巴利大藏經《小部第2209經（Udāna 3.3 / Yasojasutta）》

1-1

巴利原文

Udāna 3.3

2-1

巴利原文

Yasojasutta

3-1

巴利原文

Evaṁ me sutaṁ—

4-1

巴利原文

ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.

5-1

巴利原文

Tena kho pana samayena yasojappamukhāni pañcamattāni bhikkhusatāni sāvatthiṁ anuppattāni honti bhagavantaṁ dassanāya.

6-1

巴利原文

Tedha kho āgantukā bhikkhū nevāsikehi bhikkhūhi saddhiṁ paṭisammodamānā senāsanāni paññāpayamānā pattacīvarāni paṭisāmayamānā uccāsaddā mahāsaddā ahesuṁ.

7-1

巴利原文

Atha kho bhagavā āyasmantaṁ ānandaṁ āmantesi:

8-1

巴利原文

“ke panete, ānanda, uccāsaddā mahāsaddā kevaṭṭā maññe macchavilope”ti?

9-1

巴利原文

“Etāni, bhante, yasojappamukhāni pañcamattāni bhikkhusatāni sāvatthiṁ anuppattāni bhagavantaṁ dassanāya.

10-1

巴利原文

Tete āgantukā bhikkhū nevāsikehi bhikkhūhi saddhiṁ paṭisammodamānā senāsanāni paññāpayamānā pattacīvarāni paṭisāmayamānā uccāsaddā mahāsaddā”ti.

11-1

巴利原文

“Tenahānanda, mama vacanena te bhikkhū āmantehi:

12-1

巴利原文

‘satthā āyasmante āmantetī’”ti.

13-1

巴利原文

“Evaṁ, bhante”ti kho āyasmā ānando bhagavato paṭissutvā yena te bhikkhū tenupasaṅkami; upasaṅkamitvā te bhikkhū etadavoca:

14-1

巴利原文

“satthā āyasmante āmantetī”ti.

15-1

巴利原文

“Evamāvuso”ti kho te bhikkhū āyasmato ānandassa paṭissutvā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinne kho te bhikkhū bhagavā etadavoca:

16-1

巴利原文

“Kiṁ nu tumhe, bhikkhave, uccāsaddā mahāsaddā, kevaṭṭā maññe macchavilope”ti?

17-1

巴利原文

Evaṁ vutte, āyasmā yasojo bhagavantaṁ etadavoca:

18-1

巴利原文

“imāni, bhante, pañcamattāni bhikkhusatāni sāvatthiṁ anuppattāni bhagavantaṁ dassanāya.

19-1

巴利原文

Teme āgantukā bhikkhū nevāsikehi bhikkhūhi saddhiṁ paṭisammodamānā senāsanāni paññāpayamānā pattacīvarāni paṭisāmayamānā uccāsaddā mahāsaddā”ti.

20-1

巴利原文

“Gacchatha, bhikkhave, paṇāmemi vo; na vo mama santike vatthabban”ti.

21-1

巴利原文

“Evaṁ, bhante”ti kho te bhikkhū bhagavato paṭissutvā uṭṭhāyāsanā bhagavantaṁ abhivādetvā padakkhiṇaṁ katvā senāsanaṁ saṁsāmetvā pattacīvaramādāya yena vajjī tena cārikaṁ pakkamiṁsu.

22-1

巴利原文

Vajjīsu anupubbena cārikaṁ caramānā yena vaggumudā nadī tenupasaṅkamiṁsu; upasaṅkamitvā vaggumudāya nadiyā tīre paṇṇakuṭiyo karitvā vassaṁ upagacchiṁsu.

23-1

巴利原文

Atha kho āyasmā yasojo vassūpagato bhikkhū āmantesi:

24-1

巴利原文

“bhagavatā mayaṁ, āvuso, paṇāmitā atthakāmena hitesinā, anukampakena anukampaṁ upādāya.

25-1

巴利原文

Handa mayaṁ, āvuso, tathā vihāraṁ kappema yathā no viharataṁ bhagavā attamano assā”ti.

26-1

巴利原文

“Evamāvuso”ti kho te bhikkhū āyasmato yasojassa paccassosuṁ.

27-1

巴利原文

Atha kho te bhikkhū vūpakaṭṭhā appamattā ātāpino pahitattā viharantā tenevantaravassena sabbeva tisso vijjā sacchākaṁsu.

28-1

巴利原文

Atha kho bhagavā sāvatthiyaṁ yathābhirantaṁ viharitvā yena vesālī tena cārikaṁ pakkāmi.

29-1

巴利原文

Anupubbena cārikaṁ caramāno yena vesālī tadavasari.

30-1

巴利原文

Tatra sudaṁ bhagavā vesāliyaṁ viharati mahāvane kūṭāgārasālāyaṁ.

31-1

巴利原文

Atha kho bhagavā vaggumudātīriyānaṁ bhikkhūnaṁ cetasā ceto paricca manasi karitvā āyasmantaṁ ānandaṁ āmantesi:

32-1

巴利原文

“ālokajātā viya me, ānanda, esā disā, obhāsajātā viya me, ānanda, esā disā;

33-1

巴利原文

yassaṁ disāyaṁ vaggumudātīriyā bhikkhū viharanti gantuṁ appaṭikūlāsi me manasi kātuṁ.

34-1

巴利原文

Pahiṇeyyāsi tvaṁ, ānanda, vaggumudātīriyānaṁ bhikkhūnaṁ santike dūtaṁ:

35-1

巴利原文

‘satthā āyasmante āmanteti, satthā āyasmantānaṁ dassanakāmo’”ti.

