巴利大藏經《增支部第561經（Aṅguttara Nikāya 5.75 / 8. Yodhājīvavagga / Paṭhamayodhājīvasutta）》

1-1

巴利原文

Aṅguttara Nikāya 5.75

2-1

巴利原文

8. Yodhājīvavagga

3-1

巴利原文

Paṭhamayodhājīvasutta

4-1

巴利原文

“Pañcime, bhikkhave, yodhājīvā santo saṁvijjamānā lokasmiṁ.

5-1

巴利原文

Katame pañca?

6-1

巴利原文

Idha, bhikkhave, ekacco yodhājīvo rajaggaññeva disvā saṁsīdati visīdati na santhambhati na sakkoti saṅgāmaṁ otarituṁ.

7-1

巴利原文

Evarūpopi, bhikkhave, idhekacco yodhājīvo hoti.

8-1

巴利原文

Ayaṁ, bhikkhave, paṭhamo yodhājīvo santo saṁvijjamāno lokasmiṁ.

9-1

巴利原文

Puna caparaṁ, bhikkhave, idhekacco yodhājīvo sahati rajaggaṁ;

10-1

巴利原文

api ca kho dhajaggaññeva disvā saṁsīdati visīdati, na santhambhati, na sakkoti saṅgāmaṁ otarituṁ.

11-1

巴利原文

Evarūpopi, bhikkhave, idhekacco yodhājīvo hoti.

12-1

巴利原文

Ayaṁ, bhikkhave, dutiyo yodhājīvo santo saṁvijjamāno lokasmiṁ.

13-1

巴利原文

Puna caparaṁ, bhikkhave, idhekacco yodhājīvo sahati rajaggaṁ sahati dhajaggaṁ;

14-1

巴利原文

api ca kho ussāraṇaññeva sutvā saṁsīdati visīdati, na santhambhati, na sakkoti saṅgāmaṁ otarituṁ.

15-1

巴利原文

Evarūpopi, bhikkhave, idhekacco yodhājīvo hoti.

16-1

巴利原文

Ayaṁ, bhikkhave, tatiyo yodhājīvo santo saṁvijjamāno lokasmiṁ.

17-1

巴利原文

Puna caparaṁ, bhikkhave, idhekacco yodhājīvo sahati rajaggaṁ, sahati dhajaggaṁ, sahati ussāraṇaṁ;

18-1

巴利原文

api ca kho sampahāre haññati byāpajjati.

19-1

巴利原文

Evarūpopi, bhikkhave, idhekacco yodhājīvo hoti.

20-1

巴利原文

Ayaṁ, bhikkhave, catuttho yodhājīvo santo saṁvijjamāno lokasmiṁ.

21-1

巴利原文

Puna caparaṁ, bhikkhave, idhekacco yodhājīvo sahati rajaggaṁ, sahati dhajaggaṁ, sahati ussāraṇaṁ, sahati sampahāraṁ.

22-1

巴利原文

So taṁ saṅgāmaṁ abhivijinitvā vijitasaṅgāmo tameva saṅgāmasīsaṁ ajjhāvasati.

23-1

巴利原文

Evarūpopi, bhikkhave, idhekacco yodhājīvo hoti.

24-1

巴利原文

Ayaṁ, bhikkhave, pañcamo yodhājīvo santo saṁvijjamāno lokasmiṁ.

25-1

巴利原文

Ime kho, bhikkhave, pañca yodhājīvā santo saṁvijjamānā lokasmiṁ.

26-1

巴利原文

Evamevaṁ kho, bhikkhave, pañcime yodhājīvūpamā puggalā santo saṁvijjamānā bhikkhūsu.

27-1

巴利原文

Katame pañca?

28-1

巴利原文

Idha, bhikkhave, bhikkhu rajaggaññeva disvā saṁsīdati visīdati, na santhambhati, na sakkoti brahmacariyaṁ sandhāretuṁ.

29-1

巴利原文

Sikkhādubbalyaṁ āvikatvā sikkhaṁ paccakkhāya hīnāyāvattati.

