巴利大藏經《增支部第543經（Aṅguttara Nikāya 5.57 / 6. Nīvaraṇavagga / Abhiṇhapaccavekkhitabbaṭhānasutta）》

1-1

巴利原文

Aṅguttara Nikāya 5.57

2-1

巴利原文

6. Nīvaraṇavagga

3-1

巴利原文

Abhiṇhapaccavekkhitabbaṭhānasutta

4-1

巴利原文

“Pañcimāni, bhikkhave, ṭhānāni abhiṇhaṁ paccavekkhitabbāni itthiyā vā purisena vā gahaṭṭhena vā pabbajitena vā.

5-1

巴利原文

Katamāni pañca?

6-1

巴利原文

‘Jarādhammomhi, jaraṁ anatīto’ti abhiṇhaṁ paccavekkhitabbaṁ itthiyā vā purisena vā gahaṭṭhena vā pabbajitena vā.

7-1

巴利原文

‘Byādhidhammomhi, byādhiṁ anatīto’ti abhiṇhaṁ paccavekkhitabbaṁ itthiyā vā purisena vā gahaṭṭhena vā pabbajitena vā.

8-1

巴利原文

‘Maraṇadhammomhi, maraṇaṁ anatīto’ti abhiṇhaṁ paccavekkhitabbaṁ itthiyā vā purisena vā gahaṭṭhena vā pabbajitena vā.

9-1

巴利原文

‘Sabbehi me piyehi manāpehi nānābhāvo vinābhāvo’ti abhiṇhaṁ paccavekkhitabbaṁ itthiyā vā purisena vā gahaṭṭhena vā pabbajitena vā.

10-1

巴利原文

‘Kammassakomhi, kammadāyādo kammayoni kammabandhu kammapaṭisaraṇo.

11-1

巴利原文

Yaṁ kammaṁ karissāmi—kalyāṇaṁ vā pāpakaṁ vā—

12-1

巴利原文

tassa dāyādo bhavissāmī’ti abhiṇhaṁ paccavekkhitabbaṁ itthiyā vā purisena vā gahaṭṭhena vā pabbajitena vā.

13-1

巴利原文

Kiñca, bhikkhave, atthavasaṁ paṭicca ‘jarādhammomhi, jaraṁ anatīto’ti abhiṇhaṁ paccavekkhitabbaṁ itthiyā vā purisena vā gahaṭṭhena vā pabbajitena vā?

14-1

巴利原文

Atthi, bhikkhave, sattānaṁ yobbane yobbanamado, yena madena mattā kāyena duccaritaṁ caranti, vācāya duccaritaṁ caranti, manasā duccaritaṁ caranti.

15-1

巴利原文

Tassa taṁ ṭhānaṁ abhiṇhaṁ paccavekkhato yo yobbane yobbanamado so sabbaso vā pahīyati tanu vā pana hoti.

16-1

巴利原文

Idaṁ kho, bhikkhave, atthavasaṁ paṭicca ‘jarādhammomhi, jaraṁ anatīto’ti abhiṇhaṁ paccavekkhitabbaṁ itthiyā vā purisena vā gahaṭṭhena vā pabbajitena vā.

17-1

巴利原文

Kiñca, bhikkhave, atthavasaṁ paṭicca ‘byādhidhammomhi, byādhiṁ anatīto’ti abhiṇhaṁ paccavekkhitabbaṁ itthiyā vā purisena vā gahaṭṭhena vā pabbajitena vā?

18-1

巴利原文

Atthi, bhikkhave, sattānaṁ ārogye ārogyamado, yena madena mattā kāyena duccaritaṁ caranti, vācāya duccaritaṁ caranti, manasā duccaritaṁ caranti.

19-1

巴利原文

Tassa taṁ ṭhānaṁ abhiṇhaṁ paccavekkhato yo ārogye ārogyamado so sabbaso vā pahīyati tanu vā pana hoti.

20-1

巴利原文

Idaṁ kho, bhikkhave, atthavasaṁ paṭicca ‘byādhidhammomhi, byādhiṁ anatīto’ti abhiṇhaṁ paccavekkhitabbaṁ itthiyā vā purisena vā gahaṭṭhena vā pabbajitena vā.

21-1

巴利原文

Kiñca, bhikkhave, atthavasaṁ paṭicca ‘maraṇadhammomhi, maraṇaṁ anatīto’ti abhiṇhaṁ paccavekkhitabbaṁ itthiyā vā purisena vā gahaṭṭhena vā pabbajitena vā?

