ti.

20-1

巴利原文

So na sakkoti vivicceva kāmehi …pe… paṭhamaṁ jhānaṁ upasampajja viharituṁ.

21-1

巴利原文

Ayaṁ vuccati, bhikkhave, ‘bhikkhu ubhato bhaṭṭho ubhato parihīno, seyyathāpi sā gāvī pabbateyyā bālā abyattā akhettaññū akusalā visame pabbate carituṁ’.

22-1

巴利原文

Seyyathāpi, bhikkhave, gāvī pabbateyyā paṇḍitā byattā khettaññū kusalā visame pabbate carituṁ.

23-1

巴利原文

Tassā evamassa:

24-1

巴利原文

‘yannūnāhaṁ agatapubbañceva disaṁ gaccheyyaṁ, akhāditapubbāni ca tiṇāni khādeyyaṁ, apītapubbāni ca pānīyāni piveyyan’ti.

25-1

巴利原文

Sā purimaṁ pādaṁ suppatiṭṭhitaṁ patiṭṭhāpetvā pacchimaṁ pādaṁ uddhareyya.

26-1

巴利原文

Sā agatapubbañceva disaṁ gaccheyya, akhāditapubbāni ca tiṇāni khādeyya, apītapubbāni ca pānīyāni piveyya.

27-1

巴利原文

Yasmiṁ cassā padese ṭhitāya evamassa:

28-1

巴利原文

‘yannūnāhaṁ agatapubbañceva disaṁ gaccheyyaṁ, akhāditapubbāni ca tiṇāni khādeyyaṁ, apītapubbāni ca pānīyāni piveyyan’ti tañca padesaṁ sotthinā paccāgaccheyya.

29-1

巴利原文

Taṁ kissa hetu?

30-1

巴利原文

Tathā hi sā, bhikkhave, gāvī pabbateyyā paṇḍitā byattā khettaññū kusalā visame pabbate carituṁ.

31-1

巴利原文

Evamevaṁ kho, bhikkhave, idhekacco bhikkhu paṇḍito byatto khettaññū kusalo vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharati.

32-1

巴利原文

So taṁ nimittaṁ āsevati bhāveti bahulīkaroti svādhiṭṭhitaṁ adhiṭṭhāti.

33-1

巴利原文

Tassa evaṁ hoti:

34-1

巴利原文

‘yannūnāhaṁ vitakkavicārānaṁ vūpasamā ajjhattaṁ sampasādanaṁ cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja vihareyyan’ti.

35-1

巴利原文

So dutiyaṁ jhānaṁ anabhihiṁsamāno vitakkavicārānaṁ vūpasamā … dutiyaṁ jhānaṁ upasampajja viharati.

36-1

巴利原文

So taṁ nimittaṁ āsevati bhāveti bahulīkaroti svādhiṭṭhitaṁ adhiṭṭhāti.

37-1

巴利原文

Tassa evaṁ hoti:

38-1

巴利原文

‘yannūnāhaṁ pītiyā ca virāgā upekkhako ca vihareyyaṁ sato ca sampajāno, sukhañca kāyena paṭisaṁvedeyyaṁ yaṁ taṁ ariyā ācikkhanti—upekkhako satimā sukhavihārīti tatiyaṁ jhānaṁ upasampajja vihareyyan’ti.

39-1

巴利原文

So tatiyaṁ jhānaṁ anabhihiṁsamāno pītiyā ca virāgā … tatiyaṁ jhānaṁ upasampajja viharati.

40-1

巴利原文

So taṁ nimittaṁ āsevati bhāveti bahulīkaroti svādhiṭṭhitaṁ adhiṭṭhāti.

41-1

巴利原文

Tassa evaṁ hoti:

42-1

巴利原文

‘yannūnāhaṁ sukhassa ca pahānā dukkhassa ca pahānā pubbeva somanassadomanassānaṁ atthaṅgamā adukkhamasukhaṁ upekkhāsatipārisuddhiṁ catutthaṁ jhānaṁ upasampajja vihareyyan’ti.

