相應部第215經（Saṁyutta Nikāya 8.7 / 1. Vaṅgīsavagga / Pavāraṇāsutta）

部類相應部

Pali NikāyaSaṁyutta Nikāya

總句數42

已譯句數0

1-1

巴利原文

Saṁyutta Nikāya 8.7

2-1

巴利原文

1. Vaṅgīsavagga

3-1

巴利原文

Pavāraṇāsutta

4-1

巴利原文

Ekaṁ samayaṁ bhagavā sāvatthiyaṁ viharati pubbārāme migāramātupāsāde mahatā bhikkhusaṅghena saddhiṁ pañcamattehi bhikkhusatehi sabbeheva arahantehi.

5-1

巴利原文

Tena kho pana samayena bhagavā tadahuposathe pannarase pavāraṇāya bhikkhusaṅghaparivuto abbhokāse nisinno hoti.

6-1

巴利原文

Atha kho bhagavā tuṇhībhūtaṁ bhikkhusaṅghaṁ anuviloketvā bhikkhū āmantesi:

7-1

巴利原文

“handa dāni, bhikkhave, pavāremi vo.

8-1

巴利原文

Na ca me kiñci garahatha kāyikaṁ vā vācasikaṁ vā”ti.

9-1

巴利原文

Evaṁ vutte, āyasmā sāriputto uṭṭhāyāsanā ekaṁsaṁ uttarāsaṅgaṁ karitvā yena bhagavā tenañjaliṁ paṇāmetvā bhagavantaṁ etadavoca:

10-1

巴利原文

“na kho mayaṁ, bhante, bhagavato kiñci garahāma kāyikaṁ vā vācasikaṁ vā.

11-1

巴利原文

Bhagavā hi, bhante, anuppannassa maggassa uppādetā, asañjātassa maggassa sañjanetā, anakkhātassa maggassa akkhātā, maggaññū maggavidū maggakovido.

12-1

巴利原文

Maggānugā ca, bhante, etarahi sāvakā viharanti pacchā samannāgatā;

13-1

巴利原文

ahañca kho, bhante, bhagavantaṁ pavāremi.

14-1

巴利原文

Na ca me bhagavā kiñci garahati kāyikaṁ vā vācasikaṁ vā”ti.

15-1

巴利原文

“Na khvāhaṁ te, sāriputta, kiñci garahāmi kāyikaṁ vā vācasikaṁ vā.

16-1

巴利原文

Paṇḍito tvaṁ, sāriputta, mahāpañño tvaṁ, sāriputta, puthupañño tvaṁ, sāriputta, hāsapañño tvaṁ, sāriputta, javanapañño tvaṁ, sāriputta, tikkhapañño tvaṁ, sāriputta, nibbedhikapañño tvaṁ, sāriputta.

17-1

巴利原文

Seyyathāpi, sāriputta, rañño cakkavattissa jeṭṭhaputto pitarā pavattitaṁ cakkaṁ sammadeva anuppavatteti;

18-1

巴利原文

evameva kho tvaṁ, sāriputta, mayā anuttaraṁ dhammacakkaṁ pavattitaṁ sammadeva anuppavattesī”ti.

19-1

巴利原文

“No ce kira me, bhante, bhagavā kiñci garahati kāyikaṁ vā vācasikaṁ vā.

20-1

巴利原文

Imesaṁ pana, bhante, bhagavā pañcannaṁ bhikkhusatānaṁ na kiñci garahati kāyikaṁ vā vācasikaṁ vā”ti.

21-1

巴利原文

“Imesampi khvāhaṁ, sāriputta, pañcannaṁ bhikkhusatānaṁ na kiñci garahāmi kāyikaṁ vā vācasikaṁ vā.

22-1

巴利原文

Imesañhi, sāriputta, pañcannaṁ bhikkhusatānaṁ saṭṭhi bhikkhū tevijjā, saṭṭhi bhikkhū chaḷabhiññā, saṭṭhi bhikkhū ubhatobhāgavimuttā, atha itare paññāvimuttā”ti.

23-1

巴利原文

Atha kho āyasmā vaṅgīso uṭṭhāyāsanā ekaṁsaṁ uttarāsaṅgaṁ karitvā yena bhagavā tenañjaliṁ paṇāmetvā bhagavantaṁ etadavoca:

24-1

巴利原文

“paṭibhāti maṁ, bhagavā, paṭibhāti maṁ, sugatā”ti.

25-1

巴利原文

“Paṭibhātu taṁ, vaṅgīsā”ti bhagavā avoca.

26-1

巴利原文

Atha kho āyasmā vaṅgīso bhagavantaṁ sammukhā sāruppāhi gāthāhi abhitthavi:

27-1

巴利原文

“Ajja pannarase visuddhiyā,

28-1

巴利原文

Bhikkhū pañcasatā samāgatā;

29-1

巴利原文

Saṁyojanabandhanacchidā,

30-1

巴利原文

Anīghā khīṇapunabbhavā isī.

31-1

巴利原文

Cakkavattī yathā rājā,

32-1

巴利原文

amaccaparivārito;

33-1

巴利原文

Samantā anupariyeti,

34-1

巴利原文

sāgarantaṁ mahiṁ imaṁ.

35-1

巴利原文

Evaṁ vijitasaṅgāmaṁ,

36-1

巴利原文

satthavāhaṁ anuttaraṁ;

37-1

巴利原文

Sāvakā payirupāsanti,

38-1

巴利原文

tevijjā maccuhāyino.

39-1

巴利原文

Sabbe bhagavato puttā,

40-1

巴利原文

palāpettha na vijjati;

41-1

巴利原文

Taṇhāsallassa hantāraṁ,

42-1

巴利原文

vande ādiccabandhunan”ti.