巴利大藏經《中部第69經（Majjhima Nikāya 69 / Goliyānisutta）》

1-1

巴利原文

Majjhima Nikāya 69

2-1

巴利原文

Goliyānisutta

3-1

巴利原文

Evaṁ me sutaṁ—

4-1

巴利原文

ekaṁ samayaṁ bhagavā rājagahe viharati veḷuvane kalandakanivāpe.

5-1

巴利原文

Tena kho pana samayena goliyāni nāma bhikkhu āraññiko padasamācāro saṅghamajjhe osaṭo hoti kenacideva karaṇīyena.

6-1

巴利原文

Tatra kho āyasmā sāriputto goliyāniṁ bhikkhuṁ ārabbha bhikkhū āmantesi:

7-1

巴利原文

“Āraññikenāvuso, bhikkhunā saṅghagatena saṅghe viharantena sabrahmacārīsu sagāravena bhavitabbaṁ sappatissena.

8-1

巴利原文

Sace, āvuso, āraññiko bhikkhu saṅghagato saṅghe viharanto sabrahmacārīsu agāravo hoti appatisso, tassa bhavanti vattāro.

9-1

巴利原文

‘Kiṁ panimassāyasmato āraññikassa ekassāraññe serivihārena, yo ayamāyasmā sabrahmacārīsu agāravo hoti appatisso’ti—

10-1

巴利原文

tassa bhavanti vattāro.

11-1

巴利原文

Tasmā āraññikena bhikkhunā saṅghagatena saṅghe viharantena sabrahmacārīsu sagāravena bhavitabbaṁ sappatissena.

12-1

巴利原文

Āraññikenāvuso, bhikkhunā saṅghagatena saṅghe viharantena āsanakusalena bhavitabbaṁ:

13-1

巴利原文

‘iti there ca bhikkhū nānupakhajja nisīdissāmi nave ca bhikkhū na āsanena paṭibāhissāmī’ti.

14-1

巴利原文

Sace, āvuso, āraññiko bhikkhu saṅghagato saṅghe viharanto na āsanakusalo hoti, tassa bhavanti vattāro.

15-1

巴利原文

‘Kiṁ panimassāyasmato āraññikassa ekassāraññe serivihārena, yo ayamāyasmā āsanakusalo na hotī’ti—

16-1

巴利原文

tassa bhavanti vattāro.

17-1

巴利原文

Tasmā āraññikena bhikkhunā saṅghagatena saṅghe viharantena āsanakusalena bhavitabbaṁ.

18-1

巴利原文

Āraññikenāvuso, bhikkhunā saṅghagatena saṅghe viharantena ābhisamācārikopi dhammo jānitabbo.

19-1

巴利原文

Sace, āvuso, āraññiko bhikkhu saṅghagato saṅghe viharanto ābhisamācārikampi dhammaṁ na jānāti, tassa bhavanti vattāro.

20-1

巴利原文

‘Kiṁ panimassāyasmato āraññikassa ekassāraññe serivihārena yo ayamāyasmā ābhisamācārikampi dhammaṁ na jānātī’ti—

21-1

巴利原文

tassa bhavanti vattāro.

22-1

巴利原文

Tasmā āraññikena bhikkhunā saṅghagatena saṅghe viharantena ābhisamācārikopi dhammo jānitabbo.

23-1

巴利原文

Āraññikenāvuso, bhikkhunā saṅghagatena saṅghe viharantena nātikālena gāmo pavisitabbo nātidivā paṭikkamitabbaṁ.

24-1

巴利原文

Sace, āvuso, āraññiko bhikkhu saṅghagato saṅghe viharanto atikālena gāmaṁ pavisati atidivā paṭikkamati, tassa bhavanti vattāro.

25-1

巴利原文

‘Kiṁ panimassāyasmato āraññikassa ekassāraññe serivihārena yo ayamāyasmā atikālena gāmaṁ pavisati atidivā paṭikkamatī’ti—

26-1

巴利原文

tassa bhavanti vattāro.

27-1

巴利原文

Tasmā āraññikena bhikkhunā saṅghagatena saṅghe viharantena nātikālena gāmo pavisitabbo, nātidivā paṭikkamitabbaṁ.

28-1

巴利原文

Āraññikenāvuso, bhikkhunā saṅghagatena saṅghe viharantena na purebhattaṁ pacchābhattaṁ kulesu cārittaṁ āpajjitabbaṁ.

29-1

巴利原文

Sace, āvuso, āraññiko bhikkhu saṅghagato saṅghe viharanto purebhattaṁ pacchābhattaṁ kulesu cārittaṁ āpajjati, tassa bhavanti vattāro.

30-1

巴利原文

‘Ayaṁ nūnimassāyasmato āraññikassa ekassāraññe serivihārena viharato vikālacariyā bahulīkatā, tamenaṁ saṅghagatampi samudācaratī’ti—

31-1

巴利原文

tassa bhavanti vattāro.

32-1

巴利原文

Tasmā āraññikena bhikkhunā saṅghagatena saṅghe viharantena na purebhattaṁ pacchābhattaṁ kulesu cārittaṁ āpajjitabbaṁ.

