巴利大藏經《增支部第935經（Aṅguttara Nikāya 7.53 / 5. Mahāyaññavagga / Nandamātāsutta）》

1-1

巴利原文

Aṅguttara Nikāya 7.53

2-1

巴利原文

5. Mahāyaññavagga

3-1

巴利原文

Nandamātāsutta

4-1

巴利原文

Evaṁ me sutaṁ—

5-1

巴利原文

ekaṁ samayaṁ āyasmā ca sāriputto āyasmā ca mahāmoggallāno dakkhiṇāgirismiṁ cārikaṁ caranti mahatā bhikkhusaṅghena saddhiṁ.

6-1

巴利原文

Tena kho pana samayena veḷukaṇḍakī nandamātā upāsikā rattiyā paccūsasamayaṁ paccuṭṭhāya pārāyanaṁ sarena bhāsati.

7-1

巴利原文

Tena kho pana samayena vessavaṇo mahārājā uttarāya disāya dakkhiṇaṁ disaṁ gacchati kenacideva karaṇīyena.

8-1

巴利原文

Assosi kho vessavaṇo mahārājā nandamātāya upāsikāya pārāyanaṁ sarena bhāsantiyā, sutvā kathāpariyosānaṁ āgamayamāno aṭṭhāsi.

9-1

巴利原文

Atha kho nandamātā upāsikā pārāyanaṁ sarena bhāsitvā tuṇhī ahosi.

10-1

巴利原文

Atha kho vessavaṇo mahārājā nandamātāya upāsikāya kathāpariyosānaṁ viditvā abbhānumodi:

11-1

巴利原文

“sādhu, bhagini, sādhu, bhaginī”ti.

12-1

巴利原文

“Ko paneso, bhadramukhā”ti?

13-1

巴利原文

“Ahaṁ te, bhagini, bhātā vessavaṇo, mahārājā”ti.

14-1

巴利原文

“Sādhu, bhadramukha, tena hi yo me ayaṁ dhammapariyāyo bhaṇito idaṁ te hotu ātitheyyan”ti.

15-1

巴利原文

“Sādhu, bhagini, etañceva me hotu ātitheyyaṁ.

16-1

巴利原文

Sveva sāriputtamoggallānappamukho bhikkhusaṅgho akatapātarāso veḷukaṇḍakaṁ āgamissati, tañca bhikkhusaṅghaṁ parivisitvā mama dakkhiṇaṁ ādiseyyāsi.

17-1

巴利原文

Etañceva me bhavissati ātitheyyan”ti.

18-1

巴利原文

Atha kho nandamātā upāsikā tassā rattiyā accayena sake nivesane paṇītaṁ khādanīyaṁ bhojanīyaṁ paṭiyādāpesi.

19-1

巴利原文

Atha kho sāriputtamoggallānappamukho bhikkhusaṅgho akatapātarāso yena veḷukaṇḍako tadavasari.

20-1

巴利原文

Atha kho nandamātā upāsikā aññataraṁ purisaṁ āmantesi:

21-1

巴利原文

“ehi tvaṁ, ambho purisa, ārāmaṁ gantvā bhikkhusaṅghassa kālaṁ ārocehi:

22-1

巴利原文

‘kālo, bhante, ayyāya nandamātuyā nivesane niṭṭhitaṁ bhattan’”ti.

23-1

巴利原文

“Evaṁ, ayye”ti kho so puriso nandamātāya upāsikāya paṭissutvā ārāmaṁ gantvā bhikkhusaṅghassa kālaṁ ārocesi:

24-1

巴利原文

“kālo, bhante, ayyāya nandamātuyā nivesane niṭṭhitaṁ bhattan”ti.

25-1

巴利原文

Atha kho sāriputtamoggallānappamukho bhikkhusaṅgho pubbaṇhasamayaṁ nivāsetvā pattacīvaramādāya yena nandamātāya upāsikāya nivesanaṁ tenupasaṅkami; upasaṅkamitvā paññatte āsane nisīdi.

