巴利大藏經《增支部第586經（Aṅguttara Nikāya 5.100 / 10. Kakudhavagga / Kakudhatherasutta）》

1-1

巴利原文

Aṅguttara Nikāya 5.100

2-1

巴利原文

10. Kakudhavagga

3-1

巴利原文

Kakudhatherasutta

4-1

巴利原文

Evaṁ me sutaṁ—

5-1

巴利原文

ekaṁ samayaṁ bhagavā kosambiyaṁ viharati ghositārāme.

6-1

巴利原文

Tena kho pana samayena kakudho nāma koliyaputto āyasmato mahāmoggallānassa upaṭṭhāko adhunākālaṅkato aññataraṁ manomayaṁ kāyaṁ upapanno.

7-1

巴利原文

Tassa evarūpo attabhāvapaṭilābho hoti—seyyathāpi nāma dve vā tīṇi vā māgadhakāni gāmakkhettāni.

8-1

巴利原文

So tena attabhāvapaṭilābhena neva attānaṁ no paraṁ byābādheti.

9-1

巴利原文

Atha kho kakudho devaputto yenāyasmā mahāmoggallāno tenupasaṅkami; upasaṅkamitvā āyasmantaṁ mahāmoggallānaṁ abhivādetvā ekamantaṁ aṭṭhāsi. Ekamantaṁ ṭhito kho kakudho devaputto āyasmantaṁ mahāmoggallānaṁ etadavoca:

10-1

巴利原文

“devadattassa, bhante, evarūpaṁ icchāgataṁ uppajji:

11-1

巴利原文

‘ahaṁ bhikkhusaṅghaṁ pariharissāmī’ti.

12-1

巴利原文

Sahacittuppādā ca, bhante, devadatto tassā iddhiyā parihīno”ti.

13-1

巴利原文

Idamavoca kakudho devaputto.

14-1

巴利原文

Idaṁ vatvā āyasmantaṁ mahāmoggallānaṁ abhivādetvā padakkhiṇaṁ katvā tatthevantaradhāyi.

15-1

巴利原文

Atha kho āyasmā mahāmoggallāno yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā mahāmoggallāno bhagavantaṁ etadavoca:

16-1

巴利原文

“Kakudho nāma, bhante, koliyaputto mamaṁ upaṭṭhāko adhunākālaṅkato aññataraṁ manomayaṁ kāyaṁ upapanno hoti.

17-1

巴利原文

Tassa evarūpo attabhāvapaṭilābho—seyyathāpi nāma dve vā tīṇi vā māgadhakāni gāmakkhettāni.

18-1

巴利原文

So tena attabhāvapaṭilābhena neva attānaṁ no paraṁ byābādheti.

19-1

巴利原文

Atha kho, bhante, kakudho devaputto yenāhaṁ tenupasaṅkami; upasaṅkamitvā maṁ abhivādetvā ekamantaṁ aṭṭhāsi. Ekamantaṁ ṭhito kho, bhante, kakudho devaputto maṁ etadavoca:

20-1

巴利原文

‘devadattassa, bhante, evarūpaṁ icchāgataṁ uppajji—

21-1

巴利原文

ahaṁ bhikkhusaṅghaṁ pariharissāmīti.

22-1

巴利原文

Sahacittuppādā ca, bhante, devadatto tassā iddhiyā parihīno’ti.

23-1

巴利原文

Idamavoca, bhante, kakudho devaputto.

24-1

巴利原文

Idaṁ vatvā maṁ abhivādetvā padakkhiṇaṁ katvā tatthevantaradhāyī”ti.

25-1

巴利原文

“Kiṁ pana te, moggallāna, kakudho devaputto cetasā ceto paricca vidito:

26-1

巴利原文

‘yaṁ kiñci kakudho devaputto bhāsati sabbaṁ taṁ tatheva hoti, no aññathā’”ti?

27-1

巴利原文

“Cetasā ceto paricca vidito me, bhante, kakudho devaputto:

28-1

巴利原文

‘yaṁ kiñci kakudho devaputto bhāsati sabbaṁ taṁ tatheva hoti, no aññathā’”ti.

29-1

巴利原文

“Rakkhassetaṁ, moggallāna, vācaṁ.

30-1

巴利原文

Rakkhassetaṁ, moggallāna, vācaṁ.

31-1

巴利原文

Idāni so moghapuriso attanāva attānaṁ pātukarissati.

32-1

巴利原文

Pañcime, moggallāna, satthāro santo saṁvijjamānā lokasmiṁ.

33-1

巴利原文

Katame pañca?

34-1

巴利原文

Idha, moggallāna, ekacco satthā aparisuddhasīlo samāno ‘parisuddhasīlomhī’ti paṭijānāti ‘parisuddhaṁ me sīlaṁ pariyodātaṁ asaṅkiliṭṭhan’ti.

