小部第982經（Milindapañha / Opammakathāpañha / Pathavīvagga / 1. Pathavīaṅgapañha）

部類小部

Pali NikāyaKhuddaka Nikāya

總句數30

已譯句數0

1-1

巴利原文

Milindapañha

2-1

巴利原文

Opammakathāpañha

3-1

巴利原文

Pathavīvagga

4-1

巴利原文

1. Pathavīaṅgapañha

5-1

巴利原文

“Bhante nāgasena, ‘pathaviyā pañca aṅgāni gahetabbānī’ti yaṁ vadesi, katamāni tāni pañca aṅgāni gahetabbānī”ti?

6-1

巴利原文

“Yathā, mahārāja, pathavī iṭṭhāniṭṭhāni kappūrāgarutagaracandanakuṅkumādīni ākirantepi pittasemhapubbaruhirasedamedakheḷasiṅghāṇikalasikamuttakarīsādīni ākirantepi tādisāyeva;

7-1

巴利原文

evameva kho, mahārāja, yoginā yogāvacarena iṭṭhāniṭṭhe lābhālābhe yasāyase nindāpasaṁsāya sukhadukkhe sabbattha tādināyeva bhavitabbaṁ.

8-1

巴利原文

Idaṁ, mahārāja, pathaviyā paṭhamaṁ aṅgaṁ gahetabbaṁ.

9-1

巴利原文

Puna caparaṁ, mahārāja, pathavī maṇḍanavibhūsanāpagatā sakagandhaparibhāvitā;

10-1

巴利原文

evameva kho, mahārāja, yoginā yogāvacarena vibhūsanāpagatena sakasīlagandhaparibhāvitena bhavitabbaṁ.

11-1

巴利原文

Idaṁ, mahārāja, pathaviyā dutiyaṁ aṅgaṁ gahetabbaṁ.

12-1

巴利原文

Puna caparaṁ, mahārāja, pathavī nirantarā akhaṇḍacchiddā asusirā bahalā ghanā vitthiṇṇā;

13-1

巴利原文

evameva kho, mahārāja, yoginā yogāvacarena nirantaramakhaṇḍacchiddamasusirabahalaghanavitthiṇṇasīlena bhavitabbaṁ.

14-1

巴利原文

Idaṁ, mahārāja, pathaviyā tatiyaṁ aṅgaṁ gahetabbaṁ.

15-1

巴利原文

Puna caparaṁ, mahārāja, pathavī gāmanigamanagarajanapadarukkhapabbatanadītaḷākapokkharaṇīmigapakkhimanujanaranārigaṇaṁ dhārentīpi akilāsu hoti;

16-1

巴利原文

evameva kho, mahārāja, yoginā yogāvacarena ovadantenapi anusāsantenapi viññāpentenapi sandassentenapi samādapentenapi samuttejentenapi sampahaṁsentenapi dhammadesanāsu akilāsunā bhavitabbaṁ.

17-1

巴利原文

Idaṁ, mahārāja, pathaviyā catutthaṁ aṅgaṁ gahetabbaṁ.

18-1

巴利原文

Puna caparaṁ, mahārāja, pathavī anunayappaṭighavippamuttā;

19-1

巴利原文

evameva kho, mahārāja, yoginā yogāvacarena anunayappaṭighavippamuttena pathavisamena cetasā viharitabbaṁ.

20-1

巴利原文

Idaṁ, mahārāja, pathaviyā pañcamaṁ aṅgaṁ gahetabbaṁ.

21-1

巴利原文

Bhāsitampetaṁ, mahārāja, upāsikāya cūḷasubhaddāya sakasamaṇe parikittayamānāya—

22-1

巴利原文

‘Ekañce bāhaṁ vāsiyā,

23-1

巴利原文

tacche kupitamānasā;

24-1

巴利原文

Ekañce bāhaṁ gandhena,

25-1

巴利原文

ālimpeyya pamoditā.

26-1

巴利原文

Amusmiṁ paṭigho natthi,

27-1

巴利原文

rāgo asmiṁ na vijjati;

28-1

巴利原文

Pathavīsamacittā te,

29-1

巴利原文

tādisā samaṇā mamā’”ti.

30-1

巴利原文

Pathavīaṅgapañho paṭhamo.