相應部第1208經（Saṁyutta Nikāya 45.9 / 1. Avijjāvagga / Sūkasutta）

部類相應部

Pali NikāyaSaṁyutta Nikāya

總句數20

已譯句數0

1-1

巴利原文

Saṁyutta Nikāya 45.9

2-1

巴利原文

1. Avijjāvagga

3-1

巴利原文

Sūkasutta

4-1

巴利原文

Sāvatthinidānaṁ.

5-1

巴利原文

“Seyyathāpi, bhikkhave, sālisūkaṁ vā yavasūkaṁ vā micchāpaṇihitaṁ hatthena vā pādena vā akkantaṁ hatthaṁ vā pādaṁ vā bhindissati, lohitaṁ vā uppādessatīti—netaṁ ṭhānaṁ vijjati.

6-1

巴利原文

Taṁ kissa hetu?

7-1

巴利原文

Micchāpaṇihitattā, bhikkhave, sūkassa.

8-1

巴利原文

Evameva kho, bhikkhave, so vata bhikkhu micchāpaṇihitāya diṭṭhiyā micchāpaṇihitāya maggabhāvanāya avijjaṁ bhindissati, vijjaṁ uppādessati, nibbānaṁ sacchikarissatīti—netaṁ ṭhānaṁ vijjati.

9-1

巴利原文

Taṁ kissa hetu?

10-1

巴利原文

Micchāpaṇihitattā, bhikkhave, diṭṭhiyā.

11-1

巴利原文

Seyyathāpi, bhikkhave, sālisūkaṁ vā yavasūkaṁ vā sammāpaṇihitaṁ hatthena vā pādena vā akkantaṁ hatthaṁ vā pādaṁ vā bhindissati, lohitaṁ vā uppādessatīti—ṭhānametaṁ vijjati.

12-1

巴利原文

Taṁ kissa hetu?

13-1

巴利原文

Sammāpaṇihitattā, bhikkhave, sūkassa.

14-1

巴利原文

Evameva kho, bhikkhave, so vata bhikkhu sammāpaṇihitāya diṭṭhiyā sammāpaṇihitāya maggabhāvanāya avijjaṁ bhindissati, vijjaṁ uppādessati, nibbānaṁ sacchikarissatīti—ṭhānametaṁ vijjati.

15-1

巴利原文

Taṁ kissa hetu?

16-1

巴利原文

Sammāpaṇihitattā, bhikkhave, diṭṭhiyā.

17-1

巴利原文

Kathañca, bhikkhave, bhikkhu sammāpaṇihitāya diṭṭhiyā sammāpaṇihitāya maggabhāvanāya avijjaṁ bhindati, vijjaṁ uppādeti, nibbānaṁ sacchikarotīti?

18-1

巴利原文

Idha, bhikkhave, bhikkhu sammādiṭṭhiṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ …pe… sammāsamādhiṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ.

19-1

巴利原文

Evaṁ kho, bhikkhave, bhikkhu sammāpaṇihitāya diṭṭhiyā sammāpaṇihitāya maggabhāvanāya avijjaṁ bhindati, vijjaṁ uppādeti, nibbānaṁ sacchikarotī”ti.

20-1

巴利原文

Navamaṁ.