相應部第1564經（Saṁyutta Nikāya 51.14 / 2. Pāsādakampanavagga / Moggallānasutta）

部類相應部

Pali NikāyaSaṁyutta Nikāya

總句數39

已譯句數0

1-1

巴利原文

Saṁyutta Nikāya 51.14

2-1

巴利原文

2. Pāsādakampanavagga

3-1

巴利原文

Moggallānasutta

4-1

巴利原文

Evaṁ me sutaṁ—

5-1

巴利原文

ekaṁ samayaṁ bhagavā sāvatthiyaṁ viharati pubbārāme migāramātupāsāde.

6-1

巴利原文

Tena kho pana samayena sambahulā bhikkhū heṭṭhāmigāramātupāsāde viharanti uddhatā unnaḷā capalā mukharā vikiṇṇavācā muṭṭhassatino asampajānā asamāhitā bhantacittā pākatindriyā.

7-1

巴利原文

Atha kho bhagavā āyasmantaṁ mahāmoggallānaṁ āmantesi:

8-1

巴利原文

“ete kho, moggallāna, sabrahmacārino heṭṭhāmigāramātupāsāde viharanti uddhatā unnaḷā capalā mukharā vikiṇṇavācā muṭṭhassatino asampajānā asamāhitā bhantacittā pākatindriyā.

9-1

巴利原文

Gaccha, moggallāna, te bhikkhū saṁvejehī”ti.

10-1

巴利原文

“Evaṁ, bhante”ti kho āyasmā mahāmoggallāno bhagavato paṭissutvā tathārūpaṁ iddhābhisaṅkhāraṁ abhisaṅkhāresi yathā pādaṅguṭṭhakena migāramātupāsādaṁ saṅkampesi sampakampesi sampacālesi.

11-1

巴利原文

Atha kho te bhikkhū saṁviggā lomahaṭṭhajātā ekamantaṁ aṭṭhaṁsu:

12-1

巴利原文

“acchariyaṁ vata bho, abbhutaṁ vata bho.

13-1

巴利原文

Nivātañca vata ayañca migāramātupāsādo gambhīranemo sunikhāto acalo asampakampī, atha ca pana saṅkampito sampakampito sampacālito”ti.

14-1

巴利原文

Atha kho bhagavā yena te bhikkhū tenupasaṅkami; upasaṅkamitvā te bhikkhū bhagavā etadavoca:

15-1

巴利原文

“kiṁ nu tumhe, bhikkhave, saṁviggā lomahaṭṭhajātā ekamantaṁ ṭhitā”ti?

16-1

巴利原文

“Acchariyaṁ, bhante, abbhutaṁ bhante.

17-1

巴利原文

Nivātañca vata ayañca migāramātupāsādo gambhīranemo sunikhāto acalo asampakampī, atha ca pana saṅkampito sampakampito sampacālito”ti.

18-1

巴利原文

“Tumheva kho, bhikkhave, saṁvejetukāmena moggallānena bhikkhunā pādaṅguṭṭhakena migāramātupāsādo, saṅkampito sampakampito sampacālito.

19-1

巴利原文

Taṁ kiṁ maññatha, bhikkhave,

20-1

巴利原文

katamesaṁ dhammānaṁ bhāvitattā bahulīkatattā moggallāno bhikkhu evaṁmahiddhiko evaṁmahānubhāvo”ti?

21-1

巴利原文

“Bhagavaṁmūlakā no, bhante, dhammā, bhagavaṁnettikā bhagavaṁpaṭisaraṇā. Sādhu vata, bhante, bhagavantaṁyeva paṭibhātu etassa bhāsitassa attho. Bhagavato sutvā bhikkhū dhāressantī”ti.

22-1

巴利原文

“Tena hi, bhikkhave, suṇātha.

23-1

巴利原文

Catunnaṁ kho, bhikkhave, iddhipādānaṁ bhāvitattā bahulīkatattā moggallāno bhikkhu evaṁmahiddhiko evaṁmahānubhāvo.

24-1

巴利原文

Katamesaṁ catunnaṁ?

25-1

巴利原文

Idha, bhikkhave, moggallāno bhikkhu chandasamādhippadhānasaṅkhārasamannāgataṁ iddhipādaṁ bhāveti,

26-1

巴利原文

vīriyasamādhi …pe…

27-1

巴利原文

cittasamādhi …

28-1

巴利原文

vīmaṁsāsamādhippadhānasaṅkhārasamannāgataṁ iddhipādaṁ bhāveti—

29-1

巴利原文

iti me vīmaṁsā na ca atilīnā bhavissati, na ca atippaggahitā bhavissati;

30-1

巴利原文

na ca ajjhattaṁ saṅkhittā bhavissati, na ca bahiddhā vikkhittā bhavissati.

31-1

巴利原文

Pacchāpuresaññī ca viharati—

32-1

巴利原文

yathā pure tathā pacchā, yathā pacchā tathā pure;

33-1

巴利原文

yathā adho tathā uddhaṁ, yathā uddhaṁ tathā adho;

34-1

巴利原文

yathā divā tathā rattiṁ, yathā rattiṁ tathā divā.

35-1

巴利原文

Iti vivaṭena cetasā apariyonaddhena sappabhāsaṁ cittaṁ bhāveti.

36-1

巴利原文

Imesaṁ kho, bhikkhave, catunnaṁ iddhipādānaṁ bhāvitattā bahulīkatattā moggallāno bhikkhu evaṁmahiddhiko evaṁmahānubhāvo.

37-1

巴利原文

Imesañca pana, bhikkhave, catunnaṁ iddhipādānaṁ bhāvitattā bahulīkatattā moggallāno bhikkhu anekavihitaṁ iddhividhaṁ paccanubhoti …pe… yāva brahmalokāpi kāyena vasaṁ vatteti …pe…

38-1

巴利原文

imesañca pana, bhikkhave, catunnaṁ iddhipādānaṁ bhāvitattā bahulīkatattā moggallāno bhikkhu āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharatī”ti.

39-1

巴利原文

Catutthaṁ.