小部第870經（Milindapañha / 8. Milindapañhapucchāvisajjanā）

部類小部

Pali NikāyaKhuddaka Nikāya

總句數35

已譯句數0

1-1

巴利原文

Milindapañha

2-1

巴利原文

8. Milindapañhapucchāvisajjanā

3-1

巴利原文

Thero āha—

4-1

巴利原文

“jānāsi kho, mahārāja, sampati kā velā”ti?

5-1

巴利原文

“Āma, bhante, jānāmi ‘sampati paṭhamo yāmo atikkanto, majjhimo yāmo pavattati, ukkā padīpīyanti, cattāri paṭākāni āṇattāni gamissanti bhaṇḍato rājadeyyānī’”ti.

6-1

巴利原文

Yonakā evamāhaṁsu “kallosi, mahārāja, paṇḍito thero”ti.

7-1

巴利原文

“Āma, bhaṇe, paṇḍito thero, ediso ācariyo bhaveyya mādiso ca antevāsī, nacirasseva paṇḍito dhammaṁ ājāneyyā”ti.

8-1

巴利原文

Tassa pañhaveyyākaraṇena tuṭṭho rājā theraṁ nāgasenaṁ satasahassagghanakena kambalena acchādetvā “bhante nāgasena, ajjatagge te aṭṭhasataṁ bhattaṁ paññapemi, yaṁ kiñci antepure kappiyaṁ, tena ca pavāremī”ti—āha.

9-1

巴利原文

“Alaṁ, mahārāja jīvāmī”ti.

10-1

巴利原文

“Jānāmi, bhante nāgasena, jīvasi, api ca attānañca rakkha, mamañca rakkhāhī”ti.

11-1

巴利原文

“Kathaṁ attānaṁ rakkhasi, ‘nāgaseno milindaṁ rājānaṁ pasādeti, na ca kiñci alabhī’ti parāpavādo āgaccheyyāti, evaṁ attānaṁ rakkha.

12-1

巴利原文

Kathaṁ mamaṁ rakkhasi, ‘milindo rājā pasanno pasannākāraṁ na karotī’ti parāpavādo āgaccheyyāti, evaṁ mamaṁ rakkhāhī”ti.

13-1

巴利原文

“Tathā hotu, mahārājā”ti.

14-1

巴利原文

“Seyyathāpi, bhante, sīho migarājā suvaṇṇapañjare pakkhittopi bahimukhoyeva hoti;

15-1

巴利原文

evameva kho ahaṁ, bhante, kiñcāpi agāraṁ ajjhāvasāmi bahimukho yeva pana acchāmi.

16-1

巴利原文

Sace ahaṁ, bhante, agārasmā anāgāriyaṁ pabbajeyyaṁ, na ciraṁ jīveyyaṁ, bahū me paccatthikā”ti.

17-1

巴利原文

Atha kho āyasmā nāgaseno milindassa rañño pañhaṁ visajjetvā uṭṭhāyāsanā saṅghārāmaṁ agamāsi.

18-1

巴利原文

Acirapakkante ca āyasmante nāgasene milindassa rañño etadahosi—

19-1

巴利原文

“kiṁ mayā pucchitaṁ, kiṁ bhadantena nāgasenena visajjitan”ti?

20-1

巴利原文

Atha kho milindassa rañño etadahosi—

21-1

巴利原文

“sabbaṁ mayā supucchitaṁ, sabbaṁ bhadantena nāgasenena suvisajjitan”ti.

22-1

巴利原文

Āyasmatopi nāgasenassa saṅghārāmagatassa etadahosi—

23-1

巴利原文

“kiṁ milindena raññā pucchitaṁ, kiṁ mayā visajjitan”ti.

24-1

巴利原文

Atha kho āyasmato nāgasenassa etadahosi—

25-1

巴利原文

“sabbaṁ milindena raññā supucchitaṁ, sabbaṁ mayā suvisajjitan”ti.

26-1

巴利原文

Atha kho āyasmā nāgaseno tassā rattiyā accayena pubbaṇhasamayaṁ nivāsetvā pattacīvaramādāya yena milindassa rañño nivesanaṁ tenupasaṅkami, upasaṅkamitvā paññatte āsane nisīdi.

27-1

巴利原文

Atha kho milindo rājā āyasmantaṁ nāgasenaṁ abhivādetvā ekamantaṁ nisīdi, ekamantaṁ nisinno kho milindo rājā āyasmantaṁ nāgasenaṁ etadavoca—

28-1

巴利原文

“Mā kho bhadantassa evaṁ ahosi ‘nāgaseno mayā pañhaṁ pucchito’ti teneva somanassena taṁ rattāvasesaṁ vītināmesīti na te evaṁ daṭṭhabbaṁ.

29-1

巴利原文

Tassa mayhaṁ, bhante, taṁ rattāvasesaṁ etadahosi—

30-1

巴利原文

‘kiṁ mayā pucchitaṁ, kiṁ bhadantena visajjitan’ti, ‘sabbaṁ mayā supucchitaṁ, sabbaṁ bhadantena suvisajjitan’”ti.

31-1

巴利原文

Theropi evamāha—

32-1

巴利原文

“mā kho mahārājassa evaṁ ahosi ‘milindassa rañño mayā pañho visajjito’ti teneva somanassena taṁ rattāvasesaṁ vītināmesīti na te evaṁ daṭṭhabbaṁ.

33-1

巴利原文

Tassa mayhaṁ, mahārāja, taṁ rattāvasesaṁ etadahosi—

34-1

巴利原文

‘kiṁ milindena raññā pucchitaṁ, kiṁ mayā visajjitan’ti, ‘sabbaṁ milindena raññā supucchitaṁ, sabbaṁ mayā suvisajjitan’”ti itiha te mahānāgā aññamaññassa subhāsitaṁ samanumodiṁsūti.

35-1

巴利原文

Milindapañhapucchāvisajjanā niṭṭhitā.