26-1

巴利原文

Atha kho nandamātā upāsikā sāriputtamoggallānappamukhaṁ bhikkhusaṅghaṁ paṇītena khādanīyena bhojanīyena sahatthā santappesi sampavāresi.

27-1

巴利原文

Atha kho nandamātā upāsikā āyasmantaṁ sāriputtaṁ bhuttāviṁ onītapattapāṇiṁ ekamantaṁ nisīdi.

28-1

巴利原文

Ekamantaṁ nisinnaṁ kho nandamātaraṁ upāsikaṁ āyasmā sāriputto etadavoca:

29-1

巴利原文

“ko pana te, nandamāte, bhikkhusaṅghassa abbhāgamanaṁ ārocesī”ti?

30-1

巴利原文

“Idhāhaṁ, bhante, rattiyā paccūsasamayaṁ paccuṭṭhāya pārāyanaṁ sarena bhāsitvā tuṇhī ahosiṁ.

31-1

巴利原文

Atha kho, bhante, vessavaṇo mahārājā mama kathāpariyosānaṁ viditvā abbhānumodi:

32-1

巴利原文

‘sādhu, bhagini, sādhu, bhaginī’ti.

33-1

巴利原文

‘Ko paneso, bhadramukhā’ti?

34-1

巴利原文

‘Ahaṁ te, bhagini, bhātā vessavaṇo, mahārājā’ti.

35-1

巴利原文

‘Sādhu, bhadramukha, tena hi yo me ayaṁ dhammapariyāyo bhaṇito idaṁ te hotu ātitheyyan’ti.

36-1

巴利原文

‘Sādhu, bhagini, etañceva me hotu ātitheyyaṁ.

37-1

巴利原文

Sveva sāriputtamoggallānappamukho bhikkhusaṅgho akatapātarāso veḷukaṇḍakaṁ āgamissati, tañca bhikkhusaṅghaṁ parivisitvā mama dakkhiṇaṁ ādiseyyāsi.

38-1

巴利原文

Etañceva me bhavissati ātitheyyan’ti.

39-1

巴利原文

Yadidaṁ, bhante, dāne puññañca puññamahī ca taṁ vessavaṇassa mahārājassa sukhāya hotū”ti.

40-1

巴利原文

“Acchariyaṁ, nandamāte, abbhutaṁ, nandamāte.

41-1

巴利原文

Yatra hi nāma vessavaṇena mahārājena evaṁmahiddhikena evaṁmahesakkhena devaputtena sammukhā sallapissasī”ti.

42-1

巴利原文

“Na kho me, bhante, eseva acchariyo abbhuto dhammo.

43-1

巴利原文

Atthi me aññopi acchariyo abbhuto dhammo.

44-1

巴利原文

Idha me, bhante, nando nāma ekaputtako piyo manāpo.

45-1

巴利原文

Taṁ rājāno kismiñcideva pakaraṇe okassa pasayha jīvitā voropesuṁ.

46-1

巴利原文

Tasmiṁ kho panāhaṁ, bhante, dārake gahite vā gayhamāne vā vadhe vā vajjhamāne vā hate vā haññamāne vā nābhijānāmi cittassa aññathattan”ti.

47-1

巴利原文

“Acchariyaṁ, nandamāte, abbhutaṁ nandamāte.

48-1

巴利原文

Yatra hi nāma cittuppādampi parisodhessasī”ti.

49-1

巴利原文

“Na kho me, bhante, eseva acchariyo abbhuto dhammo.

50-1

巴利原文

Atthi me aññopi acchariyo abbhuto dhammo.

51-1

巴利原文

Idha me, bhante, sāmiko kālaṅkato aññataraṁ yakkhayoniṁ upapanno.

52-1

巴利原文

So me teneva purimena attabhāvena uddassesi.

53-1

巴利原文

Na kho panāhaṁ, bhante, abhijānāmi tatonidānaṁ cittassa aññathattan”ti.