30-1

巴利原文

Kimassa rajaggasmiṁ?

31-1

巴利原文

Idha, bhikkhave, bhikkhu suṇāti:

32-1

巴利原文

‘amukasmiṁ nāma gāme vā nigame vā itthī vā kumārī vā abhirūpā dassanīyā pāsādikā paramāya vaṇṇapokkharatāya samannāgatā’ti.

33-1

巴利原文

So taṁ sutvā saṁsīdati visīdati, na santhambhati, na sakkoti brahmacariyaṁ sandhāretuṁ.

34-1

巴利原文

Sikkhādubbalyaṁ āvikatvā sikkhaṁ paccakkhāya hīnāyāvattati.

35-1

巴利原文

Idamassa rajaggasmiṁ.

36-1

巴利原文

Seyyathāpi so, bhikkhave, yodhājīvo rajaggaññeva disvā saṁsīdati visīdati, na santhambhati, na sakkoti saṅgāmaṁ otarituṁ;

37-1

巴利原文

tathūpamāhaṁ, bhikkhave, imaṁ puggalaṁ vadāmi.

38-1

巴利原文

Evarūpopi, bhikkhave, idhekacco puggalo hoti.

39-1

巴利原文

Ayaṁ, bhikkhave, paṭhamo yodhājīvūpamo puggalo santo saṁvijjamāno bhikkhūsu.

40-1

巴利原文

Puna caparaṁ, bhikkhave, bhikkhu sahati rajaggaṁ;

41-1

巴利原文

api ca kho dhajaggaññeva disvā saṁsīdati visīdati, na santhambhati, na sakkoti brahmacariyaṁ sandhāretuṁ.

42-1

巴利原文

Sikkhādubbalyaṁ āvikatvā sikkhaṁ paccakkhāya hīnāyāvattati.

43-1

巴利原文

Kimassa dhajaggasmiṁ?

44-1

巴利原文

Idha, bhikkhave, bhikkhu na heva kho suṇāti:

45-1

巴利原文

‘amukasmiṁ nāma gāme vā nigame vā itthī vā kumārī vā abhirūpā dassanīyā pāsādikā paramāya vaṇṇapokkharatāya samannāgatā’ti;

46-1

巴利原文

api ca kho sāmaṁ passati itthiṁ vā kumāriṁ vā abhirūpaṁ dassanīyaṁ pāsādikaṁ paramāya vaṇṇapokkharatāya samannāgataṁ.

47-1

巴利原文

So taṁ disvā saṁsīdati visīdati, na santhambhati, na sakkoti brahmacariyaṁ sandhāretuṁ.

48-1

巴利原文

Sikkhādubbalyaṁ āvikatvā sikkhaṁ paccakkhāya hīnāyāvattati.

49-1

巴利原文

Idamassa dhajaggasmiṁ.

50-1

巴利原文

Seyyathāpi so, bhikkhave, yodhājīvo sahati rajaggaṁ;

51-1

巴利原文

api ca kho dhajaggaññeva disvā saṁsīdati visīdati, na santhambhati, na sakkoti saṅgāmaṁ otarituṁ;

52-1

巴利原文

tathūpamāhaṁ, bhikkhave, imaṁ puggalaṁ vadāmi.

53-1

巴利原文

Evarūpopi, bhikkhave, idhekacco puggalo hoti.

54-1

巴利原文

Ayaṁ, bhikkhave, dutiyo yodhājīvūpamo puggalo santo saṁvijjamāno bhikkhūsu.

55-1

巴利原文

Puna caparaṁ, bhikkhave, bhikkhu sahati rajaggaṁ, sahati dhajaggaṁ;

56-1

巴利原文

api ca kho ussāraṇaññeva sutvā saṁsīdati visīdati, na santhambhati, na sakkoti brahmacariyaṁ sandhāretuṁ.

57-1

巴利原文

Sikkhādubbalyaṁ āvikatvā sikkhaṁ paccakkhāya hīnāyāvattati.

