增支部第529經（Aṅguttara Nikāya 5.43 / 5. Muṇḍarājavagga / Iṭṭhasutta）

部類增支部

Pali NikāyaAṅguttara Nikāya

總句數47

已譯句數0

1-1

巴利原文

Aṅguttara Nikāya 5.43

2-1

巴利原文

5. Muṇḍarājavagga

3-1

巴利原文

Iṭṭhasutta

4-1

巴利原文

Atha kho anāthapiṇḍiko gahapati yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho anāthapiṇḍikaṁ gahapatiṁ bhagavā etadavoca:

5-1

巴利原文

“Pañcime, gahapati, dhammā iṭṭhā kantā manāpā dullabhā lokasmiṁ.

6-1

巴利原文

Katame pañca?

7-1

巴利原文

Āyu, gahapati, iṭṭho kanto manāpo dullabho lokasmiṁ;

8-1

巴利原文

vaṇṇo iṭṭho kanto manāpo dullabho lokasmiṁ;

9-1

巴利原文

sukhaṁ iṭṭhaṁ kantaṁ manāpaṁ dullabhaṁ lokasmiṁ;

10-1

巴利原文

yaso iṭṭho kanto manāpo dullabho lokasmiṁ;

11-1

巴利原文

saggā iṭṭhā kantā manāpā dullabhā lokasmiṁ.

12-1

巴利原文

Ime kho, gahapati, pañca dhammā iṭṭhā kantā manāpā dullabhā lokasmiṁ.

13-1

巴利原文

Imesaṁ kho, gahapati, pañcannaṁ dhammānaṁ iṭṭhānaṁ kantānaṁ manāpānaṁ dullabhānaṁ lokasmiṁ na āyācanahetu vā patthanāhetu vā paṭilābhaṁ vadāmi.

14-1

巴利原文

Imesaṁ kho, gahapati, pañcannaṁ dhammānaṁ iṭṭhānaṁ kantānaṁ manāpānaṁ dullabhānaṁ lokasmiṁ āyācanahetu vā patthanāhetu vā paṭilābho abhavissa, ko idha kena hāyetha?

15-1

巴利原文

Na kho, gahapati, arahati ariyasāvako āyukāmo āyuṁ āyācituṁ vā abhinandituṁ vā āyussa vāpi hetu.

16-1

巴利原文

Āyukāmena, gahapati, ariyasāvakena āyusaṁvattanikā paṭipadā paṭipajjitabbā.

17-1

巴利原文

Āyusaṁvattanikā hissa paṭipadā paṭipannā āyupaṭilābhāya saṁvattati.

18-1

巴利原文

So lābhī hoti āyussa dibbassa vā mānusassa vā.

19-1

巴利原文

Na kho, gahapati, arahati ariyasāvako vaṇṇakāmo vaṇṇaṁ āyācituṁ vā abhinandituṁ vā vaṇṇassa vāpi hetu.

20-1

巴利原文

Vaṇṇakāmena, gahapati, ariyasāvakena vaṇṇasaṁvattanikā paṭipadā paṭipajjitabbā.

21-1

巴利原文

Vaṇṇasaṁvattanikā hissa paṭipadā paṭipannā vaṇṇapaṭilābhāya saṁvattati.

22-1

巴利原文

So lābhī hoti vaṇṇassa dibbassa vā mānusassa vā.

23-1

巴利原文

Na kho, gahapati, arahati ariyasāvako sukhakāmo sukhaṁ āyācituṁ vā abhinandituṁ vā sukhassa vāpi hetu.

24-1

巴利原文

Sukhakāmena, gahapati, ariyasāvakena sukhasaṁvattanikā paṭipadā paṭipajjitabbā.

25-1

巴利原文

Sukhasaṁvattanikā hissa paṭipadā paṭipannā sukhapaṭilābhāya saṁvattati.

26-1

巴利原文

So lābhī hoti sukhassa dibbassa vā mānusassa vā.

27-1

巴利原文

Na kho, gahapati, arahati ariyasāvako yasakāmo yasaṁ āyācituṁ vā abhinandituṁ vā yasassa vāpi hetu.

28-1

巴利原文

Yasakāmena, gahapati, ariyasāvakena yasasaṁvattanikā paṭipadā paṭipajjitabbā.

29-1

巴利原文

Yasasaṁvattanikā hissa paṭipadā paṭipannā yasapaṭilābhāya saṁvattati.

30-1

巴利原文

So lābhī hoti yasassa dibbassa vā mānusassa vā.

31-1

巴利原文

Na kho, gahapati, arahati ariyasāvako saggakāmo saggaṁ āyācituṁ vā abhinandituṁ vā saggānaṁ vāpi hetu.

32-1

巴利原文

Saggakāmena, gahapati, ariyasāvakena saggasaṁvattanikā paṭipadā paṭipajjitabbā.

33-1

巴利原文

Saggasaṁvattanikā hissa paṭipadā paṭipannā saggapaṭilābhāya saṁvattati.

34-1

巴利原文

So lābhī hoti saggānanti.

35-1

巴利原文

Āyuṁ vaṇṇaṁ yasaṁ kittiṁ,

36-1

巴利原文

Saggaṁ uccākulīnataṁ;

37-1

巴利原文

Ratiyo patthayānena,

38-1

巴利原文

Uḷārā aparāparā.

39-1

巴利原文

Appamādaṁ pasaṁsanti,

40-1

巴利原文

puññakiriyāsu paṇḍitā;

41-1

巴利原文

Appamatto ubho atthe,

42-1

巴利原文

adhigaṇhāti paṇḍito.

43-1

巴利原文

Diṭṭhe dhamme ca yo attho,

44-1

巴利原文

yo cattho samparāyiko;

45-1

巴利原文

Atthābhisamayā dhīro,

46-1

巴利原文

paṇḍitoti pavuccatī”ti.

47-1

巴利原文

Tatiyaṁ.