54-1

巴利原文

“Acchariyaṁ, nandamāte, abbhutaṁ, nandamāte.

55-1

巴利原文

Yatra hi nāma cittuppādampi parisodhessasī”ti.

56-1

巴利原文

“Na kho me, bhante, eseva acchariyo abbhuto dhammo.

57-1

巴利原文

Atthi me aññopi acchariyo abbhuto dhammo.

58-1

巴利原文

Yatohaṁ, bhante, sāmikassa daharasseva daharā ānītā nābhijānāmi sāmikaṁ manasāpi aticaritā, kuto pana kāyenā”ti.

59-1

巴利原文

“Acchariyaṁ, nandamāte, abbhutaṁ, nandamāte.

60-1

巴利原文

Yatra hi nāma cittuppādampi parisodhessasī”ti.

61-1

巴利原文

“Na kho me, bhante, eseva acchariyo abbhuto dhammo.

62-1

巴利原文

Atthi me aññopi acchariyo abbhuto dhammo.

63-1

巴利原文

Yadāhaṁ, bhante, upāsikā paṭidesitā nābhijānāmi kiñci sikkhāpadaṁ sañcicca vītikkamitā”ti.

64-1

巴利原文

“Acchariyaṁ, nandamāte, abbhutaṁ, nandamāte”ti.

65-1

巴利原文

“Na kho me, bhante, eseva acchariyo abbhuto dhammo.

66-1

巴利原文

Atthi me aññopi acchariyo abbhuto dhammo.

67-1

巴利原文

Idhāhaṁ, bhante, yāvade ākaṅkhāmi vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharāmi.

68-1

巴利原文

Vitakkavicārānaṁ vūpasamā ajjhattaṁ sampasādanaṁ cetaso ekodibhāvaṁ avitakkaṁ avicāraṁ vivekajaṁ pītisukhaṁ dutiyaṁ jhānaṁ upasampajja viharāmi.

69-1

巴利原文

Pītiyā ca virāgā upekkhikā ca viharāmi satā ca sampajānā sukhañca kāyena paṭisaṁvedemi, yaṁ taṁ ariyā ācikkhanti: ‘upekkhako satimā sukhavihārī’ti tatiyaṁ jhānaṁ upasampajja viharāmi.

70-1

巴利原文

Sukhassa ca pahānā dukkhassa ca pahānā pubbeva somanassadomanassānaṁ atthaṅgamā adukkhamasukhaṁ upekkhāsatipārisuddhiṁ catutthaṁ jhānaṁ upasampajja viharāmī”ti.

71-1

巴利原文

“Acchariyaṁ, nandamāte, abbhutaṁ, nandamāte”ti.

72-1

巴利原文

“Na kho me, bhante, eseva acchariyo abbhuto dhammo.

73-1

巴利原文

Atthi me aññopi acchariyo abbhuto dhammo.

74-1

巴利原文

Yānimāni, bhante, bhagavatā desitāni pañcorambhāgiyāni saṁyojanāni nāhaṁ tesaṁ kiñci attani appahīnaṁ samanupassāmī”ti.

75-1

巴利原文

“Acchariyaṁ, nandamāte, abbhutaṁ, nandamāte”ti.

76-1

巴利原文

Atha kho āyasmā sāriputto nandamātaraṁ upāsikaṁ dhammiyā kathāya sandassetvā samādapetvā samuttejetvā sampahaṁsetvā uṭṭhāyāsanā pakkāmīti.

77-1

巴利原文

Dasamaṁ.

78-1

巴利原文

Mahāyaññavaggo pañcamo.

79-1

巴利原文

Tassuddānaṁ

80-1

巴利原文

Ṭhiti ca parikkhāraṁ dve,

81-1

巴利原文

aggī saññā ca dve parā;

82-1

巴利原文

Methunā saṁyogo dānaṁ,

83-1

巴利原文

nandamātena te dasāti.

84-1

巴利原文

Paṇṇāsako samatto.