小部第817經（Milindapañha / Vicāravagga / 9. Vedanālakkhaṇapañha）

部類小部

Pali NikāyaKhuddaka Nikāya

總句數11

已譯句數0

1-1

巴利原文

Milindapañha

2-1

巴利原文

Vicāravagga

3-1

巴利原文

9. Vedanālakkhaṇapañha

4-1

巴利原文

“Bhante nāgasena, kiṁlakkhaṇā vedanā”ti?

5-1

巴利原文

“Vedayitalakkhaṇā, mahārāja, vedanā anubhavanalakkhaṇā cā”ti.

6-1

巴利原文

“Opammaṁ karohī”ti.

7-1

巴利原文

“Yathā, mahārāja, kocideva puriso rañño adhikāraṁ kareyya, tassa rājā tuṭṭho adhikāraṁ dadeyya, so tena adhikārena pañcahi kāmaguṇehi samappito samaṅgibhūto paricareyya, tassa evamassa ‘mayā kho pubbe rañño adhikāro kato, tassa me rājā tuṭṭho adhikāraṁ adāsi, svāhaṁ tatonidānaṁ imaṁ evarūpaṁ vedanaṁ vedayāmī’ti.

8-1

巴利原文

Yathā vā pana, mahārāja, kocideva puriso kusalaṁ kammaṁ katvā kāyassa bhedā paraṁ maraṇā sugatiṁ saggaṁ lokaṁ upapajjeyya, so ca tattha dibbehi pañcahi kāmaguṇehi samappito samaṅgibhūto paricareyya, tassa evamassa ‘svāhaṁ kho pubbe kusalaṁ kammaṁ akāsiṁ, sohaṁ tatonidānaṁ imaṁ evarūpaṁ vedanaṁ vedayāmī’ti.

9-1

巴利原文

Evaṁ kho, mahārāja, vedayitalakkhaṇā vedanā anubhavanalakkhaṇā cā”ti.

10-1

巴利原文

“Kallosi, bhante nāgasenā”ti.

11-1

巴利原文

Vedanālakkhaṇapañho navamo.