小部第2234經（Udāna 5.8 / Saṅghabhedasutta）

部類小部

Pali NikāyaKhuddaka Nikāya

總句數21

已譯句數0

1-1

巴利原文

Udāna 5.8

2-1

巴利原文

Saṅghabhedasutta

3-1

巴利原文

Evaṁ me sutaṁ—

4-1

巴利原文

ekaṁ samayaṁ bhagavā rājagahe viharati veḷuvane kalandakanivāpe.

5-1

巴利原文

Tena kho pana samayena āyasmā ānando tadahuposathe pubbaṇhasamayaṁ nivāsetvā pattacīvaramādāya rājagahaṁ piṇḍāya pāvisi.

6-1

巴利原文

Addasā kho devadatto āyasmantaṁ ānandaṁ rājagahe piṇḍāya carantaṁ.

7-1

巴利原文

Disvāna yenāyasmā ānando tenupasaṅkami; upasaṅkamitvā āyasmantaṁ ānandaṁ etadavoca:

8-1

巴利原文

“ajjatagge dānāhaṁ, āvuso ānanda, aññatreva bhagavatā aññatra bhikkhusaṅghā uposathaṁ karissāmi saṅghakammāni cā”ti.

9-1

巴利原文

Atha kho āyasmā ānando rājagahe piṇḍāya caritvā pacchābhattaṁ piṇḍapātapaṭikkanto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.

10-1

巴利原文

Ekamantaṁ nisinno kho āyasmā ānando bhagavantaṁ etadavoca:

11-1

巴利原文

“Idhāhaṁ, bhante, pubbaṇhasamayaṁ nivāsetvā pattacīvaramādāya rājagahaṁ piṇḍāya pāvisiṁ.

12-1

巴利原文

Addasā kho maṁ, bhante, devadatto rājagahe piṇḍāya carantaṁ.

13-1

巴利原文

Disvāna yenāhaṁ tenupasaṅkami; upasaṅkamitvā maṁ etadavoca:

14-1

巴利原文

‘ajjatagge dānāhaṁ, āvuso ānanda, aññatreva bhagavatā aññatra bhikkhusaṅghā uposathaṁ karissāmi saṅghakammāni cā’ti.

15-1

巴利原文

Ajja, bhante, devadatto saṅghaṁ bhindissati, uposathañca karissati saṅghakammāni cā”ti.

16-1

巴利原文

Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:

17-1

巴利原文

“Sukaraṁ sādhunā sādhu,

18-1

巴利原文

Sādhu pāpena dukkaraṁ;

19-1

巴利原文

Pāpaṁ pāpena sukaraṁ,

20-1

巴利原文

Pāpamariyehi dukkaran”ti.

21-1

巴利原文

Aṭṭhamaṁ.