相應部第1644經（Saṁyutta Nikāya 55.8 / 1. Veḷudvāravagga / Paṭhamagiñjakāvasathasutta）

部類相應部

Pali NikāyaSaṁyutta Nikāya

總句數33

已譯句數0

1-1

巴利原文

Saṁyutta Nikāya 55.8

2-1

巴利原文

1. Veḷudvāravagga

3-1

巴利原文

Paṭhamagiñjakāvasathasutta

4-1

巴利原文

Evaṁ me sutaṁ—

5-1

巴利原文

ekaṁ samayaṁ bhagavā ñātike viharati giñjakāvasathe.

6-1

巴利原文

Atha kho āyasmā ānando yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā ānando bhagavantaṁ etadavoca:

7-1

巴利原文

“Sāḷho nāma, bhante, bhikkhu kālaṅkato;

8-1

巴利原文

tassa kā gati ko abhisamparāyo?

9-1

巴利原文

Nandā nāma, bhante, bhikkhunī kālaṅkatā;

10-1

巴利原文

tassā kā gati ko abhisamparāyo?

11-1

巴利原文

Sudatto nāma, bhante, upāsako kālaṅkato;

12-1

巴利原文

tassa kā gati ko abhisamparāyo?

13-1

巴利原文

Sujātā nāma, bhante, upāsikā kālaṅkatā;

14-1

巴利原文

tassā kā gati, ko abhisamparāyo”ti?

15-1

巴利原文

“Sāḷho, ānanda, bhikkhu kālaṅkato āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja vihāsi.

16-1

巴利原文

Nandā, ānanda, bhikkhunī kālaṅkatā pañcannaṁ orambhāgiyānaṁ saṁyojanānaṁ parikkhayā opapātikā tattha parinibbāyinī anāvattidhammā tasmā lokā.

17-1

巴利原文

Sudatto, ānanda, upāsako kālaṅkato tiṇṇaṁ saṁyojanānaṁ parikkhayā rāgadosamohānaṁ tanuttā sakadāgāmī; sakideva imaṁ lokaṁ āgantvā dukkhassantaṁ karissati.

18-1

巴利原文

Sujātā, ānanda, upāsikā kālaṅkatā tiṇṇaṁ saṁyojanānaṁ parikkhayā sotāpannā avinipātadhammā niyatā sambodhiparāyaṇā.

19-1

巴利原文

Anacchariyaṁ kho panetaṁ, ānanda, yaṁ manussabhūto kālaṁ kareyya;

20-1

巴利原文

tasmiṁ tasmiñce maṁ kālaṅkate upasaṅkamitvā etamatthaṁ paṭipucchissatha. Vihesā pesā, ānanda, assa tathāgatassa.

21-1

巴利原文

Tasmātihānanda, dhammādāsaṁ nāma dhammapariyāyaṁ desessāmi; yena samannāgato ariyasāvako ākaṅkhamāno attanāva attānaṁ byākareyya:

22-1

巴利原文

‘khīṇanirayomhi khīṇatiracchānayoni khīṇapettivisayo khīṇāpāyaduggativinipāto, sotāpannohamasmi avinipātadhammo niyato sambodhiparāyaṇo’.

23-1

巴利原文

Katamo ca so, ānanda, dhammādāso dhammapariyāyo; yena samannāgato ariyasāvako ākaṅkhamāno attanāva attānaṁ byākareyya:

24-1

巴利原文

‘khīṇanirayomhi khīṇatiracchānayoni khīṇapettivisayo khīṇāpāyaduggativinipāto, sotāpannohamasmi avinipātadhammo niyato sambodhiparāyaṇo’?

25-1

巴利原文

Idha, ānanda, ariyasāvako buddhe aveccappasādena samannāgato hoti—itipi so bhagavā …pe… satthā devamanussānaṁ buddho bhagavāti.

26-1

巴利原文

Dhamme …pe…

27-1

巴利原文

saṅghe …pe…

28-1

巴利原文

ariyakantehi sīlehi samannāgato hoti akhaṇḍehi …pe… samādhisaṁvattanikehi.

29-1

巴利原文

Ayaṁ kho so, ānanda, dhammādāso dhammapariyāyo;

30-1

巴利原文

yena samannāgato ariyasāvako ākaṅkhamāno attanāva attānaṁ byākareyya:

31-1

巴利原文

‘khīṇanirayomhi khīṇatiracchānayoni khīṇapettivisayo khīṇāpāyaduggativinipāto, sotāpannohamasmi avinipātadhammo niyato sambodhiparāyaṇo’”ti.

32-1

巴利原文

Aṭṭhamaṁ.

33-1

巴利原文

(Tīṇipi suttantāni ekanidānāni.)