增支部第642經（Aṅguttara Nikāya 5.156 / 16. Saddhammavagga / Tatiyasaddhammasammosasutta）

部類增支部

Pali NikāyaAṅguttara Nikāya

總句數42

已譯句數0

1-1

巴利原文

Aṅguttara Nikāya 5.156

2-1

巴利原文

16. Saddhammavagga

3-1

巴利原文

Tatiyasaddhammasammosasutta

4-1

巴利原文

“Pañcime, bhikkhave, dhammā saddhammassa sammosāya antaradhānāya saṁvattanti.

5-1

巴利原文

Katame pañca?

6-1

巴利原文

Idha, bhikkhave, bhikkhū duggahitaṁ suttantaṁ pariyāpuṇanti dunnikkhittehi padabyañjanehi.

7-1

巴利原文

Dunnikkhittassa, bhikkhave, padabyañjanassa atthopi dunnayo hoti.

8-1

巴利原文

Ayaṁ, bhikkhave, paṭhamo dhammo saddhammassa sammosāya antaradhānāya saṁvattati.

9-1

巴利原文

Puna caparaṁ, bhikkhave, bhikkhū dubbacā honti, dovacassakaraṇehi dhammehi samannāgatā, akkhamā appadakkhiṇaggāhino anusāsaniṁ.

10-1

巴利原文

Ayaṁ, bhikkhave, dutiyo dhammo saddhammassa sammosāya antaradhānāya saṁvattati.

11-1

巴利原文

Puna caparaṁ, bhikkhave, ye te bhikkhū bahussutā āgatāgamā dhammadharā vinayadharā mātikādharā, te na sakkaccaṁ suttantaṁ paraṁ vācenti;

12-1

巴利原文

tesaṁ accayena chinnamūlako suttanto hoti appaṭisaraṇo.

13-1

巴利原文

Ayaṁ, bhikkhave, tatiyo dhammo saddhammassa sammosāya antaradhānāya saṁvattati.

14-1

巴利原文

Puna caparaṁ, bhikkhave, therā bhikkhū bāhulikā honti sāthalikā okkamane pubbaṅgamā paviveke nikkhittadhurā, na vīriyaṁ ārabhanti appattassa pattiyā anadhigatassa adhigamāya asacchikatassa sacchikiriyāya.

15-1

巴利原文

Tesaṁ pacchimā janatā diṭṭhānugatiṁ āpajjati.

16-1

巴利原文

Sāpi hoti bāhulikā sāthalikā okkamane pubbaṅgamā paviveke nikkhittadhurā, na vīriyaṁ ārabhati appattassa pattiyā anadhigatassa adhigamāya asacchikatassa sacchikiriyāya.

17-1

巴利原文

Ayaṁ, bhikkhave, catuttho dhammo saddhammassa sammosāya antaradhānāya saṁvattati.

18-1

巴利原文

Puna caparaṁ, bhikkhave, saṅgho bhinno hoti.

19-1

巴利原文

Saṅghe kho pana, bhikkhave, bhinne aññamaññaṁ akkosā ca honti, aññamaññaṁ paribhāsā ca honti, aññamaññaṁ parikkhepā ca honti, aññamaññaṁ pariccajanā ca honti.

20-1

巴利原文

Tattha appasannā ceva nappasīdanti, pasannānañca ekaccānaṁ aññathattaṁ hoti.

21-1

巴利原文

Ayaṁ, bhikkhave, pañcamo dhammo saddhammassa sammosāya antaradhānāya saṁvattati.

22-1

巴利原文

Ime kho, bhikkhave, pañca dhammā saddhammassa sammosāya antaradhānāya saṁvattanti.

23-1

巴利原文

Pañcime, bhikkhave, dhammā saddhammassa ṭhitiyā asammosāya anantaradhānāya saṁvattanti.

24-1

巴利原文

Katame pañca?

25-1

巴利原文

Idha, bhikkhave, bhikkhū suggahitaṁ suttantaṁ pariyāpuṇanti sunikkhittehi padabyañjanehi.

26-1

巴利原文

Sunikkhittassa, bhikkhave, padabyañjanassa atthopi sunayo hoti.

27-1

巴利原文

Ayaṁ, bhikkhave, paṭhamo dhammo saddhammassa ṭhitiyā asammosāya anantaradhānāya saṁvattati.

28-1

巴利原文

Puna caparaṁ, bhikkhave, bhikkhū suvacā honti sovacassakaraṇehi dhammehi samannāgatā, khamā padakkhiṇaggāhino anusāsaniṁ.

29-1

巴利原文

Ayaṁ, bhikkhave, dutiyo dhammo saddhammassa ṭhitiyā asammosāya anantaradhānāya saṁvattati.

30-1

巴利原文

Puna caparaṁ, bhikkhave, ye te bhikkhū bahussutā āgatāgamā dhammadharā vinayadharā mātikādharā, te sakkaccaṁ suttantaṁ paraṁ vācenti;

31-1

巴利原文

tesaṁ accayena na chinnamūlako suttanto hoti sappaṭisaraṇo.

32-1

巴利原文

Ayaṁ, bhikkhave, tatiyo dhammo saddhammassa ṭhitiyā asammosāya anantaradhānāya saṁvattati.

33-1

巴利原文

Puna caparaṁ, bhikkhave, therā bhikkhū na bāhulikā honti na sāthalikā, okkamane nikkhittadhurā paviveke pubbaṅgamā; vīriyaṁ ārabhanti appattassa pattiyā anadhigatassa adhigamāya asacchikatassa sacchikiriyāya.

34-1

巴利原文

Tesaṁ pacchimā janatā diṭṭhānugatiṁ āpajjati.

35-1

巴利原文

Sāpi hoti na bāhulikā na sāthalikā, okkamane nikkhittadhurā paviveke pubbaṅgamā, vīriyaṁ ārabhati appattassa pattiyā anadhigatassa adhigamāya asacchikatassa sacchikiriyāya.

36-1

巴利原文

Ayaṁ, bhikkhave, catuttho dhammo saddhammassa ṭhitiyā asammosāya anantaradhānāya saṁvattati.

37-1

巴利原文

Puna caparaṁ, bhikkhave, saṅgho samaggo sammodamāno avivadamāno ekuddeso phāsuṁ viharati.

38-1

巴利原文

Saṅghe kho pana, bhikkhave, samagge na ceva aññamaññaṁ akkosā honti, na ca aññamaññaṁ paribhāsā honti, na ca aññamaññaṁ parikkhepā honti, na ca aññamaññaṁ pariccajanā honti.

39-1

巴利原文

Tattha appasannā ceva pasīdanti, pasannānañca bhiyyobhāvo hoti.

40-1

巴利原文

Ayaṁ, bhikkhave, pañcamo dhammo saddhammassa ṭhitiyā asammosāya anantaradhānāya saṁvattati.

41-1

巴利原文

Ime kho, bhikkhave, pañca dhammā saddhammassa ṭhitiyā asammosāya anantaradhānāya saṁvattantī”ti.

42-1

巴利原文

Chaṭṭhaṁ.