43-1

巴利原文

So catutthaṁ jhānaṁ anabhihiṁsamāno sukhassa ca pahānā …pe… catutthaṁ jhānaṁ upasampajja viharati.

44-1

巴利原文

So taṁ nimittaṁ āsevati bhāveti bahulīkaroti svādhiṭṭhitaṁ adhiṭṭhāti.

45-1

巴利原文

Tassa evaṁ hoti:

46-1

巴利原文

‘yannūnāhaṁ sabbaso rūpasaññānaṁ samatikkamā paṭighasaññānaṁ atthaṅgamā nānattasaññānaṁ amanasikārā ananto ākāsoti ākāsānañcāyatanaṁ upasampajja vihareyyan’ti.

47-1

巴利原文

So ākāsānañcāyatanaṁ anabhihiṁsamāno sabbaso rūpasaññānaṁ samatikkamā …pe… ākāsānañcāyatanaṁ upasampajja viharati.

48-1

巴利原文

So taṁ nimittaṁ āsevati bhāveti bahulīkaroti svādhiṭṭhitaṁ adhiṭṭhāti.

49-1

巴利原文

Tassa evaṁ hoti:

50-1

巴利原文

‘yannūnāhaṁ sabbaso ākāsānañcāyatanaṁ samatikkamma anantaṁ viññāṇanti viññāṇañcāyatanaṁ upasampajja vihareyyan’ti.

51-1

巴利原文

So viññāṇañcāyatanaṁ anabhihiṁsamāno sabbaso ākāsānañcāyatanaṁ samatikkamma ‘anantaṁ viññāṇan’ti viññāṇañcāyatanaṁ upasampajja viharati.

52-1

巴利原文

So taṁ nimittaṁ āsevati bhāveti bahulīkaroti svādhiṭṭhitaṁ adhiṭṭhāti.

53-1

巴利原文

Tassa evaṁ hoti:

54-1

巴利原文

‘yannūnāhaṁ sabbaso viññāṇañcāyatanaṁ samatikkamma natthi kiñcīti ākiñcaññāyatanaṁ upasampajja vihareyyan’ti.

55-1

巴利原文

So ākiñcaññāyatanaṁ anabhihiṁsamāno sabbaso viññāṇañcāyatanaṁ samatikkamma ‘natthi kiñcī’ti ākiñcaññāyatanaṁ upasampajja viharati.

56-1

巴利原文

So taṁ nimittaṁ āsevati bhāveti bahulīkaroti svādhiṭṭhitaṁ adhiṭṭhāti.

57-1

巴利原文

Tassa evaṁ hoti:

58-1

巴利原文

‘yannūnāhaṁ sabbaso ākiñcaññāyatanaṁ samatikkamma nevasaññānāsaññāyatanaṁ upasampajja vihareyyan’ti.

59-1

巴利原文

So nevasaññānāsaññāyatanaṁ anabhihiṁsamāno sabbaso ākiñcaññāyatanaṁ samatikkamma nevasaññānāsaññāyatanaṁ upasampajja viharati.

60-1

巴利原文

So taṁ nimittaṁ āsevati bhāveti bahulīkaroti svādhiṭṭhitaṁ adhiṭṭhāti.

61-1

巴利原文

Tassa evaṁ hoti:

62-1

巴利原文

‘yannūnāhaṁ sabbaso nevasaññānāsaññāyatanaṁ samatikkamma saññāvedayitanirodhaṁ upasampajja vihareyyan’ti.

63-1

巴利原文

So saññāvedayitanirodhaṁ anabhihiṁsamāno sabbaso nevasaññānāsaññāyatanaṁ samatikkamma saññāvedayitanirodhaṁ upasampajja viharati.