35-1

巴利原文

Tamenaṁ sāvakā evaṁ jānanti:

36-1

巴利原文

‘ayaṁ kho bhavaṁ satthā aparisuddhasīlo samāno parisuddhasīlomhī’ti paṭijānāti ‘parisuddhaṁ me sīlaṁ pariyodātaṁ asaṅkiliṭṭhan’ti.

37-1

巴利原文

Mayañceva kho pana gihīnaṁ āroceyyāma, nāssassa manāpaṁ.

38-1

巴利原文

Yaṁ kho panassa amanāpaṁ, kathaṁ naṁ mayaṁ tena samudācareyyāma:

39-1

巴利原文

‘sammannati kho pana cīvarapiṇḍapātasenāsanagilānappaccayabhesajjaparikkhārena;

40-1

巴利原文

yaṁ tumo karissati tumova tena paññāyissatī’ti.

41-1

巴利原文

Evarūpaṁ kho, moggallāna, satthāraṁ sāvakā sīlato rakkhanti;

42-1

巴利原文

evarūpo ca pana satthā sāvakehi sīlato rakkhaṁ paccāsīsati.

43-1

巴利原文

Puna caparaṁ, moggallāna, idhekacco satthā aparisuddhājīvo samāno ‘parisuddhājīvomhī’ti paṭijānāti ‘parisuddho me ājīvo pariyodāto asaṅkiliṭṭho’ti.

44-1

巴利原文

Tamenaṁ sāvakā evaṁ jānanti:

45-1

巴利原文

‘ayaṁ kho bhavaṁ satthā aparisuddhājīvo samāno parisuddhājīvomhī’ti paṭijānāti ‘parisuddho me ājīvo pariyodāto asaṅkiliṭṭho’ti.

46-1

巴利原文

Mayañceva kho pana gihīnaṁ āroceyyāma, nāssassa manāpaṁ.

47-1

巴利原文

Yaṁ kho panassa amanāpaṁ, kathaṁ naṁ mayaṁ tena samudācareyyāma:

48-1

巴利原文

‘sammannati kho pana cīvarapiṇḍapātasenāsanagilānappaccayabhesajjaparikkhārena;

49-1

巴利原文

yaṁ tumo karissati tumova tena paññāyissatī’ti.

50-1

巴利原文

Evarūpaṁ kho, moggallāna, satthāraṁ sāvakā ājīvato rakkhanti;

51-1

巴利原文

evarūpo ca pana satthā sāvakehi ājīvato rakkhaṁ paccāsīsati.

52-1

巴利原文

Puna caparaṁ, moggallāna, idhekacco satthā aparisuddhadhammadesano samāno ‘parisuddhadhammadesanomhī’ti paṭijānāti ‘parisuddhā me dhammadesanā pariyodātā asaṅkiliṭṭhā’ti.

53-1

巴利原文

Tamenaṁ sāvakā evaṁ jānanti:

54-1

巴利原文

‘ayaṁ kho bhavaṁ satthā aparisuddhadhammadesano samāno parisuddhadhammadesanomhī’ti paṭijānāti ‘parisuddhā me dhammadesanā pariyodātā asaṅkiliṭṭhā’ti.

55-1

巴利原文

Mayañceva kho pana gihīnaṁ āroceyyāma, nāssassa manāpaṁ.

56-1

巴利原文

Yaṁ kho panassa amanāpaṁ, kathaṁ naṁ mayaṁ tena samudācareyyāma:

57-1

巴利原文

‘sammannati kho pana cīvarapiṇḍapātasenāsanagilānappaccayabhesajjaparikkhārena;

58-1

巴利原文

yaṁ tumo karissati tumova tena paññāyissatī’ti.

59-1

巴利原文

Evarūpaṁ kho, moggallāna, satthāraṁ sāvakā dhammadesanato rakkhanti;

60-1

巴利原文

evarūpo ca pana satthā sāvakehi dhammadesanato rakkhaṁ paccāsīsati.

61-1

巴利原文

Puna caparaṁ, moggallāna, idhekacco satthā aparisuddhaveyyākaraṇo samāno ‘parisuddhaveyyākaraṇomhī’ti paṭijānāti ‘parisuddhaṁ me veyyākaraṇaṁ pariyodātaṁ asaṅkiliṭṭhan’ti.

62-1

巴利原文

Tamenaṁ sāvakā evaṁ jānanti:

63-1

巴利原文

‘ayaṁ kho bhavaṁ satthā aparisuddhaveyyākaraṇo samāno parisuddhaveyyākaraṇomhī’ti paṭijānāti ‘parisuddhaṁ me veyyākaraṇaṁ pariyodātaṁ asaṅkiliṭṭhan’ti.

64-1

巴利原文

Mayañceva kho pana gihīnaṁ āroceyyāma, nāssassa manāpaṁ.

