相應部第1495經（Saṁyutta Nikāya 48.40 / 4. Sukhindriyavagga / Uppaṭipāṭikasutta）

部類相應部

Pali NikāyaSaṁyutta Nikāya

總句數58

已譯句數0

1-1

巴利原文

Saṁyutta Nikāya 48.40

2-1

巴利原文

4. Sukhindriyavagga

3-1

巴利原文

Uppaṭipāṭikasutta

4-1

巴利原文

“Pañcimāni, bhikkhave, indriyāni.

5-1

巴利原文

Katamāni pañca?

6-1

巴利原文

Dukkhindriyaṁ, domanassindriyaṁ, sukhindriyaṁ, somanassindriyaṁ, upekkhindriyaṁ.

7-1

巴利原文

Idha, bhikkhave, bhikkhuno appamattassa ātāpino pahitattassa viharato uppajjati dukkhindriyaṁ.

8-1

巴利原文

So evaṁ pajānāti:

9-1

巴利原文

‘uppannaṁ kho me idaṁ dukkhindriyaṁ, tañca kho sanimittaṁ sanidānaṁ sasaṅkhāraṁ sappaccayaṁ.

10-1

巴利原文

Tañca animittaṁ anidānaṁ asaṅkhāraṁ appaccayaṁ dukkhindriyaṁ uppajjissatī’ti—netaṁ ṭhānaṁ vijjati.

11-1

巴利原文

So dukkhindriyañca pajānāti, dukkhindriyasamudayañca pajānāti, dukkhindriyanirodhañca pajānāti, yattha cuppannaṁ dukkhindriyaṁ aparisesaṁ nirujjhati tañca pajānāti.

12-1

巴利原文

Kattha cuppannaṁ dukkhindriyaṁ aparisesaṁ nirujjhati?

13-1

巴利原文

Idha, bhikkhave, bhikkhu vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharati,

14-1

巴利原文

ettha cuppannaṁ dukkhindriyaṁ aparisesaṁ nirujjhati.

15-1

巴利原文

Ayaṁ vuccati, bhikkhave, ‘bhikkhu aññāsi dukkhindriyassa nirodhaṁ, tadatthāya cittaṁ upasaṁharati’.

16-1

巴利原文

Idha pana, bhikkhave, bhikkhuno appamattassa ātāpino pahitattassa viharato uppajjati domanassindriyaṁ.

17-1

巴利原文

So evaṁ pajānāti:

18-1

巴利原文

‘uppannaṁ kho me idaṁ domanassindriyaṁ, tañca kho sanimittaṁ sanidānaṁ sasaṅkhāraṁ sappaccayaṁ.

19-1

巴利原文

tañca animittaṁ anidānaṁ asaṅkhāraṁ appaccayaṁ domanassindriyaṁ uppajjissatī’ti—netaṁ ṭhānaṁ vijjati.

20-1

巴利原文

So domanassindriyañca pajānāti, domanassindriyasamudayañca pajānāti, domanassindriyanirodhañca pajānāti, yattha cuppannaṁ domanassindriyaṁ aparisesaṁ nirujjhati tañca pajānāti.

21-1

巴利原文

Kattha cuppannaṁ domanassindriyaṁ aparisesaṁ nirujjhati?

22-1

巴利原文

Idha, bhikkhave, bhikkhu vitakkavicārānaṁ vūpasamā ajjhattaṁ sampasādanaṁ cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja viharati,

23-1

巴利原文

ettha cuppannaṁ domanassindriyaṁ aparisesaṁ nirujjhati.

24-1

巴利原文

Ayaṁ vuccati, bhikkhave, ‘bhikkhu aññāsi domanassindriyassa nirodhaṁ, tadatthāya cittaṁ upasaṁharati’.

25-1

巴利原文

Idha pana, bhikkhave, bhikkhuno appamattassa ātāpino pahitattassa viharato uppajjati sukhindriyaṁ.

26-1

巴利原文

So evaṁ pajānāti:

27-1

巴利原文

‘uppannaṁ kho me idaṁ sukhindriyaṁ, tañca kho sanimittaṁ sanidānaṁ sasaṅkhāraṁ sappaccayaṁ.

28-1

巴利原文

tañca animittaṁ anidānaṁ asaṅkhāraṁ appaccayaṁ sukhindriyaṁ uppajjissatī’ti—netaṁ ṭhānaṁ vijjati.

29-1

巴利原文

So sukhindriyañca pajānāti, sukhindriyasamudayañca pajānāti, sukhindriyanirodhañca pajānāti, yattha cuppannaṁ sukhindriyaṁ aparisesaṁ nirujjhati tañca pajānāti.