33-1

巴利原文

Āraññikenāvuso, bhikkhunā saṅghagatena saṅghe viharantena anuddhatena bhavitabbaṁ acapalena.

34-1

巴利原文

Sace, āvuso, āraññiko bhikkhu saṅghagato saṅghe viharanto uddhato hoti capalo, tassa bhavanti vattāro.

35-1

巴利原文

‘Idaṁ nūnimassāyasmato āraññikassa ekassāraññe serivihārena viharato uddhaccaṁ cāpalyaṁ bahulīkataṁ, tamenaṁ saṅghagatampi samudācaratī’ti—

36-1

巴利原文

tassa bhavanti vattāro.

37-1

巴利原文

Tasmā āraññikena bhikkhunā saṅghagatena saṅghe viharantena anuddhatena bhavitabbaṁ acapalena.

38-1

巴利原文

Āraññikenāvuso, bhikkhunā saṅghagatena saṅghe viharantena amukharena bhavitabbaṁ avikiṇṇavācena.

39-1

巴利原文

Sace, āvuso, āraññiko bhikkhu saṅghagato saṅghe viharanto mukharo hoti vikiṇṇavāco, tassa bhavanti vattāro.

40-1

巴利原文

‘Kiṁ panimassāyasmato āraññikassa ekassāraññe serivihārena yo ayamāyasmā mukharo vikiṇṇavāco’ti—

41-1

巴利原文

tassa bhavanti vattāro.

42-1

巴利原文

Tasmā āraññikena bhikkhunā saṅghagatena saṅghe viharantena amukharena bhavitabbaṁ avikiṇṇavācena.

43-1

巴利原文

Āraññikenāvuso, bhikkhunā saṅghagatena saṅghe viharantena suvacena bhavitabbaṁ kalyāṇamittena.

44-1

巴利原文

Sace, āvuso, āraññiko bhikkhu saṅghagato saṅghe viharanto dubbaco hoti pāpamitto, tassa bhavanti vattāro.

45-1

巴利原文

‘Kiṁ panimassāyasmato āraññikassa ekassāraññe serivihārena yo ayamāyasmā dubbaco pāpamitto’ti—

46-1

巴利原文

tassa bhavanti vattāro.

47-1

巴利原文

Tasmā āraññikena bhikkhunā saṅghagatena saṅghe viharantena suvacena bhavitabbaṁ kalyāṇamittena.

48-1

巴利原文

Āraññikenāvuso, bhikkhunā indriyesu guttadvārena bhavitabbaṁ.

49-1

巴利原文

Sace, āvuso, āraññiko bhikkhu indriyesu aguttadvāro hoti, tassa bhavanti vattāro.

50-1

巴利原文

‘Kiṁ panimassāyasmato āraññikassa ekassāraññe serivihārena yo ayamāyasmā indriyesu aguttadvāro’ti—

51-1

巴利原文

tassa bhavanti vattāro.

52-1

巴利原文

Tasmā āraññikena bhikkhunā indriyesu guttadvārena bhavitabbaṁ.

53-1

巴利原文

Āraññikenāvuso, bhikkhunā bhojane mattaññunā bhavitabbaṁ.

54-1

巴利原文

Sace, āvuso, āraññiko bhikkhu bhojane amattaññū hoti, tassa bhavanti vattāro.

55-1

巴利原文

‘Kiṁ panimassāyasmato āraññikassa ekassāraññe serivihārena yo ayamāyasmā bhojane amattaññū’ti—

56-1

巴利原文

tassa bhavanti vattāro.

57-1

巴利原文

Tasmā āraññikena bhikkhunā bhojane mattaññunā bhavitabbaṁ.

58-1

巴利原文

Āraññikenāvuso, bhikkhunā jāgariyaṁ anuyuttena bhavitabbaṁ.

59-1

巴利原文

Sace, āvuso, āraññiko bhikkhu jāgariyaṁ ananuyutto hoti, tassa bhavanti vattāro.

60-1

巴利原文

‘Kiṁ panimassāyasmato āraññikassa ekassāraññe serivihārena yo ayamāyasmā jāgariyaṁ ananuyutto’ti—

61-1

巴利原文

tassa bhavanti vattāro.

62-1

巴利原文

Tasmā āraññikena bhikkhunā jāgariyaṁ anuyuttena bhavitabbaṁ.

63-1

巴利原文

Āraññikenāvuso, bhikkhunā āraddhavīriyena bhavitabbaṁ.

64-1

巴利原文

Sace, āvuso, āraññiko bhikkhu kusīto hoti, tassa bhavanti vattāro.

65-1

巴利原文

‘Kiṁ panimassāyasmato āraññikassa ekassāraññe serivihārena yo ayamāyasmā kusīto’ti—

66-1

巴利原文

tassa bhavanti vattāro.

67-1

巴利原文

Tasmā āraññikena bhikkhunā āraddhavīriyena bhavitabbaṁ.

68-1

巴利原文

Āraññikenāvuso, bhikkhunā upaṭṭhitassatinā bhavitabbaṁ.