65-1

巴利原文

Yaṁ kho panassa amanāpaṁ, kathaṁ naṁ mayaṁ tena samudācareyyāma:

66-1

巴利原文

‘sammannati kho pana cīvarapiṇḍapātasenāsanagilānappaccayabhesajjaparikkhārena;

67-1

巴利原文

yaṁ tumo karissati tumova tena paññāyissatī’ti.

68-1

巴利原文

Evarūpaṁ kho, moggallāna, satthāraṁ sāvakā veyyākaraṇato rakkhanti;

69-1

巴利原文

evarūpo ca pana satthā sāvakehi veyyākaraṇato rakkhaṁ paccāsīsati.

70-1

巴利原文

Puna caparaṁ, moggallāna, idhekacco satthā aparisuddhañāṇadassano samāno ‘parisuddhañāṇadassanomhī’ti paṭijānāti ‘parisuddhaṁ me ñāṇadassanaṁ pariyodātaṁ asaṅkiliṭṭhan’ti.

71-1

巴利原文

Tamenaṁ sāvakā evaṁ jānanti:

72-1

巴利原文

‘ayaṁ kho bhavaṁ satthā aparisuddhañāṇadassano samāno parisuddhañāṇadassanomhī’ti paṭijānāti ‘parisuddhaṁ me ñāṇadassanaṁ pariyodātaṁ asaṅkiliṭṭhan’ti.

73-1

巴利原文

Mayañceva kho pana gihīnaṁ āroceyyāma, nāssassa manāpaṁ.

74-1

巴利原文

Yaṁ kho panassa amanāpaṁ, kathaṁ naṁ mayaṁ tena samudācareyyāma:

75-1

巴利原文

‘sammannati kho pana cīvarapiṇḍapātasenāsanagilānappaccayabhesajjaparikkhārena;

76-1

巴利原文

yaṁ tumo karissati tumova tena paññāyissatī’ti.

77-1

巴利原文

Evarūpaṁ kho, moggallāna, satthāraṁ sāvakā ñāṇadassanato rakkhanti;

78-1

巴利原文

evarūpo ca pana satthā sāvakehi ñāṇadassanato rakkhaṁ paccāsīsati.

79-1

巴利原文

Ime kho, moggallāna, pañca satthāro santo saṁvijjamānā lokasmiṁ.

80-1

巴利原文

Ahaṁ kho pana, moggallāna, parisuddhasīlo samāno ‘parisuddhasīlomhī’ti paṭijānāmi ‘parisuddhaṁ me sīlaṁ pariyodātaṁ asaṅkiliṭṭhan’ti.

81-1

巴利原文

Na ca maṁ sāvakā sīlato rakkhanti, na cāhaṁ sāvakehi sīlato rakkhaṁ paccāsīsāmi.

82-1

巴利原文

Parisuddhājīvo samāno ‘parisuddhājīvomhī’ti paṭijānāmi ‘parisuddho me ājīvo pariyodāto asaṅkiliṭṭho’ti.

83-1

巴利原文

Na ca maṁ sāvakā ājīvato rakkhanti, na cāhaṁ sāvakehi ājīvato rakkhaṁ paccāsīsāmi.

84-1

巴利原文

Parisuddhadhammadesano samāno ‘parisuddhadhammadesanomhī’ti paṭijānāmi ‘parisuddhā me dhammadesanā pariyodātā asaṅkiliṭṭhā’ti.

85-1

巴利原文

Na ca maṁ sāvakā dhammadesanato rakkhanti, na cāhaṁ sāvakehi dhammadesanato rakkhaṁ paccāsīsāmi.

86-1

巴利原文

Parisuddhaveyyākaraṇo samāno ‘parisuddhaveyyākaraṇomhī’ti paṭijānāmi ‘parisuddhaṁ me veyyākaraṇaṁ pariyodātaṁ asaṅkiliṭṭhan’ti.

87-1

巴利原文

Na ca maṁ sāvakā veyyākaraṇato rakkhanti, na cāhaṁ sāvakehi veyyākaraṇato rakkhaṁ paccāsīsāmi.

88-1

巴利原文

Parisuddhañāṇadassano samāno ‘parisuddhañāṇadassanomhī’ti paṭijānāmi ‘parisuddhaṁ me ñāṇadassanaṁ pariyodātaṁ asaṅkiliṭṭhan’ti.

89-1

巴利原文

Na ca maṁ sāvakā ñāṇadassanato rakkhanti, na cāhaṁ sāvakehi ñāṇadassanato rakkhaṁ paccāsīsāmī”ti.

90-1

巴利原文

Dasamaṁ.

91-1

巴利原文

Kakudhavaggo pañcamo.

92-1

巴利原文

Tassuddānaṁ

93-1

巴利原文

Dve sampadā byākaraṇaṁ,

94-1

巴利原文

phāsu akuppapañcamaṁ;

95-1

巴利原文

Sutaṁ kathā āraññako,

96-1

巴利原文

sīho ca kakudho dasāti.

97-1

巴利原文

Dutiyo paṇṇāsako samatto.