22-1

巴利原文

Atthi, bhikkhave, sattānaṁ jīvite jīvitamado, yena madena mattā kāyena duccaritaṁ caranti, vācāya duccaritaṁ caranti, manasā duccaritaṁ caranti.

23-1

巴利原文

Tassa taṁ ṭhānaṁ abhiṇhaṁ paccavekkhato yo jīvite jīvitamado so sabbaso vā pahīyati tanu vā pana hoti.

24-1

巴利原文

Idaṁ kho, bhikkhave, atthavasaṁ paṭicca ‘maraṇadhammomhi, maraṇaṁ anatīto’ti abhiṇhaṁ paccavekkhitabbaṁ itthiyā vā purisena vā gahaṭṭhena vā pabbajitena vā.

25-1

巴利原文

Kiñca, bhikkhave, atthavasaṁ paṭicca ‘sabbehi me piyehi manāpehi nānābhāvo vinābhāvo’ti abhiṇhaṁ paccavekkhitabbaṁ itthiyā vā purisena vā gahaṭṭhena vā pabbajitena vā?

26-1

巴利原文

Atthi, bhikkhave, sattānaṁ piyesu manāpesu yo chandarāgo yena rāgena rattā kāyena duccaritaṁ caranti, vācāya duccaritaṁ caranti, manasā duccaritaṁ caranti.

27-1

巴利原文

Tassa taṁ ṭhānaṁ abhiṇhaṁ paccavekkhato yo piyesu manāpesu chandarāgo so sabbaso vā pahīyati tanu vā pana hoti.

28-1

巴利原文

Idaṁ kho, bhikkhave, atthavasaṁ paṭicca ‘sabbehi me piyehi manāpehi nānābhāvo vinābhāvo’ti abhiṇhaṁ paccavekkhitabbaṁ itthiyā vā purisena vā gahaṭṭhena vā pabbajitena vā.

29-1

巴利原文

Kiñca, bhikkhave, atthavasaṁ paṭicca ‘kammassakomhi, kammadāyādo kammayoni kammabandhu kammapaṭisaraṇo, yaṁ kammaṁ karissāmi—

30-1

巴利原文

kalyāṇaṁ vā pāpakaṁ vā—tassa dāyādo bhavissāmī’ti abhiṇhaṁ paccavekkhitabbaṁ itthiyā vā purisena vā gahaṭṭhena vā pabbajitena vā?

31-1

巴利原文

Atthi, bhikkhave, sattānaṁ kāyaduccaritaṁ vacīduccaritaṁ manoduccaritaṁ.

32-1

巴利原文

Tassa taṁ ṭhānaṁ abhiṇhaṁ paccavekkhato sabbaso vā duccaritaṁ pahīyati tanu vā pana hoti.

33-1

巴利原文

Idaṁ kho, bhikkhave, atthavasaṁ paṭicca ‘kammassakomhi, kammadāyādo kammayoni kammabandhu kammapaṭisaraṇo, yaṁ kammaṁ karissāmi—

34-1

巴利原文

kalyāṇaṁ vā pāpakaṁ vā—

35-1

巴利原文

tassa dāyādo bhavissāmī’ti abhiṇhaṁ paccavekkhitabbaṁ itthiyā vā purisena vā gahaṭṭhena vā pabbajitena vā.

36-1

巴利原文

Sa kho so, bhikkhave, ariyasāvako iti paṭisañcikkhati:

37-1

巴利原文

‘na kho ahaññeveko jarādhammo jaraṁ anatīto, atha kho yāvatā sattānaṁ āgati gati cuti upapatti sabbe sattā jarādhammā jaraṁ anatītā’ti.

38-1

巴利原文

Tassa taṁ ṭhānaṁ abhiṇhaṁ paccavekkhato maggo sañjāyati.

39-1

巴利原文

So taṁ maggaṁ āsevati bhāveti bahulīkaroti.

40-1

巴利原文

Tassa taṁ maggaṁ āsevato bhāvayato bahulīkaroto saṁyojanāni sabbaso pahīyanti anusayā byantīhonti.

41-1

巴利原文

‘Na kho ahaññeveko byādhidhammo byādhiṁ anatīto, atha kho yāvatā sattānaṁ āgati gati cuti upapatti sabbe sattā byādhidhammā byādhiṁ anatītā’ti.

