增支部第1385經（Aṅguttara Nikāya 11.13 / 2. Anussativagga / Nandiyasutta）

部類增支部

Pali NikāyaAṅguttara Nikāya

總句數57

已譯句數0

1-1

巴利原文

Aṅguttara Nikāya 11.13

2-1

巴利原文

2. Anussativagga

3-1

巴利原文

Nandiyasutta

4-1

巴利原文

Ekaṁ samayaṁ bhagavā sakkesu viharati kapilavatthusmiṁ nigrodhārāme.

5-1

巴利原文

Tena kho pana samayena bhagavā sāvatthiyaṁ vassāvāsaṁ upagantukāmo hoti.

6-1

巴利原文

Assosi kho nandiyo sakko:

7-1

巴利原文

“bhagavā kira sāvatthiyaṁ vassāvāsaṁ upagantukāmo”ti.

8-1

巴利原文

Atha kho nandiyassa sakkassa etadahosi:

9-1

巴利原文

“yannūnāhampi sāvatthiyaṁ vassāvāsaṁ upagaccheyyaṁ.

10-1

巴利原文

Tattha kammantañceva adhiṭṭhahissāmi, bhagavantañca lacchāmi kālena kālaṁ dassanāyā”ti.

11-1

巴利原文

Atha kho bhagavā sāvatthiyaṁ vassāvāsaṁ upagacchi.

12-1

巴利原文

Nandiyopi kho sakko sāvatthiyaṁ vassāvāsaṁ upagacchi.

13-1

巴利原文

Tattha kammantañceva adhiṭṭhāsi, bhagavantañca labhi kālena kālaṁ dassanāya.

14-1

巴利原文

Tena kho pana samayena sambahulā bhikkhū bhagavato cīvarakammaṁ karonti:

15-1

巴利原文

“niṭṭhitacīvaro bhagavā temāsaccayena cārikaṁ pakkamissatī”ti.

16-1

巴利原文

Assosi kho nandiyo sakko:

17-1

巴利原文

“sambahulā kira bhikkhū bhagavato cīvarakammaṁ karonti:

18-1

巴利原文

‘niṭṭhitacīvaro bhagavā temāsaccayena cārikaṁ pakkamissatī’”ti.

19-1

巴利原文

Atha kho nandiyo sakko yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho nandiyo sakko bhagavantaṁ etadavoca:

20-1

巴利原文

“sutaṁ metaṁ, bhante:

21-1

巴利原文

‘sambahulā kira bhikkhū bhagavato cīvarakammaṁ karonti—

22-1

巴利原文

niṭṭhitacīvaro bhagavā temāsaccayena cārikaṁ pakkamissatī’ti.

23-1

巴利原文

Tesaṁ no, bhante, nānāvihārehi viharataṁ kenassa vihārena vihātabban”ti?

24-1

巴利原文

“Sādhu sādhu, nandiya.

25-1

巴利原文

Etaṁ kho, nandiya, tumhākaṁ patirūpaṁ kulaputtānaṁ, yaṁ tumhe tathāgataṁ upasaṅkamitvā puccheyyātha:

26-1

巴利原文

‘tesaṁ no, bhante, nānāvihārehi viharataṁ kenassa vihārena vihātabban’ti?

27-1

巴利原文

Saddho kho, nandiya, ārādhako hoti, no assaddho;

28-1

巴利原文

sīlavā ārādhako hoti, no dussīlo;

29-1

巴利原文

āraddhavīriyo ārādhako hoti, no kusīto;

30-1

巴利原文

upaṭṭhitassati ārādhako hoti, no muṭṭhassati;

31-1

巴利原文

samāhito ārādhako hoti, no asamāhito;

32-1

巴利原文

paññavā ārādhako hoti, no duppañño.

33-1

巴利原文

Imesu kho te, nandiya, chasu dhammesu patiṭṭhāya pañcasu dhammesu ajjhattaṁ sati upaṭṭhāpetabbā.