58-1

巴利原文

Kimassa ussāraṇāya?

59-1

巴利原文

Idha, bhikkhave, bhikkhuṁ araññagataṁ vā rukkhamūlagataṁ vā suññāgāragataṁ vā mātugāmo upasaṅkamitvā ūhasati ullapati ujjagghati uppaṇḍeti.

60-1

巴利原文

So mātugāmena ūhasiyamāno ullapiyamāno ujjagghiyamāno uppaṇḍiyamāno saṁsīdati visīdati, na santhambhati, na sakkoti brahmacariyaṁ sandhāretuṁ.

61-1

巴利原文

Sikkhādubbalyaṁ āvikatvā sikkhaṁ paccakkhāya hīnāyāvattati.

62-1

巴利原文

Idamassa ussāraṇāya.

63-1

巴利原文

Seyyathāpi so, bhikkhave, yodhājīvo sahati rajaggaṁ, sahati dhajaggaṁ;

64-1

巴利原文

api ca kho ussāraṇaññeva sutvā saṁsīdati visīdati, na santhambhati, na sakkoti saṅgāmaṁ otarituṁ;

65-1

巴利原文

tathūpamāhaṁ, bhikkhave, imaṁ puggalaṁ vadāmi.

66-1

巴利原文

Evarūpopi, bhikkhave, idhekacco puggalo hoti.

67-1

巴利原文

Ayaṁ, bhikkhave, tatiyo yodhājīvūpamo puggalo santo saṁvijjamāno bhikkhūsu.

68-1

巴利原文

Puna caparaṁ, bhikkhave, bhikkhu sahati rajaggaṁ, sahati dhajaggaṁ, sahati ussāraṇaṁ;

69-1

巴利原文

api ca kho sampahāre haññati byāpajjati.

70-1

巴利原文

Kimassa sampahārasmiṁ?

71-1

巴利原文

Idha, bhikkhave, bhikkhuṁ araññagataṁ vā rukkhamūlagataṁ vā suññāgāragataṁ vā mātugāmo upasaṅkamitvā abhinisīdati abhinipajjati ajjhottharati.

72-1

巴利原文

So mātugāmena abhinisīdiyamāno abhinipajjiyamāno ajjhotthariyamāno sikkhaṁ apaccakkhāya dubbalyaṁ anāvikatvā methunaṁ dhammaṁ paṭisevati.

73-1

巴利原文

Idamassa sampahārasmiṁ.

74-1

巴利原文

Seyyathāpi so, bhikkhave, yodhājīvo sahati rajaggaṁ, sahati dhajaggaṁ, sahati ussāraṇaṁ, api ca kho sampahāre haññati byāpajjati;

75-1

巴利原文

tathūpamāhaṁ, bhikkhave, imaṁ puggalaṁ vadāmi.

76-1

巴利原文

Evarūpopi, bhikkhave, idhekacco puggalo hoti.

77-1

巴利原文

Ayaṁ, bhikkhave, catuttho yodhājīvūpamo puggalo santo saṁvijjamāno bhikkhūsu.

78-1

巴利原文

Puna caparaṁ, bhikkhave, bhikkhu sahati rajaggaṁ, sahati dhajaggaṁ, sahati ussāraṇaṁ, sahati sampahāraṁ, so taṁ saṅgāmaṁ abhivijinitvā vijitasaṅgāmo tameva saṅgāmasīsaṁ ajjhāvasati.

79-1

巴利原文

Kimassa saṅgāmavijayasmiṁ?

80-1

巴利原文

Idha, bhikkhave, bhikkhuṁ araññagataṁ vā rukkhamūlagataṁ vā suññāgāragataṁ vā mātugāmo upasaṅkamitvā abhinisīdati abhinipajjati ajjhottharati.

81-1

巴利原文

So mātugāmena abhinisīdiyamāno abhinipajjiyamāno ajjhotthariyamāno viniveṭhetvā vinimocetvā yena kāmaṁ pakkamati.

