相應部第1639經（Saṁyutta Nikāya 55.3 / 1. Veḷudvāravagga / Dīghāvuupāsakasutta）

部類相應部

Pali NikāyaSaṁyutta Nikāya

總句數48

已譯句數0

1-1

巴利原文

Saṁyutta Nikāya 55.3

2-1

巴利原文

1. Veḷudvāravagga

3-1

巴利原文

Dīghāvuupāsakasutta

4-1

巴利原文

Ekaṁ samayaṁ bhagavā rājagahe viharati veḷuvane kalandakanivāpe.

5-1

巴利原文

Tena kho pana samayena dīghāvu upāsako ābādhiko hoti dukkhito bāḷhagilāno.

6-1

巴利原文

Atha kho dīghāvu upāsako pitaraṁ jotikaṁ gahapatiṁ āmantesi:

7-1

巴利原文

“ehi tvaṁ, gahapati, yena bhagavā tenupasaṅkama; upasaṅkamitvā mama vacanena bhagavato pāde sirasā vanda:

8-1

巴利原文

‘dīghāvu, bhante, upāsako ābādhiko hoti dukkhito bāḷhagilāno.

9-1

巴利原文

So bhagavato pāde sirasā vandatī’ti.

10-1

巴利原文

Evañca vadehi:

11-1

巴利原文

‘sādhu kira, bhante, bhagavā yena dīghāvussa upāsakassa nivesanaṁ tenupasaṅkamatu anukampaṁ upādāyā’”ti.

12-1

巴利原文

“Evaṁ, tātā”ti kho jotiko gahapati dīghāvussa upāsakassa paṭissutvā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho jotiko gahapati bhagavantaṁ etadavoca:

13-1

巴利原文

“dīghāvu, bhante, upāsako ābādhiko hoti dukkhito bāḷhagilāno.

14-1

巴利原文

So bhagavato pāde sirasā vandati.

15-1

巴利原文

Evañca vadeti:

16-1

巴利原文

‘sādhu kira, bhante, bhagavā yena dīghāvussa upāsakassa nivesanaṁ tenupasaṅkamatu anukampaṁ upādāyā’”ti.

17-1

巴利原文

Adhivāsesi bhagavā tuṇhībhāvena.

18-1

巴利原文

Atha kho bhagavā nivāsetvā pattacīvaramādāya yena dīghāvussa upāsakassa nivesanaṁ tenupasaṅkami; upasaṅkamitvā paññatte āsane nisīdi. Nisajja kho bhagavā dīghāvuṁ upāsakaṁ etadavoca:

19-1

巴利原文

“kacci te, dīghāvu, khamanīyaṁ, kacci yāpanīyaṁ? Kacci dukkhā vedanā paṭikkamanti, no abhikkamanti; paṭikkamosānaṁ paññāyati, no abhikkamo”ti?

20-1

巴利原文

“Na me, bhante, khamanīyaṁ, na yāpanīyaṁ. Bāḷhā me dukkhā vedanā abhikkamanti, no paṭikkamanti; abhikkamosānaṁ paññāyati, no paṭikkamo”ti.

21-1

巴利原文

“Tasmātiha te, dīghāvu, evaṁ sikkhitabbaṁ:

22-1

巴利原文

‘buddhe aveccappasādena samannāgato bhavissāmi—itipi so bhagavā arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavāti.

23-1

巴利原文

Dhamme …pe…

24-1

巴利原文

saṅghe …pe…

25-1

巴利原文

ariyakantehi sīlehi samannāgato bhavissāmi akhaṇḍehi …pe… samādhisaṁvattanikehi’.

26-1

巴利原文

Evañhi te, dīghāvu, sikkhitabban”ti.

27-1

巴利原文

“Yānimāni, bhante, bhagavatā cattāri sotāpattiyaṅgāni desitāni, saṁvijjante dhammā mayi, ahañca tesu dhammesu sandissāmi.

28-1

巴利原文

Ahañhi, bhante, buddhe aveccappasādena samannāgato—itipi so bhagavā …pe… satthā devamanussānaṁ buddho bhagavāti.

29-1

巴利原文

Dhamme …pe…

30-1

巴利原文

saṅghe …pe…

31-1

巴利原文

ariyakantehi sīlehi samannāgato akhaṇḍehi …pe… samādhisaṁvattanikehī”ti.

32-1

巴利原文

“Tasmātiha tvaṁ, dīghāvu, imesu catūsu sotāpattiyaṅgesu patiṭṭhāya cha vijjābhāgiye dhamme uttari bhāveyyāsi.

33-1

巴利原文

Idha tvaṁ, dīghāvu, sabbasaṅkhāresu aniccānupassī viharāhi, anicce dukkhasaññī, dukkhe anattasaññī pahānasaññī virāgasaññī nirodhasaññīti.

34-1

巴利原文

Evañhi te, dīghāvu, sikkhitabban”ti.

35-1

巴利原文

“Yeme, bhante, bhagavatā cha vijjābhāgiyā dhammā desitā, saṁvijjante dhammā mayi, ahañca tesu dhammesu sandissāmi.

36-1

巴利原文

Ahañhi, bhante, sabbasaṅkhāresu aniccānupassī viharāmi, anicce dukkhasaññī, dukkhe anattasaññī pahānasaññī virāgasaññī nirodhasaññī.

37-1

巴利原文

Api ca me, bhante, evaṁ hoti:

38-1

巴利原文

‘mā hevāyaṁ jotiko gahapati mamaccayena vighātaṁ āpajjī’”ti.

39-1

巴利原文

“Mā tvaṁ, tāta dīghāvu, evaṁ manasākāsi.

40-1

巴利原文

Iṅgha tvaṁ, tāta dīghāvu, yadeva te bhagavā āha, tadeva tvaṁ sādhukaṁ manasi karohī”ti.

41-1

巴利原文

Atha kho bhagavā dīghāvuṁ upāsakaṁ iminā ovādena ovaditvā uṭṭhāyāsanā pakkāmi.

42-1

巴利原文

Atha kho dīghāvu upāsako acirapakkantassa bhagavato kālamakāsi.

43-1

巴利原文

Atha kho sambahulā bhikkhū yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ:

44-1

巴利原文

“yo so, bhante, dīghāvu nāma upāsako bhagavatā saṅkhittena ovādena ovadito so kālaṅkato.

45-1

巴利原文

Tassa kā gati, ko abhisamparāyo”ti?

46-1

巴利原文

“Paṇḍito, bhikkhave, dīghāvu upāsako, paccapādi dhammassānudhammaṁ, na ca maṁ dhammādhikaraṇaṁ vihesesi.

47-1

巴利原文

Dīghāvu, bhikkhave, upāsako pañcannaṁ orambhāgiyānaṁ saṁyojanānaṁ parikkhayā opapātiko tattha parinibbāyī anāvattidhammo tasmā lokā”ti.

48-1

巴利原文

Tatiyaṁ.