巴利大藏經《小部第1092經（Paṭisambhidāmagga / 1 Mahāvagga / 1.0 Mātikā / Namo tassa Bhagavato Arahato Sammāsambuddhassa.）》

1-1

巴利原文

Paṭisambhidāmagga

2-1

巴利原文

1 Mahāvagga

3-1

巴利原文

1.0 Mātikā

4-1

巴利原文

Namo tassa Bhagavato Arahato Sammāsambuddhassa.

5-1

巴利原文

Sotāvadhāne paññā sutamaye ñāṇaṁ.

6-1

巴利原文

Sutvāna saṁvare paññā sīlamaye ñāṇaṁ.

7-1

巴利原文

Saṁvaritvā samādahane paññā samādhibhāvanāmaye ñāṇaṁ.

8-1

巴利原文

Paccayapariggahe paññā dhammaṭṭhitiñāṇaṁ.

9-1

巴利原文

Atītānāgatapaccuppannānaṁ dhammānaṁ saṅkhipitvā vavatthāne paññā sammasane ñāṇaṁ.

10-1

巴利原文

Paccuppannānaṁ dhammānaṁ vipariṇāmānupassane paññā udayabbayānupassane ñāṇaṁ.

11-1

巴利原文

Ārammaṇaṁ paṭisaṅkhā bhaṅgānupassane paññā vipassane ñāṇaṁ.

12-1

巴利原文

Bhayatupaṭṭhāne paññā ādīnave ñāṇaṁ.

13-1

巴利原文

Muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṁ.

14-1

巴利原文

Bahiddhā vuṭṭhānavivaṭṭane paññā gotrabhuñāṇaṁ.

15-1

巴利原文

Dubhato vuṭṭhānavivaṭṭane paññā magge ñāṇaṁ.

16-1

巴利原文

Payogappaṭippassaddhi paññā phale ñāṇaṁ.

17-1

巴利原文

Chinnavaṭumānupassane paññā vimuttiñāṇaṁ.

18-1

巴利原文

Tadā samudāgate dhamme passane paññā paccavekkhaṇe ñāṇaṁ.

19-1

巴利原文

Ajjhattavavatthāne paññā vatthunānatte ñāṇaṁ.

20-1

巴利原文

Bahiddhāvavatthāne paññā gocaranānatte ñāṇaṁ.

21-1

巴利原文

Cariyāvavatthāne paññā cariyānānatte ñāṇaṁ.

22-1

巴利原文

Catudhammavavatthāne paññā bhūminānatte ñāṇaṁ.

23-1

巴利原文

Navadhammavavatthāne paññā dhammanānatte ñāṇaṁ.

24-1

巴利原文

Abhiññāpaññā ñātaṭṭhe ñāṇaṁ.

25-1

巴利原文

Pariññāpaññā tīraṇaṭṭhe ñāṇaṁ.

26-1

巴利原文

Pahāne paññā pariccāgaṭṭhe ñāṇaṁ.

27-1

巴利原文

Bhāvanāpaññā ekarasaṭṭhe ñāṇaṁ.

28-1

巴利原文

Sacchikiriyāpaññā phassanaṭṭhe ñāṇaṁ.

29-1

巴利原文

Atthanānatte paññā atthapaṭisambhide ñāṇaṁ.

30-1

巴利原文

Dhammanānatte paññā dhammapaṭisambhide ñāṇaṁ.

31-1

巴利原文

Niruttinānatte paññā niruttipaṭisambhide ñāṇaṁ.

32-1

巴利原文

Paṭibhānanānatte paññā paṭibhānapaṭisambhide ñāṇaṁ.

33-1

巴利原文

Vihāranānatte paññā vihāraṭṭhe ñāṇaṁ.

34-1

巴利原文

Samāpattinānatte paññā samāpattaṭṭhe ñāṇaṁ.

35-1

巴利原文

Vihārasamāpattinānatte paññā vihārasamāpattaṭṭhe ñāṇaṁ.

36-1

巴利原文

Avikkhepaparisuddhattā āsavasamucchede paññā ānantarikasamādhimhi ñāṇaṁ.

37-1

巴利原文

Dassanādhipateyyaṁ santo ca vihārādhigamo paṇītādhimuttatā paññā araṇavihāre ñāṇaṁ.

38-1

巴利原文

Dvīhi balehi samannāgatattā tayo ca saṅkhārānaṁ paṭippassaddhiyā soḷasahi ñāṇacariyāhi navahi samādhicariyāhi vasibhāvatā paññā nirodhasamāpattiyā ñāṇaṁ.

39-1

巴利原文

Sampajānassa pavattapariyādāne paññā parinibbāne ñāṇaṁ.

