增支部第996經（Aṅguttara Nikāya 8.13 / 2. Mahāvagga / Assājānīyasutta）

部類增支部

Pali NikāyaAṅguttara Nikāya

總句數40

已譯句數0

1-1

巴利原文

Aṅguttara Nikāya 8.13

2-1

巴利原文

2. Mahāvagga

3-1

巴利原文

Assājānīyasutta

4-1

巴利原文

“Aṭṭhahi, bhikkhave, aṅgehi samannāgato rañño bhaddo assājānīyo rājāraho hoti rājabhoggo, rañño aṅganteva saṅkhaṁ gacchati.

5-1

巴利原文

Katamehi aṭṭhahi?

6-1

巴利原文

Idha, bhikkhave, rañño bhaddo assājānīyo ubhato sujāto hoti—

7-1

巴利原文

mātito ca pitito ca.

8-1

巴利原文

Yassaṁ disāyaṁ aññepi bhaddā assājānīyā jāyanti, tassaṁ disāyaṁ jāto hoti.

9-1

巴利原文

Yaṁ kho panassa bhojanaṁ denti—

10-1

巴利原文

allaṁ vā sukkhaṁ vā—

11-1

巴利原文

taṁ sakkaccaṁyeva paribhuñjati avikiranto.

12-1

巴利原文

Jegucchī hoti uccāraṁ vā passāvaṁ vā abhinisīdituṁ vā abhinipajjituṁ vā.

13-1

巴利原文

Sorato hoti sukhasaṁvāso, na ca aññe asse ubbejetā.

14-1

巴利原文

Yāni kho panassa honti sāṭheyyāni kūṭeyyāni jimheyyāni vaṅkeyyāni, tāni yathābhūtaṁ sārathissa āvikattā hoti.

15-1

巴利原文

Tesamassa sārathi abhinimmadanāya vāyamati.

16-1

巴利原文

Vāhī kho pana hoti.

17-1

巴利原文

‘Kāmaññe assā vahantu vā mā vā, ahamettha vahissāmī’ti cittaṁ uppādeti.

18-1

巴利原文

Gacchanto kho pana ujumaggeneva gacchati.

19-1

巴利原文

Thāmavā hoti yāva jīvitamaraṇapariyādānā thāmaṁ upadaṁsetā.

20-1

巴利原文

Imehi kho, bhikkhave, aṭṭhahi aṅgehi samannāgato rañño bhaddo assājānīyo rājāraho hoti rājabhoggo, rañño aṅganteva saṅkhaṁ gacchati.

21-1

巴利原文

Evamevaṁ kho, bhikkhave, aṭṭhahi dhammehi samannāgato bhikkhu āhuneyyo hoti …pe… anuttaraṁ puññakkhettaṁ lokassa.

22-1

巴利原文

Katamehi aṭṭhahi?

23-1

巴利原文

Idha, bhikkhave, bhikkhu sīlavā hoti, pātimokkhasaṁvarasaṁvuto viharati ācāragocarasampanno aṇumattesu vajjesu bhayadassāvī, samādāya sikkhati sikkhāpadesu.

24-1

巴利原文

Yaṁ kho panassa bhojanaṁ denti—

25-1

巴利原文

lūkhaṁ vā paṇītaṁ vā—

26-1

巴利原文

taṁ sakkaccaṁyeva paribhuñjati avihaññamāno.

27-1

巴利原文

Jegucchī hoti kāyaduccaritena vacīduccaritena manoduccaritena;

28-1

巴利原文

jegucchī hoti anekavihitānaṁ pāpakānaṁ akusalānaṁ dhammānaṁ samāpattiyā.

29-1

巴利原文

Sorato hoti sukhasaṁvāso, na aññe bhikkhū ubbejetā.

30-1

巴利原文

Yāni kho panassa honti sāṭheyyāni kūṭeyyāni jimheyyāni vaṅkeyyāni, tāni yathābhūtaṁ āvikattā hoti satthari vā viññūsu vā sabrahmacārīsu.

31-1

巴利原文

Tesamassa satthā vā viññū vā sabrahmacārī abhinimmadanāya vāyamati.

32-1

巴利原文

Sikkhitā kho pana hoti.

33-1

巴利原文

‘Kāmaññe bhikkhū sikkhantu vā mā vā, ahamettha sikkhissāmī’ti cittaṁ uppādeti.

34-1

巴利原文

Gacchanto kho pana ujumaggeneva gacchati;

35-1

巴利原文

tatrāyaṁ ujumaggo, seyyathidaṁ—

36-1

巴利原文

sammādiṭṭhi …pe… sammāsamādhi.

37-1

巴利原文

Āraddhavīriyo viharati:

38-1

巴利原文

‘kāmaṁ taco ca nhāru ca aṭṭhi ca avasissatu, sarīre upassussatu maṁsalohitaṁ; yaṁ taṁ purisathāmena purisavīriyena purisaparakkamena pattabbaṁ, na taṁ apāpuṇitvā vīriyassa saṇṭhānaṁ bhavissatī’ti.

39-1

巴利原文

Imehi kho, bhikkhave, aṭṭhahi dhammehi samannāgato bhikkhu āhuneyyo hoti …pe… anuttaraṁ puññakkhettaṁ lokassā”ti.

40-1

巴利原文

Tatiyaṁ.