42-1

巴利原文

Tassa taṁ ṭhānaṁ abhiṇhaṁ paccavekkhato maggo sañjāyati.

43-1

巴利原文

So taṁ maggaṁ āsevati bhāveti bahulīkaroti.

44-1

巴利原文

Tassa taṁ maggaṁ āsevato bhāvayato bahulīkaroto saṁyojanāni sabbaso pahīyanti, anusayā byantīhonti.

45-1

巴利原文

‘Na kho ahaññeveko maraṇadhammo maraṇaṁ anatīto, atha kho yāvatā sattānaṁ āgati gati cuti upapatti sabbe sattā maraṇadhammā maraṇaṁ anatītā’ti.

46-1

巴利原文

Tassa taṁ ṭhānaṁ abhiṇhaṁ paccavekkhato maggo sañjāyati.

47-1

巴利原文

So taṁ maggaṁ āsevati bhāveti bahulīkaroti.

48-1

巴利原文

Tassa taṁ maggaṁ āsevato bhāvayato bahulīkaroto saṁyojanāni sabbaso pahīyanti, anusayā byantīhonti.

49-1

巴利原文

‘Na kho mayhevekassa sabbehi piyehi manāpehi nānābhāvo vinābhāvo, atha kho yāvatā sattānaṁ āgati gati cuti upapatti sabbesaṁ sattānaṁ piyehi manāpehi nānābhāvo vinābhāvo’ti.

50-1

巴利原文

Tassa taṁ ṭhānaṁ abhiṇhaṁ paccavekkhato maggo sañjāyati.

51-1

巴利原文

So taṁ maggaṁ āsevati bhāveti bahulīkaroti.

52-1

巴利原文

Tassa taṁ maggaṁ āsevato bhāvayato bahulīkaroto saṁyojanāni sabbaso pahīyanti, anusayā byantīhonti.

53-1

巴利原文

‘Na kho ahaññeveko kammassako kammadāyādo kammayoni kammabandhu kammapaṭisaraṇo, yaṁ kammaṁ karissāmi—kalyāṇaṁ vā pāpakaṁ vā—tassa dāyādo bhavissāmi;

54-1

巴利原文

atha kho yāvatā sattānaṁ āgati gati cuti upapatti sabbe sattā kammassakā kammadāyādā kammayoni kammabandhu kammapaṭisaraṇā, yaṁ kammaṁ karissanti—kalyāṇaṁ vā pāpakaṁ vā—tassa dāyādā bhavissantī’ti.

55-1

巴利原文

Tassa taṁ ṭhānaṁ abhiṇhaṁ paccavekkhato maggo sañjāyati.

56-1

巴利原文

So taṁ maggaṁ āsevati bhāveti bahulīkaroti.

57-1

巴利原文

Tassa taṁ maggaṁ āsevato bhāvayato bahulīkaroto saṁyojanāni sabbaso pahīyanti, anusayā byantīhontīti.

58-1

巴利原文

Byādhidhammā jarādhammā,

59-1

巴利原文

atho maraṇadhammino;

60-1

巴利原文

Yathā dhammā tathā sattā,

61-1

巴利原文

jigucchanti puthujjanā.

62-1

巴利原文

Ahañce taṁ jiguccheyyaṁ,

63-1

巴利原文

evaṁ dhammesu pāṇisu;

64-1

巴利原文

Na metaṁ patirūpassa,

65-1

巴利原文

mama evaṁ vihārino.

66-1

巴利原文

Sohaṁ evaṁ viharanto,

67-1

巴利原文

ñatvā dhammaṁ nirūpadhiṁ;

68-1

巴利原文

Ārogye yobbanasmiñca,

69-1

巴利原文

jīvitasmiñca ye madā.

70-1

巴利原文

Sabbe made abhibhosmi,

71-1

巴利原文

Nekkhammaṁ daṭṭhu khemato;

72-1

巴利原文

Tassa me ahu ussāho,

73-1

巴利原文

Nibbānaṁ abhipassato.

74-1

巴利原文

Nāhaṁ bhabbo etarahi,

75-1

巴利原文

Kāmāni paṭisevituṁ;

76-1

巴利原文

Anivatti bhavissāmi,

77-1

巴利原文

Brahmacariyaparāyaṇo”ti.

78-1

巴利原文

Sattamaṁ.