增支部第281經（Aṅguttara Nikāya 4.73 / 8. Apaṇṇakavagga / Sappurisasutta）

部類增支部

Pali NikāyaAṅguttara Nikāya

總句數43

已譯句數0

1-1

巴利原文

Aṅguttara Nikāya 4.73

2-1

巴利原文

8. Apaṇṇakavagga

3-1

巴利原文

Sappurisasutta

4-1

巴利原文

“Catūhi, bhikkhave, dhammehi samannāgato asappuriso veditabbo.

5-1

巴利原文

Katamehi catūhi?

6-1

巴利原文

Idha, bhikkhave, asappuriso yo hoti parassa avaṇṇo taṁ apuṭṭhopi pātu karoti, ko pana vādo puṭṭhassa.

7-1

巴利原文

Puṭṭho kho pana pañhābhinīto ahāpetvā alambitvā paripūraṁ vitthārena parassa avaṇṇaṁ bhāsitā hoti.

8-1

巴利原文

Veditabbametaṁ, bhikkhave, asappuriso ayaṁ bhavanti.

9-1

巴利原文

Puna caparaṁ, bhikkhave, asappuriso yo hoti parassa vaṇṇo taṁ puṭṭhopi na pātu karoti, ko pana vādo apuṭṭhassa.

10-1

巴利原文

Puṭṭho kho pana pañhābhinīto hāpetvā lambitvā aparipūraṁ avitthārena parassa vaṇṇaṁ bhāsitā hoti.

11-1

巴利原文

Veditabbametaṁ, bhikkhave, asappuriso ayaṁ bhavanti.

12-1

巴利原文

Puna caparaṁ, bhikkhave, asappuriso yo hoti attano avaṇṇo taṁ puṭṭhopi na pātu karoti, ko pana vādo apuṭṭhassa.

13-1

巴利原文

Puṭṭho kho pana pañhābhinīto hāpetvā lambitvā aparipūraṁ avitthārena attano avaṇṇaṁ bhāsitā hoti.

14-1

巴利原文

Veditabbametaṁ, bhikkhave, asappuriso ayaṁ bhavanti.

15-1

巴利原文

Puna caparaṁ, bhikkhave, asappuriso yo hoti attano vaṇṇo taṁ apuṭṭhopi pātu karoti, ko pana vādo puṭṭhassa.

16-1

巴利原文

Puṭṭho kho pana pañhābhinīto ahāpetvā alambitvā paripūraṁ vitthārena attano vaṇṇaṁ bhāsitā hoti.

17-1

巴利原文

Veditabbametaṁ, bhikkhave, asappuriso ayaṁ bhavanti.

18-1

巴利原文

Imehi kho, bhikkhave, catūhi dhammehi samannāgato asappuriso veditabbo.

19-1

巴利原文

Catūhi, bhikkhave, dhammehi samannāgato sappuriso veditabbo.

20-1

巴利原文

Katamehi catūhi?

21-1

巴利原文

Idha, bhikkhave, sappuriso yo hoti parassa avaṇṇo taṁ puṭṭhopi na pātu karoti, ko pana vādo apuṭṭhassa.

22-1

巴利原文

Puṭṭho kho pana pañhābhinīto hāpetvā lambitvā aparipūraṁ avitthārena parassa avaṇṇaṁ bhāsitā hoti.

23-1

巴利原文

Veditabbametaṁ, bhikkhave, sappuriso ayaṁ bhavanti.

24-1

巴利原文

Puna caparaṁ, bhikkhave, sappuriso yo hoti parassa vaṇṇo taṁ apuṭṭhopi pātu karoti, ko pana vādo puṭṭhassa.

25-1

巴利原文

Puṭṭho kho pana pañhābhinīto ahāpetvā alambitvā paripūraṁ vitthārena parassa vaṇṇaṁ bhāsitā hoti.

26-1

巴利原文

Veditabbametaṁ, bhikkhave, sappuriso ayaṁ bhavanti.

27-1

巴利原文

Puna caparaṁ, bhikkhave, sappuriso yo hoti attano avaṇṇo taṁ apuṭṭhopi pātu karoti, ko pana vādo puṭṭhassa.

28-1

巴利原文

Puṭṭho kho pana pañhābhinīto ahāpetvā alambitvā paripūraṁ vitthārena attano avaṇṇaṁ bhāsitā hoti.

29-1

巴利原文

Veditabbametaṁ, bhikkhave, sappuriso ayaṁ bhavanti.

30-1

巴利原文

Puna caparaṁ, bhikkhave, sappuriso yo hoti attano vaṇṇo taṁ puṭṭhopi na pātu karoti, ko pana vādo apuṭṭhassa.

31-1

巴利原文

Puṭṭho kho pana pañhābhinīto hāpetvā lambitvā aparipūraṁ avitthārena attano vaṇṇaṁ bhāsitā hoti.

32-1

巴利原文

Veditabbametaṁ, bhikkhave, sappuriso ayaṁ bhavanti.

33-1

巴利原文

Imehi kho, bhikkhave, catūhi dhammehi samannāgato sappuriso veditabbo.

34-1

巴利原文

Seyyathāpi, bhikkhave, vadhukā yaññadeva rattiṁ vā divaṁ vā ānītā hoti, tāvadevassā tibbaṁ hirottappaṁ paccupaṭṭhitaṁ hoti sassuyāpi sasurepi sāmikepi antamaso dāsakammakaraporisesu.

35-1

巴利原文

Sā aparena samayena saṁvāsamanvāya vissāsamanvāya sassumpi sasurampi sāmikampi evamāha:

36-1

巴利原文

‘apetha, kiṁ pana tumhe jānāthā’ti.

37-1

巴利原文

Evamevaṁ kho, bhikkhave, idhekacco bhikkhu yaññadeva rattiṁ vā divaṁ vā agārasmā anagāriyaṁ pabbajito hoti, tāvadevassa tibbaṁ hirottappaṁ paccupaṭṭhitaṁ hoti bhikkhūsu bhikkhunīsu upāsakesu upāsikāsu antamaso ārāmikasamaṇuddesesu.

38-1

巴利原文

So aparena samayena saṁvāsamanvāya vissāsamanvāya ācariyampi upajjhāyampi evamāha:

39-1

巴利原文

‘apetha, kiṁ pana tumhe jānāthā’ti.

40-1

巴利原文

Tasmātiha, bhikkhave, evaṁ sikkhitabbaṁ:

41-1

巴利原文

‘adhunāgatavadhukāsamena cetasā viharissāmā’ti.

42-1

巴利原文

Evañhi vo, bhikkhave, sikkhitabban”ti.

43-1

巴利原文

Tatiyaṁ.