36-1

巴利原文

“Evaṁ, bhante”ti kho āyasmā ānando bhagavato paṭissutvā yena aññataro bhikkhu tenupasaṅkami; upasaṅkamitvā taṁ bhikkhuṁ etadavoca:

37-1

巴利原文

“ehi tvaṁ, āvuso, yena vaggumudātīriyā bhikkhū tenupasaṅkama; upasaṅkamitvā vaggumudātīriye bhikkhū evaṁ vadehi:

38-1

巴利原文

‘satthā āyasmante āmanteti, satthā āyasmantānaṁ dassanakāmo’”ti.

39-1

巴利原文

“Evamāvuso”ti kho so bhikkhu āyasmato ānandassa paṭissutvā—

40-1

巴利原文

seyyathāpi nāma balavā puriso samiñjitaṁ vā bāhaṁ pasāreyya, pasāritaṁ vā bāhaṁ samiñjeyya; evamevaṁ—mahāvane kūṭāgārasālāyaṁ antarahito vaggumudāya nadiyā tīre tesaṁ bhikkhūnaṁ purato pāturahosi.

41-1

巴利原文

Atha kho so bhikkhu vaggumudātīriye bhikkhū etadavoca:

42-1

巴利原文

“satthā āyasmante āmanteti, satthā āyasmantānaṁ dassanakāmo”ti.

43-1

巴利原文

“Evamāvuso”ti kho te bhikkhū tassa bhikkhuno paṭissutvā senāsanaṁ saṁsāmetvā pattacīvaramādāya—

44-1

巴利原文

seyyathāpi nāma balavā puriso samiñjitaṁ vā bāhaṁ pasāreyya, pasāritaṁ vā bāhaṁ samiñjeyya; evamevaṁ—vaggumudāya nadiyā tīre antarahitā mahāvane kūṭāgārasālāyaṁ bhagavato sammukhe pāturahesuṁ.

45-1

巴利原文

Tena kho pana samayena bhagavā āneñjena samādhinā nisinno hoti.

46-1

巴利原文

Atha kho tesaṁ bhikkhūnaṁ etadahosi:

47-1

巴利原文

“katamena nu kho bhagavā vihārena etarahi viharatī”ti?

48-1

巴利原文

Atha kho tesaṁ bhikkhūnaṁ etadahosi:

49-1

巴利原文

“āneñjena kho bhagavā vihārena etarahi viharatī”ti.

50-1

巴利原文

Sabbeva āneñjasamādhinā nisīdiṁsu.

51-1

巴利原文

Atha kho āyasmā ānando abhikkantāya rattiyā, nikkhante paṭhame yāme, uṭṭhāyāsanā ekaṁsaṁ uttarāsaṅgaṁ karitvā yena bhagavā tenañjaliṁ paṇāmetvā bhagavantaṁ etadavoca:

52-1

巴利原文

“abhikkantā, bhante, ratti; nikkhanto paṭhamo yāmo; ciranisinnā āgantukā bhikkhū;

53-1

巴利原文

paṭisammodatu, bhante, bhagavā āgantukehi bhikkhūhī”ti.

54-1

巴利原文

Evaṁ vutte, bhagavā tuṇhī ahosi.

55-1

巴利原文

Dutiyampi kho āyasmā ānando abhikkantāya rattiyā, nikkhante majjhime yāme, uṭṭhāyāsanā ekaṁsaṁ uttarāsaṅgaṁ karitvā yena bhagavā tenañjaliṁ paṇāmetvā bhagavantaṁ etadavoca:

56-1

巴利原文

“abhikkantā, bhante, ratti;

57-1

巴利原文

nikkhanto majjhimo yāmo;

58-1

巴利原文

ciranisinnā āgantukā bhikkhū;

59-1

巴利原文

paṭisammodatu, bhante, bhagavā āgantukehi bhikkhūhī”ti.

60-1

巴利原文

Dutiyampi kho bhagavā tuṇhī ahosi.

61-1

巴利原文

Tatiyampi kho āyasmā ānando abhikkantāya rattiyā, nikkhante pacchime yāme, uddhaste aruṇe, nandimukhiyā rattiyā uṭṭhāyāsanā ekaṁsaṁ uttarāsaṅgaṁ karitvā yena bhagavā tenañjaliṁ paṇāmetvā bhagavantaṁ etadavoca:

62-1

巴利原文

“abhikkantā, bhante, ratti;

63-1

巴利原文

nikkhanto pacchimo yāmo;

64-1

巴利原文

uddhasto aruṇo;

65-1

巴利原文

nandimukhī ratti;

66-1

巴利原文

ciranisinnā āgantukā bhikkhū;

67-1

巴利原文

paṭisammodatu, bhante, bhagavā, āgantukehi bhikkhūhī”ti.

68-1

巴利原文

Atha kho bhagavā tamhā samādhimhā vuṭṭhahitvā āyasmantaṁ ānandaṁ āmantesi:

69-1

巴利原文

“sace kho tvaṁ, ānanda, jāneyyāsi ettakampi te nappaṭibhāseyya.

70-1

巴利原文

Ahañca, ānanda, imāni ca pañca bhikkhusatāni sabbeva āneñjasamādhinā nisīdimhā”ti.

71-1

巴利原文

Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:

72-1

巴利原文

“Yassa jito kāmakaṇḍako,

73-1

巴利原文

Akkoso ca vadho ca bandhanañca;

74-1

巴利原文

Pabbatova so ṭhito anejo,

75-1

巴利原文

Sukhadukkhesu na vedhatī sa bhikkhū”ti.

76-1

巴利原文

Tatiyaṁ.