64-1

巴利原文

Yato kho, bhikkhave, bhikkhu taṁ tadeva samāpattiṁ samāpajjatipi vuṭṭhātipi, tassa mudu cittaṁ hoti kammaññaṁ.

65-1

巴利原文

Mudunā kammaññena cittena appamāṇo samādhi hoti subhāvito.

66-1

巴利原文

So appamāṇena samādhinā subhāvitena yassa yassa abhiññāsacchikaraṇīyassa dhammassa cittaṁ abhininnāmeti abhiññāsacchikiriyāya tatra tatreva sakkhibhabbataṁ pāpuṇāti sati sati āyatane.

67-1

巴利原文

So sace ākaṅkhati: ‘anekavihitaṁ iddhividhaṁ paccanubhaveyyaṁ—ekopi hutvā bahudhā assaṁ, bahudhāpi hutvā eko assaṁ …pe… yāva brahmalokāpi kāyena vasaṁ vatteyyan’ti,

68-1

巴利原文

tatra tatreva sakkhibhabbataṁ pāpuṇāti sati sati āyatane.

69-1

巴利原文

So sace ākaṅkhati: ‘dibbāya sotadhātuyā …pe…

70-1

巴利原文

sati sati āyatane.

71-1

巴利原文

So sace ākaṅkhati: ‘parasattānaṁ parapuggalānaṁ cetasā ceto paricca pajāneyyaṁ,

72-1

巴利原文

sarāgaṁ vā cittaṁ sarāgaṁ cittanti pajāneyyaṁ,

73-1

巴利原文

vītarāgaṁ vā cittaṁ vītarāgaṁ cittanti pajāneyyaṁ,

74-1

巴利原文

sadosaṁ vā cittaṁ sadosaṁ cittanti pajāneyyaṁ,

75-1

巴利原文

vītadosaṁ vā cittaṁ vītadosaṁ cittanti pajāneyyaṁ,

76-1

巴利原文

samohaṁ vā cittaṁ samohaṁ cittanti pajāneyyaṁ,

77-1

巴利原文

vītamohaṁ vā cittaṁ …

78-1

巴利原文

saṅkhittaṁ vā cittaṁ …

79-1

巴利原文

vikkhittaṁ vā cittaṁ …

80-1

巴利原文

mahaggataṁ vā cittaṁ …

81-1

巴利原文

amahaggataṁ vā cittaṁ …

82-1

巴利原文

sauttaraṁ vā cittaṁ …

83-1

巴利原文

anuttaraṁ vā cittaṁ …

84-1

巴利原文

samāhitaṁ vā cittaṁ …

85-1

巴利原文

asamāhitaṁ vā cittaṁ …

86-1

巴利原文

vimuttaṁ vā cittaṁ …

87-1

巴利原文

avimuttaṁ vā cittaṁ avimuttaṁ cittanti pajāneyyan’ti,

88-1

巴利原文

tatra tatreva sakkhibhabbataṁ pāpuṇāti sati sati āyatane.

89-1

巴利原文

So sace ākaṅkhati: ‘anekavihitaṁ pubbenivāsaṁ anussareyyaṁ, seyyathidaṁ—ekampi jātiṁ dvepi jātiyo …pe… iti sākāraṁ sauddesaṁ anekavihitaṁ pubbenivāsaṁ anussareyyan’ti,

90-1

巴利原文

tatra tatreva sakkhibhabbataṁ pāpuṇāti sati sati āyatane.

91-1

巴利原文

So sace ākaṅkhati: ‘dibbena cakkhunā visuddhena atikkantamānusakena …pe… yathākammūpage satte pajāneyyan’ti

92-1

巴利原文

tatra tatreva sakkhibhabbataṁ pāpuṇāti sati sati āyatane.

93-1

巴利原文

So sace ākaṅkhati: ‘āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja vihareyyan’ti,

94-1

巴利原文

tatra tatreva sakkhibhabbataṁ pāpuṇāti sati sati āyatane”ti.

95-1

巴利原文

Catutthaṁ.