69-1

巴利原文

Sace, āvuso, āraññiko bhikkhu muṭṭhassatī hoti, tassa bhavanti vattāro.

70-1

巴利原文

‘Kiṁ panimassāyasmato āraññikassa ekassāraññe serivihārena yo ayamāyasmā muṭṭhassatī’ti—

71-1

巴利原文

tassa bhavanti vattāro.

72-1

巴利原文

Tasmā āraññikena bhikkhunā upaṭṭhitassatinā bhavitabbaṁ.

73-1

巴利原文

Āraññikenāvuso, bhikkhunā samāhitena bhavitabbaṁ.

74-1

巴利原文

Sace, āvuso, āraññiko bhikkhu asamāhito hoti, tassa bhavanti vattāro.

75-1

巴利原文

‘Kiṁ panimassāyasmato āraññikassa ekassāraññe serivihārena yo ayamāyasmā asamāhito’ti—

76-1

巴利原文

tassa bhavanti vattāro.

77-1

巴利原文

Tasmā āraññikena bhikkhunā samāhitena bhavitabbaṁ.

78-1

巴利原文

Āraññikenāvuso, bhikkhunā paññavatā bhavitabbaṁ.

79-1

巴利原文

Sace, āvuso, āraññiko bhikkhu duppañño hoti, tassa bhavanti vattāro.

80-1

巴利原文

‘Kiṁ panimassāyasmato āraññikassa ekassāraññe serivihārena yo ayamāyasmā duppañño’ti—

81-1

巴利原文

tassa bhavanti vattāro.

82-1

巴利原文

Tasmā āraññikena bhikkhunā paññavatā bhavitabbaṁ.

83-1

巴利原文

Āraññikenāvuso, bhikkhunā abhidhamme abhivinaye yogo karaṇīyo.

84-1

巴利原文

Santāvuso, āraññikaṁ bhikkhuṁ abhidhamme abhivinaye pañhaṁ pucchitāro.

85-1

巴利原文

Sace, āvuso, āraññiko bhikkhu abhidhamme abhivinaye pañhaṁ puṭṭho na sampāyati, tassa bhavanti vattāro.

86-1

巴利原文

‘Kiṁ panimassāyasmato āraññikassa ekassāraññe serivihārena yo ayamāyasmā abhidhamme abhivinaye pañhaṁ puṭṭho na sampāyatī’ti—

87-1

巴利原文

tassa bhavanti vattāro.

88-1

巴利原文

Tasmā āraññikena bhikkhunā abhidhamme abhivinaye yogo karaṇīyo.

89-1

巴利原文

Āraññikenāvuso, bhikkhunā ye te santā vimokkhā atikkamma rūpe āruppā tattha yogo karaṇīyo.

90-1

巴利原文

Santāvuso, āraññikaṁ bhikkhuṁ ye te santā vimokkhā atikkamma rūpe āruppā tattha pañhaṁ pucchitāro.

91-1

巴利原文

Sace, āvuso, āraññiko bhikkhu ye te santā vimokkhā atikkamma rūpe āruppā tattha pañhaṁ puṭṭho na sampāyati, tassa bhavanti vattāro.

92-1

巴利原文

‘Kiṁ panimassāyasmato āraññikassa ekassāraññe serivihārena yo ayamāyasmā ye te santā vimokkhā atikkamma rūpe āruppā tattha pañhaṁ puṭṭho na sampāyatī’ti—

93-1

巴利原文

tassa bhavanti vattāro.

94-1

巴利原文

Tasmā āraññikena bhikkhunā ye te santā vimokkhā atikkamma rūpe āruppā tattha yogo karaṇīyo.

95-1

巴利原文

Āraññikenāvuso, bhikkhunā uttari manussadhamme yogo karaṇīyo.

96-1

巴利原文

Santāvuso, āraññikaṁ bhikkhuṁ uttari manussadhamme pañhaṁ pucchitāro.

97-1

巴利原文

Sace, āvuso, āraññiko bhikkhu uttari manussadhamme pañhaṁ puṭṭho na sampāyati, tassa bhavanti vattāro.

98-1

巴利原文

‘Kiṁ panimassāyasmato āraññikassa ekassāraññe serivihārena yo ayamāyasmā yassatthāya pabbajito tamatthaṁ na jānātī’ti—

99-1

巴利原文

tassa bhavanti vattāro.

100-1

巴利原文

Tasmā āraññikena bhikkhunā uttari manussadhamme yogo karaṇīyo”ti.

101-1

巴利原文

Evaṁ vutte, āyasmā mahāmoggallāno āyasmantaṁ sāriputtaṁ etadavoca:

102-1

巴利原文

“āraññikeneva nu kho, āvuso sāriputta, bhikkhunā ime dhammā samādāya vattitabbā udāhu gāmantavihārināpī”ti?

103-1

巴利原文

“Āraññikenāpi kho, āvuso moggallāna, bhikkhunā ime dhammā samādāya vattitabbā pageva gāmantavihārinā”ti.

104-1

巴利原文

Goliyānisuttaṁ niṭṭhitaṁ navamaṁ.