增支部第128經（Aṅguttara Nikāya 3.78 / 8. Ānandavagga / Sīlabbatasutta）

部類增支部

Pali NikāyaAṅguttara Nikāya

總句數16

已譯句數0

1-1

巴利原文

Aṅguttara Nikāya 3.78

2-1

巴利原文

8. Ānandavagga

3-1

巴利原文

Sīlabbatasutta

4-1

巴利原文

Atha kho āyasmā ānando yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho āyasmantaṁ ānandaṁ bhagavā etadavoca:

5-1

巴利原文

“sabbaṁ nu kho, ānanda, sīlabbataṁ jīvitaṁ brahmacariyaṁ upaṭṭhānasāraṁ saphalan”ti?

6-1

巴利原文

“Na khvettha, bhante, ekaṁsenā”ti.

7-1

巴利原文

“Tena hānanda, vibhajassū”ti.

8-1

巴利原文

“Yañhissa, bhante, sīlabbataṁ jīvitaṁ brahmacariyaṁ upaṭṭhānasāraṁ sevato akusalā dhammā abhivaḍḍhanti kusalā dhammā parihāyanti, evarūpaṁ sīlabbataṁ jīvitaṁ brahmacariyaṁ upaṭṭhānasāraṁ aphalaṁ.

9-1

巴利原文

Yañca khvāssa, bhante, sīlabbataṁ jīvitaṁ brahmacariyaṁ upaṭṭhānasāraṁ sevato akusalā dhammā parihāyanti, kusalā dhammā abhivaḍḍhanti, evarūpaṁ sīlabbataṁ jīvitaṁ brahmacariyaṁ upaṭṭhānasāraṁ saphalan”ti.

10-1

巴利原文

Idamavoca āyasmā ānando.

11-1

巴利原文

Samanuñño satthā ahosi.

12-1

巴利原文

Atha kho āyasmā ānando “samanuñño me satthā”ti, uṭṭhāyāsanā bhagavantaṁ abhivādetvā padakkhiṇaṁ katvā pakkāmi.

13-1

巴利原文

Atha kho bhagavā acirapakkante āyasmante ānande bhikkhū āmantesi:

14-1

巴利原文

“sekho, bhikkhave, ānando;

15-1

巴利原文

na ca panassa sulabharūpo samasamo paññāyā”ti.

16-1

巴利原文

Aṭṭhamaṁ.