40-1

巴利原文

Sabbadhammānaṁ sammā samucchede nirodhe ca anupaṭṭhānatā paññā samasīsaṭṭhe ñāṇaṁ.

41-1

巴利原文

Puthunānattatejapariyādāne paññā sallekhaṭṭhe ñāṇaṁ.

42-1

巴利原文

Asallīnattapahitattapaggahaṭṭhe paññā vīriyārambhe ñāṇaṁ.

43-1

巴利原文

Nānādhammappakāsanatā paññā atthasandassane ñāṇaṁ.

44-1

巴利原文

Sabbadhammānaṁ ekasaṅgahatānānattekattapaṭivedhe paññā dassanavisuddhiñāṇaṁ.

45-1

巴利原文

Viditattā paññā khantiñāṇaṁ.

46-1

巴利原文

Phuṭṭhattā paññā pariyogāhaṇe ñāṇaṁ.

47-1

巴利原文

Samodahane paññā padesavihāre ñāṇaṁ.

48-1

巴利原文

Adhipatattā paññā saññāvivaṭṭe ñāṇaṁ.

49-1

巴利原文

Nānatte paññā cetovivaṭṭe ñāṇaṁ.

50-1

巴利原文

Adhiṭṭhāne paññā cittavivaṭṭe ñāṇaṁ.

51-1

巴利原文

Suññate paññā ñāṇavivaṭṭe ñāṇaṁ.

52-1

巴利原文

Vosagge paññā vimokkhavivaṭṭe ñāṇaṁ.

53-1

巴利原文

Tathaṭṭhe paññā saccavivaṭṭe ñāṇaṁ.

54-1

巴利原文

Kāyampi cittampi ekavavatthānatā sukhasaññañca lahusaññañca adhiṭṭhānavasena ijjhanaṭṭhe paññā iddhividhe ñāṇaṁ.

55-1

巴利原文

Vitakkavipphāravasena nānattekattasaddanimittānaṁ pariyogāhaṇe paññā sotadhātuvisuddhiñāṇaṁ.

56-1

巴利原文

Tiṇṇannaṁ cittānaṁ vipphārattā indriyānaṁ pasādavasena nānattekattaviññāṇacariyā pariyogāhaṇe paññā cetopariyañāṇaṁ.

57-1

巴利原文

Paccayappavattānaṁ dhammānaṁ nānattekattakammavipphāravasena pariyogāhaṇe paññā pubbenivāsānussatiñāṇaṁ.

58-1

巴利原文

Obhāsavasena nānattekattarūpanimittānaṁ dassanaṭṭhe paññā dibbacakkhuñāṇaṁ.

59-1

巴利原文

Catusaṭṭhiyā ākārehi tiṇṇannaṁ indriyānaṁ vasibhāvatā paññā āsavānaṁ khaye ñāṇaṁ.

60-1

巴利原文

Pariññaṭṭhe paññā dukkhe ñāṇaṁ.

61-1

巴利原文

Pahānaṭṭhe paññā samudaye ñāṇaṁ.

62-1

巴利原文

Sacchikiriyaṭṭhe paññā nirodhe ñāṇaṁ.

63-1

巴利原文

Bhāvanaṭṭhe paññā magge ñāṇaṁ.

64-1

巴利原文

Dukkhe ñāṇaṁ.

65-1

巴利原文

Dukkhasamudaye ñāṇaṁ.

66-1

巴利原文

Dukkhanirodhe ñāṇaṁ.

67-1

巴利原文

Dukkhanirodhagāminiyā paṭipadāya ñāṇaṁ.

68-1

巴利原文

Atthapaṭisambhide ñāṇaṁ.

69-1

巴利原文

Dhammapaṭisambhide ñāṇaṁ.

70-1

巴利原文

Niruttipaṭisambhide ñāṇaṁ.

71-1

巴利原文

Paṭibhānapaṭisambhide ñāṇaṁ.

72-1

巴利原文

Indriyaparopariyattañāṇaṁ.

73-1

巴利原文

Sattānaṁ āsayānusaye ñāṇaṁ.

74-1

巴利原文

Yamakapāṭihīre ñāṇaṁ.

75-1

巴利原文

Mahākaruṇāsamāpattiyā ñāṇaṁ.

76-1

巴利原文

Sabbaññutaññāṇaṁ.

77-1

巴利原文

Anāvaraṇañāṇaṁ.

78-1

巴利原文

Imāni tesattati ñāṇāni.

79-1

巴利原文

Imesaṁ tesattatiyā ñāṇānaṁ sattasaṭṭhi ñāṇāni sāvakasādhāraṇāni;

80-1

巴利原文

cha ñāṇāni asādhāraṇāni sāvakehi.

81-1

巴利原文

Mātikā niṭṭhitā.