增支部第520經（Aṅguttara Nikāya 5.34 / 4. Sumanavagga / Sīhasenāpatisutta）

部類增支部

Pali NikāyaAṅguttara Nikāya

總句數43

已譯句數0

1-1

巴利原文

Aṅguttara Nikāya 5.34

2-1

巴利原文

4. Sumanavagga

3-1

巴利原文

Sīhasenāpatisutta

4-1

巴利原文

Ekaṁ samayaṁ bhagavā vesāliyaṁ viharati mahāvane kūṭāgārasālāyaṁ.

5-1

巴利原文

Atha kho sīho senāpati yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho sīho senāpati bhagavantaṁ etadavoca:

6-1

巴利原文

“sakkā nu kho, bhante, bhagavā sandiṭṭhikaṁ dānaphalaṁ paññāpetun”ti?

7-1

巴利原文

“Sakkā, sīhā”ti bhagavā avoca:

8-1

巴利原文

“dāyako, sīha, dānapati bahuno janassa piyo hoti manāpo.

9-1

巴利原文

Yampi, sīha, dāyako dānapati bahuno janassa piyo hoti manāpo, idampi sandiṭṭhikaṁ dānaphalaṁ.

10-1

巴利原文

Puna caparaṁ, sīha, dāyakaṁ dānapatiṁ santo sappurisā bhajanti.

11-1

巴利原文

Yampi, sīha, dāyakaṁ dānapatiṁ santo sappurisā bhajanti, idampi sandiṭṭhikaṁ dānaphalaṁ.

12-1

巴利原文

Puna caparaṁ, sīha, dāyakassa dānapatino kalyāṇo kittisaddo abbhuggacchati.

13-1

巴利原文

Yampi, sīha, dāyakassa dānapatino kalyāṇo kittisaddo abbhuggacchati, idampi sandiṭṭhikaṁ dānaphalaṁ.

14-1

巴利原文

Puna caparaṁ, sīha, dāyako dānapati yaṁ yadeva parisaṁ upasaṅkamati—yadi khattiyaparisaṁ yadi brāhmaṇaparisaṁ yadi gahapatiparisaṁ yadi samaṇaparisaṁ—visārado upasaṅkamati amaṅkubhūto.

15-1

巴利原文

Yampi, sīha, dāyako dānapati yaṁ yadeva parisaṁ upasaṅkamati—yadi khattiyaparisaṁ yadi brāhmaṇaparisaṁ yadi gahapatiparisaṁ yadi samaṇaparisaṁ—visārado upasaṅkamati amaṅkubhūto, idampi sandiṭṭhikaṁ dānaphalaṁ.

16-1

巴利原文

Puna caparaṁ, sīha, dāyako dānapati kāyassa bhedā paraṁ maraṇā sugatiṁ saggaṁ lokaṁ upapajjati.

17-1

巴利原文

Yampi, sīha, dāyako dānapati kāyassa bhedā paraṁ maraṇā sugatiṁ saggaṁ lokaṁ upapajjati, idaṁ samparāyikaṁ dānaphalan”ti.

18-1

巴利原文

Evaṁ vutte, sīho senāpati bhagavantaṁ etadavoca:

19-1

巴利原文

“yānimāni, bhante, bhagavatā cattāri sandiṭṭhikāni dānaphalāni akkhātāni, nāhaṁ ettha bhagavato saddhāya gacchāmi; ahaṁ petāni jānāmi.

20-1

巴利原文

Ahaṁ, bhante, dāyako dānapati bahuno janassa piyo manāpo.

21-1

巴利原文

Ahaṁ, bhante, dāyako dānapati; maṁ santo sappurisā bhajanti.

22-1

巴利原文

Ahaṁ, bhante, dāyako dānapati; mayhaṁ kalyāṇo kittisaddo abbhuggato: ‘sīho senāpati dāyako kārako saṅghupaṭṭhāko’ti.

23-1

巴利原文

Ahaṁ, bhante, dāyako dānapati yaṁ yadeva parisaṁ upasaṅkamāmi—yadi khattiyaparisaṁ yadi brāhmaṇaparisaṁ yadi gahapatiparisaṁ yadi samaṇaparisaṁ—visārado upasaṅkamāmi amaṅkubhūto.

24-1

巴利原文

Yānimāni, bhante, bhagavatā cattāri sandiṭṭhikāni dānaphalāni akkhātāni, nāhaṁ ettha bhagavato saddhāya gacchāmi; ahaṁ petāni jānāmi.

25-1

巴利原文

Yañca kho maṁ, bhante, bhagavā evamāha:

26-1

巴利原文

‘dāyako, sīha, dānapati kāyassa bhedā paraṁ maraṇā sugatiṁ saggaṁ lokaṁ upapajjatī’ti, etāhaṁ na jānāmi; ettha ca panāhaṁ bhagavato saddhāya gacchāmī”ti.

27-1

巴利原文

“Evametaṁ, sīha, evametaṁ, sīha.

28-1

巴利原文

Dāyako dānapati kāyassa bhedā paraṁ maraṇā sugatiṁ saggaṁ lokaṁ upapajjatīti.

29-1

巴利原文

Dadaṁ piyo hoti bhajanti naṁ bahū,

30-1

巴利原文

Kittiñca pappoti yaso ca vaḍḍhati;

31-1

巴利原文

Amaṅkubhūto parisaṁ vigāhati,

32-1

巴利原文

Visārado hoti naro amaccharī.

33-1

巴利原文

Tasmā hi dānāni dadanti paṇḍitā,

34-1

巴利原文

Vineyya maccheramalaṁ sukhesino;

35-1

巴利原文

Te dīgharattaṁ tidive patiṭṭhitā,

36-1

巴利原文

Devānaṁ sahabyagatā ramanti te.

37-1

巴利原文

Katāvakāsā katakusalā ito cutā,

38-1

巴利原文

Sayaṁpabhā anuvicaranti nandanaṁ;

39-1

巴利原文

Te tattha nandanti ramanti modare,

40-1

巴利原文

Samappitā kāmaguṇehi pañcahi;

41-1

巴利原文

Katvāna vākyaṁ asitassa tādino,

42-1

巴利原文

Ramanti sagge sugatassa sāvakā”ti.

43-1

巴利原文

Catutthaṁ.