34-1

巴利原文

Idha tvaṁ, nandiya, tathāgataṁ anussareyyāsi:

35-1

巴利原文

‘itipi so bhagavā arahaṁ sammāsambuddho vijjācaraṇasampanno sugato lokavidū anuttaro purisadammasārathi, satthā devamanussānaṁ buddho bhagavā’ti.

36-1

巴利原文

Iti kho te, nandiya, tathāgataṁ ārabbha ajjhattaṁ sati upaṭṭhāpetabbā.

37-1

巴利原文

Puna caparaṁ tvaṁ, nandiya, dhammaṁ anussareyyāsi:

38-1

巴利原文

‘svākkhāto bhagavatā dhammo sandiṭṭhiko akāliko ehipassiko opaneyyiko paccattaṁ veditabbo viññūhī’ti.

39-1

巴利原文

Iti kho te, nandiya, dhammaṁ ārabbha ajjhattaṁ sati upaṭṭhāpetabbā.

40-1

巴利原文

Puna caparaṁ tvaṁ, nandiya, kalyāṇamitte anussareyyāsi:

41-1

巴利原文

‘lābhā vata me, suladdhaṁ vata me,

42-1

巴利原文

yassa me kalyāṇamittā anukampakā atthakāmā ovādakā anusāsakā’ti.

43-1

巴利原文

Iti kho te, nandiya, kalyāṇamitte ārabbha ajjhattaṁ sati upaṭṭhāpetabbā.

44-1

巴利原文

Puna caparaṁ tvaṁ, nandiya, attano cāgaṁ anussareyyāsi:

45-1

巴利原文

‘lābhā vata me, suladdhaṁ vata me,

46-1

巴利原文

yohaṁ maccheramalapariyuṭṭhitāya pajāya vigatamalamaccherena cetasā agāraṁ ajjhāvasāmi muttacāgo payatapāṇi vossaggarato yācayogo dānasaṁvibhāgarato’ti.

47-1

巴利原文

Iti kho te, nandiya, cāgaṁ ārabbha ajjhattaṁ sati upaṭṭhāpetabbā.

48-1

巴利原文

Puna caparaṁ tvaṁ, nandiya, devatā anussareyyāsi:

49-1

巴利原文

‘yā devatā atikkammeva kabaḷīkārāhārabhakkhānaṁ devatānaṁ sahabyataṁ aññataraṁ manomayaṁ kāyaṁ upapannā, tā karaṇīyaṁ attano na samanupassanti katassa vā paticayaṁ’.

50-1

巴利原文

Seyyathāpi, nandiya, bhikkhu asamayavimutto karaṇīyaṁ attano na samanupassati katassa vā paticayaṁ;

51-1

巴利原文

evamevaṁ kho, nandiya, yā tā devatā atikkammeva kabaḷīkārāhārabhakkhānaṁ devatānaṁ sahabyataṁ aññataraṁ manomayaṁ kāyaṁ upapannā, tā karaṇīyaṁ attano na samanupassanti katassa vā paticayaṁ.

52-1

巴利原文

Iti kho te, nandiya, devatā ārabbha ajjhattaṁ sati upaṭṭhāpetabbā.

53-1

巴利原文

Imehi kho, nandiya, ekādasahi dhammehi samannāgato ariyasāvako pajahateva pāpake akusale dhamme, na upādiyati.

54-1

巴利原文

Seyyathāpi, nandiya, kumbho nikkujjo vamateva udakaṁ, no vantaṁ paccāvamati;

55-1

巴利原文

seyyathāpi vā pana, nandiya, sukkhe tiṇadāye aggi mutto ḍahaññeva gacchati, no daḍḍhaṁ paccudāvattati;

56-1

巴利原文

evamevaṁ kho, nandiya, imehi ekādasahi dhammehi samannāgato ariyasāvako pajahateva pāpake akusale dhamme, na upādiyatī”ti.

57-1

巴利原文

Tatiyaṁ.