增支部第621經（Aṅguttara Nikāya 5.135 / 14. Rājavagga / Paṭhamapatthanāsutta）

部類增支部

Pali NikāyaAṅguttara Nikāya

總句數44

已譯句數0

1-1

巴利原文

Aṅguttara Nikāya 5.135

2-1

巴利原文

14. Rājavagga

3-1

巴利原文

Paṭhamapatthanāsutta

4-1

巴利原文

“Pañcahi, bhikkhave, aṅgehi samannāgato rañño khattiyassa muddhāvasittassa jeṭṭho putto rajjaṁ pattheti.

5-1

巴利原文

Katamehi pañcahi?

6-1

巴利原文

Idha, bhikkhave, rañño khattiyassa muddhāvasittassa jeṭṭho putto ubhato sujāto hoti mātito ca pitito ca, saṁsuddhagahaṇiko, yāva sattamā pitāmahayugā akkhitto anupakkuṭṭho jātivādena;

7-1

巴利原文

abhirūpo hoti dassanīyo pāsādiko paramāya vaṇṇapokkharatāya samannāgato;

8-1

巴利原文

mātāpitūnaṁ piyo hoti manāpo;

9-1

巴利原文

negamajānapadassa piyo hoti manāpo;

10-1

巴利原文

yāni tāni raññaṁ khattiyānaṁ muddhāvasittānaṁ sippaṭṭhānāni hatthismiṁ vā assasmiṁ vā rathasmiṁ vā dhanusmiṁ vā tharusmiṁ vā tattha sikkhito hoti anavayo.

11-1

巴利原文

Tassa evaṁ hoti:

12-1

巴利原文

‘ahaṁ khomhi ubhato sujāto mātito ca pitito ca, saṁsuddhagahaṇiko, yāva sattamā pitāmahayugā akkhitto anupakkuṭṭho jātivādena.

13-1

巴利原文

Kasmāhaṁ rajjaṁ na pattheyyaṁ.

14-1

巴利原文

Ahaṁ khomhi abhirūpo dassanīyo pāsādiko paramāya vaṇṇapokkharatāya samannāgato.

15-1

巴利原文

Kasmāhaṁ rajjaṁ na pattheyyaṁ.

16-1

巴利原文

Ahaṁ khomhi mātāpitūnaṁ piyo manāpo.

17-1

巴利原文

Kasmāhaṁ rajjaṁ na pattheyyaṁ.

18-1

巴利原文

Ahaṁ khomhi negamajānapadassa piyo manāpo.

19-1

巴利原文

Kasmāhaṁ rajjaṁ na pattheyyaṁ.

20-1

巴利原文

Ahaṁ khomhi yāni tāni raññaṁ khattiyānaṁ muddhāvasittānaṁ sippaṭṭhānāni hatthismiṁ vā assasmiṁ vā rathasmiṁ vā dhanusmiṁ vā tharusmiṁ vā, tattha sikkhito anavayo.

21-1

巴利原文

Kasmāhaṁ rajjaṁ na pattheyyan’ti.

22-1

巴利原文

Imehi kho, bhikkhave, pañcahi aṅgehi samannāgato rañño khattiyassa muddhāvasittassa jeṭṭho putto rajjaṁ pattheti.

23-1

巴利原文

Evamevaṁ kho, bhikkhave, pañcahi dhammehi samannāgato bhikkhu āsavānaṁ khayaṁ pattheti.

24-1

巴利原文

Katamehi pañcahi?

25-1

巴利原文

Idha, bhikkhave, bhikkhu saddho hoti, saddahati tathāgatassa bodhiṁ:

26-1

巴利原文

‘itipi so bhagavā arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā’ti.

27-1

巴利原文

Appābādho hoti appātaṅko, samavepākiniyā gahaṇiyā samannāgato nātisītāya nāccuṇhāya majjhimāya padhānakkhamāya;

28-1

巴利原文

asaṭho hoti amāyāvī, yathābhūtaṁ attānaṁ āvikattā satthari vā viññūsu vā sabrahmacārīsu;

29-1

巴利原文

āraddhavīriyo viharati akusalānaṁ dhammānaṁ pahānāya, kusalānaṁ dhammānaṁ upasampadāya, thāmavā daḷhaparakkamo anikkhittadhuro kusalesu dhammesu;

30-1

巴利原文

paññavā hoti udayatthagāminiyā paññāya samannāgato ariyāya nibbedhikāya sammā dukkhakkhayagāminiyā.

31-1

巴利原文

Tassa evaṁ hoti:

32-1

巴利原文

‘ahaṁ khomhi saddho, saddahāmi tathāgatassa bodhiṁ:

33-1

巴利原文

“itipi so bhagavā arahaṁ sammāsambuddho …pe… satthā devamanussānaṁ buddho bhagavā”ti.

34-1

巴利原文

Kasmāhaṁ āsavānaṁ khayaṁ na pattheyyaṁ.

35-1

巴利原文

Ahaṁ khomhi appābādho appātaṅko samavepākiniyā gahaṇiyā samannāgato nātisītāya nāccuṇhāya majjhimāya padhānakkhamāya.

36-1

巴利原文

Kasmāhaṁ āsavānaṁ khayaṁ na pattheyyaṁ.

37-1

巴利原文

Ahaṁ khomhi asaṭho amāyāvī yathābhūtaṁ attānaṁ āvikattā satthari vā viññūsu vā sabrahmacārīsu.

38-1

巴利原文

Kasmāhaṁ āsavānaṁ khayaṁ na pattheyyaṁ.

39-1

巴利原文

Ahaṁ khomhi āraddhavīriyo viharāmi akusalānaṁ dhammānaṁ pahānāya, kusalānaṁ dhammānaṁ upasampadāya, thāmavā daḷhaparakkamo anikkhittadhuro kusalesu dhammesu.

40-1

巴利原文

Kasmāhaṁ āsavānaṁ khayaṁ na pattheyyaṁ.

41-1

巴利原文

Ahaṁ khomhi paññavā udayatthagāminiyā paññāya samannāgato ariyāya nibbedhikāya sammā dukkhakkhayagāminiyā.

42-1

巴利原文

Kasmāhaṁ āsavānaṁ khayaṁ na pattheyyan’ti.

43-1

巴利原文

Imehi kho, bhikkhave, pañcahi dhammehi samannāgato bhikkhu āsavānaṁ khayaṁ patthetī”ti.

44-1

巴利原文

Pañcamaṁ.