相應部第1152經（Saṁyutta Nikāya 41.2 / 1. Cittavagga / Paṭhamaisidattasutta）

部類相應部

Pali NikāyaSaṁyutta Nikāya

總句數39

已譯句數0

1-1

巴利原文

Saṁyutta Nikāya 41.2

2-1

巴利原文

1. Cittavagga

3-1

巴利原文

Paṭhamaisidattasutta

4-1

巴利原文

Ekaṁ samayaṁ sambahulā therā bhikkhū macchikāsaṇḍe viharanti ambāṭakavane.

5-1

巴利原文

Atha kho citto gahapati yena therā bhikkhū tenupasaṅkami; upasaṅkamitvā there bhikkhū abhivādetvā ekamantaṁ nisīdi. Ekamantaṁ nisinno kho citto gahapati there bhikkhū etadavoca:

6-1

巴利原文

“adhivāsentu me, bhante, therā svātanāya bhattan”ti.

7-1

巴利原文

Adhivāsesuṁ kho therā bhikkhū tuṇhībhāvena.

8-1

巴利原文

Atha kho citto gahapati therānaṁ bhikkhūnaṁ adhivāsanaṁ viditvā uṭṭhāyāsanā there bhikkhū abhivādetvā padakkhiṇaṁ katvā pakkāmi.

9-1

巴利原文

Atha kho therā bhikkhū tassā rattiyā accayena pubbaṇhasamayaṁ nivāsetvā pattacīvaramādāya yena cittassa gahapatissa nivesanaṁ tenupasaṅkamiṁsu; upasaṅkamitvā paññatte āsane nisīdiṁsu.

10-1

巴利原文

Atha kho citto gahapati yena therā bhikkhū tenupasaṅkami; upasaṅkamitvā there bhikkhū abhivādetvā ekamantaṁ nisīdi. Ekamantaṁ nisinno kho citto gahapati āyasmantaṁ theraṁ etadavoca:

11-1

巴利原文

“‘dhātunānattaṁ, dhātunānattan’ti, bhante thera, vuccati.

12-1

巴利原文

Kittāvatā nu kho, bhante, dhātunānattaṁ vuttaṁ bhagavatā”ti?

13-1

巴利原文

Evaṁ vutte, āyasmā thero tuṇhī ahosi.

14-1

巴利原文

Dutiyampi kho citto gahapati āyasmantaṁ theraṁ etadavoca:

15-1

巴利原文

“‘dhātunānattaṁ, dhātunānattan’ti, bhante thera, vuccati.

16-1

巴利原文

Kittāvatā nu kho, bhante, dhātunānattaṁ vuttaṁ bhagavatā”ti?

17-1

巴利原文

Dutiyampi kho āyasmā thero tuṇhī ahosi.

18-1

巴利原文

Tatiyampi kho citto gahapati āyasmantaṁ theraṁ etadavoca:

19-1

巴利原文

“‘dhātunānattaṁ, dhātunānattan’ti, bhante thera, vuccati.

20-1

巴利原文

Kittāvatā nu kho, bhante, dhātunānattaṁ vuttaṁ bhagavatā”ti?

21-1

巴利原文

Tatiyampi kho āyasmā thero tuṇhī ahosi.

22-1

巴利原文

Tena kho pana samayena āyasmā isidatto tasmiṁ bhikkhusaṅghe sabbanavako hoti.

23-1

巴利原文

Atha kho āyasmā isidatto āyasmantaṁ theraṁ etadavoca:

24-1

巴利原文

“byākaromahaṁ, bhante thera, cittassa gahapatino etaṁ pañhan”ti?

25-1

巴利原文

“Byākarohi tvaṁ, āvuso isidatta, cittassa gahapatino etaṁ pañhan”ti.

26-1

巴利原文

“Evañhi tvaṁ, gahapati, pucchasi:

27-1

巴利原文

‘dhātunānattaṁ, dhātunānattanti, bhante thera, vuccati.

28-1

巴利原文

Kittāvatā nu kho, bhante, dhātunānattaṁ, vuttaṁ bhagavatā’”ti?

29-1

巴利原文

“Evaṁ, bhante”.

30-1

巴利原文

“Idaṁ kho, gahapati, dhātunānattaṁ vuttaṁ bhagavatā—

31-1

巴利原文

cakkhudhātu, rūpadhātu, cakkhuviññāṇadhātu …pe…

32-1

巴利原文

manodhātu, dhammadhātu, manoviññāṇadhātu.

33-1

巴利原文

Ettāvatā kho, gahapati, dhātunānattaṁ vuttaṁ bhagavatā”ti.

34-1

巴利原文

Atha kho citto gahapati āyasmato isidattassa bhāsitaṁ abhinanditvā anumoditvā there bhikkhū paṇītena khādanīyena bhojanīyena sahatthā santappesi sampavāresi.

35-1

巴利原文

Atha kho therā bhikkhū bhuttāvino onītapattapāṇino uṭṭhāyāsanā pakkamiṁsu.

36-1

巴利原文

Atha kho āyasmā thero āyasmantaṁ isidattaṁ etadavoca:

37-1

巴利原文

“sādhu kho taṁ, āvuso isidatta, eso pañho paṭibhāsi, neso pañho maṁ paṭibhāsi.

38-1

巴利原文

Tenahāvuso isidatta, yadā aññathāpi evarūpo pañho āgaccheyya, taññevettha paṭibhāseyyā”ti.

39-1

巴利原文

Dutiyaṁ.