增支部第558經（Aṅguttara Nikāya 5.72 / 8. Yodhājīvavagga / Dutiyacetovimuttiphalasutta）

部類增支部

Pali NikāyaAṅguttara Nikāya

總句數25

已譯句數0

1-1

巴利原文

Aṅguttara Nikāya 5.72

2-1

巴利原文

8. Yodhājīvavagga

3-1

巴利原文

Dutiyacetovimuttiphalasutta

4-1

巴利原文

“Pañcime, bhikkhave, dhammā bhāvitā bahulīkatā cetovimuttiphalā ca honti cetovimuttiphalānisaṁsā ca, paññāvimuttiphalā ca honti paññāvimuttiphalānisaṁsā ca.

5-1

巴利原文

Katame pañca?

6-1

巴利原文

Aniccasaññā, anicce dukkhasaññā, dukkhe anattasaññā, pahānasaññā, virāgasaññā—

7-1

巴利原文

ime kho, bhikkhave, pañca dhammā bhāvitā bahulīkatā cetovimuttiphalā ca honti cetovimuttiphalānisaṁsā ca, paññāvimuttiphalā ca honti paññāvimuttiphalānisaṁsā ca.

8-1

巴利原文

Yato kho, bhikkhave, bhikkhu cetovimutto ca hoti paññāvimutto ca—

9-1

巴利原文

ayaṁ vuccati, bhikkhave, ‘bhikkhu ukkhittapaligho itipi, saṅkiṇṇaparikho itipi, abbūḷhesiko itipi, niraggaḷo itipi, ariyo pannaddhajo pannabhāro visaṁyutto itipi’”.

10-1

巴利原文

“Kathañca, bhikkhave, bhikkhu ukkhittapaligho hoti?

11-1

巴利原文

Idha, bhikkhave, bhikkhuno avijjā pahīnā hoti ucchinnamūlā tālāvatthukatā anabhāvaṅkatā āyatiṁ anuppādadhammā.

12-1

巴利原文

Evaṁ kho, bhikkhave, bhikkhu ukkhittapaligho hoti.

13-1

巴利原文

Kathañca, bhikkhave, bhikkhu saṅkiṇṇaparikho hoti?

14-1

巴利原文

Idha, bhikkhave, bhikkhuno ponobhaviko jātisaṁsāro pahīno hoti ucchinnamūlo tālāvatthukato anabhāvaṅkato āyatiṁ anuppādadhammo.

15-1

巴利原文

Evaṁ kho, bhikkhave, bhikkhu saṅkiṇṇaparikho hoti.

16-1

巴利原文

Kathañca, bhikkhave, bhikkhu abbūḷhesiko hoti?

17-1

巴利原文

Idha, bhikkhave, bhikkhuno taṇhā pahīnā hoti ucchinnamūlā tālāvatthukatā anabhāvaṅkatā āyatiṁ anuppādadhammā.

18-1

巴利原文

Evaṁ kho, bhikkhave, bhikkhu abbūḷhesiko hoti.

19-1

巴利原文

Kathañca, bhikkhave, bhikkhu niraggaḷo hoti?

20-1

巴利原文

Idha, bhikkhave, bhikkhuno pañcorambhāgiyāni saṁyojanāni pahīnāni honti ucchinnamūlāni tālāvatthukatāni anabhāvaṅkatāni āyatiṁ anuppādadhammāni.

21-1

巴利原文

Evaṁ kho, bhikkhave, bhikkhu niraggaḷo hoti.

22-1

巴利原文

Kathañca, bhikkhave, bhikkhu ariyo pannaddhajo pannabhāro visaṁyutto hoti?

23-1

巴利原文

Idha, bhikkhave, bhikkhuno asmimāno pahīno hoti ucchinnamūlo tālāvatthukato anabhāvaṅkato āyatiṁ anuppādadhammo.

24-1

巴利原文

Evaṁ kho, bhikkhave, bhikkhu ariyo pannaddhajo pannabhāro visaṁyutto hotī”ti.

25-1

巴利原文

Dutiyaṁ.