相應部第1092經（Saṁyutta Nikāya 37.5 / 1. Paṭhamapeyyālavagga / Kodhanasutta）

部類相應部

Pali NikāyaSaṁyutta Nikāya

總句數11

已譯句數0

1-1

巴利原文

Saṁyutta Nikāya 37.5

2-1

巴利原文

1. Paṭhamapeyyālavagga

3-1

巴利原文

Kodhanasutta

4-1

巴利原文

Atha kho āyasmā anuruddho yena bhagavā tenupasaṅkami; upasaṅkamitvā ekamantaṁ nisīdi. Ekamantaṁ nisinno kho āyasmā anuruddho bhagavantaṁ etadavoca:

5-1

巴利原文

“idhāhaṁ, bhante, mātugāmaṁ passāmi dibbena cakkhunā visuddhena atikkantamānusakena kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjantaṁ.

6-1

巴利原文

Katīhi nu kho, bhante, dhammehi samannāgato mātugāmo kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjatī”ti?

7-1

巴利原文

“Pañcahi kho, anuruddha, dhammehi samannāgato mātugāmo kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati.

8-1

巴利原文

Katamehi pañcahi?

9-1

巴利原文

Assaddho ca hoti, ahiriko ca hoti, anottappī ca hoti, kodhano ca hoti, duppañño ca hoti—

10-1

巴利原文

imehi kho, anuruddha, pañcahi dhammehi samannāgato mātugāmo kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjatī”ti.

11-1

巴利原文

Pañcamaṁ.