相應部第1048經（Saṁyutta Nikāya 35.240 / 19. Āsīvisavagga / Kummopamasutta）

部類相應部

Pali NikāyaSaṁyutta Nikāya

總句數31

已譯句數0

1-1

巴利原文

Saṁyutta Nikāya 35.240

2-1

巴利原文

19. Āsīvisavagga

3-1

巴利原文

Kummopamasutta

4-1

巴利原文

“Bhūtapubbaṁ, bhikkhave, kummo kacchapo sāyanhasamayaṁ anunadītīre gocarapasuto ahosi.

5-1

巴利原文

Siṅgālopi kho, bhikkhave, sāyanhasamayaṁ anunadītīre gocarapasuto ahosi.

6-1

巴利原文

Addasā kho, bhikkhave, kummo kacchapo siṅgālaṁ dūratova gocarapasutaṁ.

7-1

巴利原文

Disvāna soṇḍipañcamāni aṅgāni sake kapāle samodahitvā appossukko tuṇhībhūto saṅkasāyati.

8-1

巴利原文

Siṅgālopi kho, bhikkhave, addasa kummaṁ kacchapaṁ dūratova gocarapasutaṁ.

9-1

巴利原文

Disvāna yena kummo kacchapo tenupasaṅkami; upasaṅkamitvā kummaṁ kacchapaṁ paccupaṭṭhito ahosi:

10-1

巴利原文

‘yadāyaṁ kummo kacchapo soṇḍipañcamānaṁ aṅgānaṁ aññataraṁ vā aññataraṁ vā aṅgaṁ abhininnāmessati, tattheva naṁ gahetvā uddālitvā khādissāmī’ti.

11-1

巴利原文

Yadā kho, bhikkhave, kummo kacchapo soṇḍipañcamānaṁ aṅgānaṁ aññataraṁ vā aññataraṁ vā aṅgaṁ na abhininnāmi, atha siṅgālo kummamhā nibbijja pakkāmi, otāraṁ alabhamāno.

12-1

巴利原文

Evameva kho, bhikkhave, tumhepi māro pāpimā satataṁ samitaṁ paccupaṭṭhito:

13-1

巴利原文

‘appeva nāmāhaṁ imesaṁ cakkhuto vā otāraṁ labheyyaṁ …pe…

14-1

巴利原文

jivhāto vā otāraṁ labheyyaṁ …pe…

15-1

巴利原文

manato vā otāraṁ labheyyan’ti.

16-1

巴利原文

Tasmātiha, bhikkhave, indriyesu guttadvārā viharatha.

17-1

巴利原文

Cakkhunā rūpaṁ disvā mā nimittaggāhino ahuvattha, mā anubyañjanaggāhino.

18-1

巴利原文

Yatvādhikaraṇamenaṁ cakkhundriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ, tassa saṁvarāya paṭipajjatha, rakkhatha cakkhundriyaṁ, cakkhundriye saṁvaraṁ āpajjatha.

19-1

巴利原文

Sotena saddaṁ sutvā …

20-1

巴利原文

ghānena gandhaṁ ghāyitvā …

21-1

巴利原文

jivhāya rasaṁ sāyitvā …

22-1

巴利原文

kāyena phoṭṭhabbaṁ phusitvā …

23-1

巴利原文

manasā dhammaṁ viññāya mā nimittaggāhino ahuvattha, mā anubyañjanaggāhino.

24-1

巴利原文

Yatvādhikaraṇamenaṁ manindriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ, tassa saṁvarāya paṭipajjatha, rakkhatha manindriyaṁ, manindriye saṁvaraṁ āpajjatha.

25-1

巴利原文

Yato tumhe, bhikkhave, indriyesu guttadvārā viharissatha, atha tumhehipi māro pāpimā nibbijja pakkamissati, otāraṁ alabhamāno—

26-1

巴利原文

kummamhāva siṅgāloti.

27-1

巴利原文

Kummova aṅgāni sake kapāle,

28-1

巴利原文

Samodahaṁ bhikkhu manovitakke;

29-1

巴利原文

Anissito aññamaheṭhayāno,

30-1

巴利原文

Parinibbuto nūpavadeyya kañcī”ti.

31-1

巴利原文

Tatiyaṁ.