82-1

巴利原文

So vivittaṁ senāsanaṁ bhajati araññaṁ rukkhamūlaṁ pabbataṁ kandaraṁ giriguhaṁ susānaṁ vanapatthaṁ abbhokāsaṁ palālapuñjaṁ.

83-1

巴利原文

So araññagato vā rukkhamūlagato vā suññāgāragato vā nisīdati pallaṅkaṁ ābhujitvā ujuṁ kāyaṁ paṇidhāya parimukhaṁ satiṁ upaṭṭhapetvā.

84-1

巴利原文

So abhijjhaṁ loke pahāya vigatābhijjhena cetasā viharati, abhijjhāya cittaṁ parisodheti;

85-1

巴利原文

byāpādapadosaṁ pahāya abyāpannacitto viharati, sabbapāṇabhūtahitānukampī byāpādapadosā cittaṁ parisodheti;

86-1

巴利原文

thinamiddhaṁ pahāya vigatathinamiddho viharati ālokasaññī sato sampajāno, thinamiddhā cittaṁ parisodheti;

87-1

巴利原文

uddhaccakukkuccaṁ pahāya anuddhato viharati ajjhattaṁ vūpasantacitto, uddhaccakukkuccā cittaṁ parisodheti;

88-1

巴利原文

vicikicchaṁ pahāya tiṇṇavicikiccho viharati akathaṅkathī kusalesu dhammesu, vicikicchāya cittaṁ parisodheti.

89-1

巴利原文

So ime pañca nīvaraṇe pahāya cetaso upakkilese paññāya dubbalīkaraṇe

90-1

巴利原文

vivicceva kāmehi …pe…

91-1

巴利原文

catutthaṁ jhānaṁ upasampajja viharati.

92-1

巴利原文

So evaṁ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte āsavānaṁ khayañāṇāya cittaṁ abhininnāmeti.

93-1

巴利原文

So ‘idaṁ dukkhan’ti yathābhūtaṁ pajānāti, ‘ayaṁ dukkhasamudayo’ti yathābhūtaṁ pajānāti, ‘ayaṁ dukkhanirodho’ti yathābhūtaṁ pajānāti, ‘ayaṁ dukkhanirodhagāminī paṭipadā’ti yathābhūtaṁ pajānāti,

94-1

巴利原文

‘ime āsavā’ti yathābhūtaṁ pajānāti, ‘ayaṁ āsavasamudayo’ti yathābhūtaṁ pajānāti, ‘ayaṁ āsavanirodho’ti yathābhūtaṁ pajānāti, ‘ayaṁ āsavanirodhagāminī paṭipadā’ti yathābhūtaṁ pajānāti.

95-1

巴利原文

Tassa evaṁ jānato evaṁ passato kāmāsavāpi cittaṁ vimuccati, bhavāsavāpi cittaṁ vimuccati, avijjāsavāpi cittaṁ vimuccati,

96-1

巴利原文

vimuttasmiṁ vimuttamiti ñāṇaṁ hoti.

97-1

巴利原文

‘Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānāti.

98-1

巴利原文

Idamassa saṅgāmavijayasmiṁ.

99-1

巴利原文

Seyyathāpi so, bhikkhave, yodhājīvo sahati rajaggaṁ, sahati dhajaggaṁ, sahati ussāraṇaṁ, sahati sampahāraṁ, so taṁ saṅgāmaṁ abhivijinitvā vijitasaṅgāmo tameva saṅgāmasīsaṁ ajjhāvasati;

100-1

巴利原文

tathūpamāhaṁ, bhikkhave, imaṁ puggalaṁ vadāmi.

101-1

巴利原文

Evarūpopi, bhikkhave, idhekacco puggalo hoti.

102-1

巴利原文

Ayaṁ, bhikkhave, pañcamo yodhājīvūpamo puggalo santo saṁvijjamāno bhikkhūsu.

103-1

巴利原文

Ime kho, bhikkhave, pañca yodhājīvūpamā puggalā santo saṁvijjamānā bhikkhūsū”ti.

104-1

巴利原文

Pañcamaṁ.