30-1

巴利原文

Kattha cuppannaṁ sukhindriyaṁ aparisesaṁ nirujjhati?

31-1

巴利原文

Idha, bhikkhave, bhikkhu pītiyā ca virāgā upekkhako ca viharati sato ca sampajāno sukhañca kāyena paṭisaṁvedeti yaṁ taṁ ariyā ācikkhanti ‘upekkhako satimā sukhavihārī’ti tatiyaṁ jhānaṁ upasampajja viharati,

32-1

巴利原文

ettha cuppannaṁ sukhindriyaṁ aparisesaṁ nirujjhati.

33-1

巴利原文

Ayaṁ vuccati, bhikkhave, ‘bhikkhu aññāsi sukhindriyassa nirodhaṁ, tadatthāya cittaṁ upasaṁharati’.

34-1

巴利原文

Idha pana, bhikkhave, bhikkhuno appamattassa ātāpino pahitattassa viharato uppajjati somanassindriyaṁ.

35-1

巴利原文

So evaṁ pajānāti:

36-1

巴利原文

‘uppannaṁ kho me idaṁ somanassindriyaṁ, tañca kho sanimittaṁ sanidānaṁ sasaṅkhāraṁ sappaccayaṁ.

37-1

巴利原文

tañca animittaṁ anidānaṁ asaṅkhāraṁ appaccayaṁ somanassindriyaṁ uppajjissatī’ti—netaṁ ṭhānaṁ vijjati.

38-1

巴利原文

So somanassindriyañca pajānāti, somanassindriyasamudayañca pajānāti, somanassindriyanirodhañca pajānāti, yattha cuppannaṁ somanassindriyaṁ aparisesaṁ nirujjhati tañca pajānāti.

39-1

巴利原文

Kattha cuppannaṁ somanassindriyaṁ aparisesaṁ nirujjhati?

40-1

巴利原文

Idha, bhikkhave, bhikkhu sukhassa ca pahānā dukkhassa ca pahānā pubbeva somanassadomanassānaṁ atthaṅgamā adukkhamasukhaṁ upekkhāsatipārisuddhiṁ catutthaṁ jhānaṁ upasampajja viharati,

41-1

巴利原文

ettha cuppannaṁ somanassindriyaṁ aparisesaṁ nirujjhati.

42-1

巴利原文

Ayaṁ vuccati, bhikkhave, ‘bhikkhu aññāsi somanassindriyassa nirodhaṁ, tadatthāya cittaṁ upasaṁharati’.

43-1

巴利原文

Idha pana, bhikkhave, bhikkhuno appamattassa ātāpino pahitattassa viharato uppajjati upekkhindriyaṁ.

44-1

巴利原文

So evaṁ pajānāti:

45-1

巴利原文

‘uppannaṁ kho me idaṁ upekkhindriyaṁ, tañca kho sanimittaṁ sanidānaṁ sasaṅkhāraṁ sappaccayaṁ.

46-1

巴利原文

tañca animittaṁ anidānaṁ asaṅkhāraṁ appaccayaṁ upekkhindriyaṁ uppajjissatī’ti—netaṁ ṭhānaṁ vijjati.

47-1

巴利原文

So upekkhindriyañca pajānāti, upekkhindriyasamudayañca pajānāti, upekkhindriyanirodhañca pajānāti, yattha cuppannaṁ upekkhindriyaṁ aparisesaṁ nirujjhati tañca pajānāti.

48-1

巴利原文

Kattha cuppannaṁ upekkhindriyaṁ aparisesaṁ nirujjhati?

49-1

巴利原文

Idha, bhikkhave, bhikkhu sabbaso nevasaññānāsaññāyatanaṁ samatikkamma saññāvedayitanirodhaṁ upasampajja viharati,

50-1

巴利原文

ettha cuppannaṁ upekkhindriyaṁ aparisesaṁ nirujjhati.

51-1

巴利原文

Ayaṁ vuccati, bhikkhave, ‘bhikkhu aññāsi upekkhindriyassa nirodhaṁ, tadatthāya cittaṁ upasaṁharatī’”ti.

52-1

巴利原文

Dasamaṁ.

53-1

巴利原文

Sukhindriyavaggo catuttho.

54-1

巴利原文

Tassuddānaṁ

55-1

巴利原文

Suddhikañca soto arahā,

56-1

巴利原文

duve samaṇabrāhmaṇā;

57-1

巴利原文

Vibhaṅgena tayo vuttā,

58-1

巴利原文

kaṭṭho uppaṭipāṭikanti.