增支部第270經（Aṅguttara Nikāya 4.62 / 7. Pattakammavagga / Ānaṇyasutta）

部類增支部

Pali NikāyaAṅguttara Nikāya

總句數33

已譯句數0

1-1

巴利原文

Aṅguttara Nikāya 4.62

2-1

巴利原文

7. Pattakammavagga

3-1

巴利原文

Ānaṇyasutta

4-1

巴利原文

Atha kho anāthapiṇḍiko gahapati yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho anāthapiṇḍikaṁ gahapatiṁ bhagavā etadavoca:

5-1

巴利原文

“Cattārimāni, gahapati, sukhāni adhigamanīyāni gihinā kāmabhoginā kālena kālaṁ samayena samayaṁ upādāya.

6-1

巴利原文

Katamāni cattāri?

7-1

巴利原文

Atthisukhaṁ, bhogasukhaṁ, ānaṇyasukhaṁ, anavajjasukhaṁ.

8-1

巴利原文

Katamañca, gahapati, atthisukhaṁ?

9-1

巴利原文

Idha, gahapati, kulaputtassa bhogā honti uṭṭhānavīriyādhigatā bāhābalaparicitā sedāvakkhittā dhammikā dhammaladdhā.

10-1

巴利原文

So ‘bhogā me atthi uṭṭhānavīriyādhigatā bāhābalaparicitā sedāvakkhittā dhammikā dhammaladdhā’ti adhigacchati sukhaṁ, adhigacchati somanassaṁ.

11-1

巴利原文

Idaṁ vuccati, gahapati, atthisukhaṁ.

12-1

巴利原文

Katamañca, gahapati, bhogasukhaṁ?

13-1

巴利原文

Idha, gahapati, kulaputto uṭṭhānavīriyādhigatehi bhogehi bāhābalaparicitehi sedāvakkhittehi dhammikehi dhammaladdhehi paribhuñjati puññāni ca karoti.

14-1

巴利原文

So ‘uṭṭhānavīriyādhigatehi bhogehi bāhābalaparicitehi sedāvakkhittehi dhammikehi dhammaladdhehi paribhuñjāmi puññāni ca karomī’ti adhigacchati sukhaṁ, adhigacchati somanassaṁ.

15-1

巴利原文

Idaṁ vuccati, gahapati, bhogasukhaṁ.

16-1

巴利原文

Katamañca, gahapati, ānaṇyasukhaṁ?

17-1

巴利原文

Idha, gahapati, kulaputto na kassaci kiñci dhāreti appaṁ vā bahuṁ vā.

18-1

巴利原文

So ‘na kassaci kiñci dhāremi appaṁ vā bahuṁ vā’ti adhigacchati sukhaṁ, adhigacchati somanassaṁ.

19-1

巴利原文

Idaṁ vuccati, gahapati, ānaṇyasukhaṁ.

20-1

巴利原文

Katamañca, gahapati, anavajjasukhaṁ?

21-1

巴利原文

Idha, gahapati, ariyasāvako anavajjena kāyakammena samannāgato hoti, anavajjena vacīkammena samannāgato hoti, anavajjena manokammena samannāgato hoti.

22-1

巴利原文

So ‘anavajjenamhi kāyakammena samannāgato, anavajjena vacīkammena samannāgato, anavajjena manokammena samannāgato’ti adhigacchati sukhaṁ, adhigacchati somanassaṁ.

23-1

巴利原文

Idaṁ vuccati, gahapati, anavajjasukhaṁ.

24-1

巴利原文

Imāni kho, gahapati, cattāri sukhāni adhigamanīyāni gihinā kāmabhoginā kālena kālaṁ samayena samayaṁ upādāyāti.

25-1

巴利原文

Ānaṇyasukhaṁ ñatvāna,

26-1

巴利原文

Atho atthisukhaṁ paraṁ;

27-1

巴利原文

Bhuñjaṁ bhogasukhaṁ macco,

28-1

巴利原文

Tato paññā vipassati.

29-1

巴利原文

Vipassamāno jānāti,

30-1

巴利原文

ubho bhoge sumedhaso;

31-1

巴利原文

Anavajjasukhassetaṁ,

32-1

巴利原文

kalaṁ nāgghati soḷasin”ti.

33-1

巴利原文

Dutiyaṁ.