相應部第290經（Saṁyutta Nikāya 12.19 / 2. Āhāravagga / Bālapaṇḍitasutta）

部類相應部

Pali NikāyaSaṁyutta Nikāya

總句數27

已譯句數0

1-1

巴利原文

Saṁyutta Nikāya 12.19

2-1

巴利原文

2. Āhāravagga

3-1

巴利原文

Bālapaṇḍitasutta

4-1

巴利原文

Sāvatthiyaṁ viharati.

5-1

巴利原文

“Avijjānīvaraṇassa, bhikkhave, bālassa taṇhāya sampayuttassa evamayaṁ kāyo samudāgato.

6-1

巴利原文

Iti ayañceva kāyo bahiddhā ca nāmarūpaṁ, itthetaṁ dvayaṁ, dvayaṁ paṭicca phasso saḷevāyatanāni, yehi phuṭṭho bālo sukhadukkhaṁ paṭisaṁvedayati etesaṁ vā aññatarena.

7-1

巴利原文

Avijjānīvaraṇassa, bhikkhave, paṇḍitassa taṇhāya sampayuttassa evamayaṁ kāyo samudāgato.

8-1

巴利原文

Iti ayañceva kāyo bahiddhā ca nāmarūpaṁ, itthetaṁ dvayaṁ, dvayaṁ paṭicca phasso saḷevāyatanāni, yehi phuṭṭho paṇḍito sukhadukkhaṁ paṭisaṁvedayati etesaṁ vā aññatarena.

9-1

巴利原文

Tatra, bhikkhave, ko viseso ko adhippayāso kiṁ nānākaraṇaṁ paṇḍitassa bālenā”ti?

10-1

巴利原文

“Bhagavaṁmūlakā no, bhante, dhammā, bhagavaṁnettikā, bhagavaṁpaṭisaraṇā. Sādhu vata, bhante, bhagavantaṁyeva paṭibhātu etassa bhāsitassa attho. Bhagavato sutvā bhikkhū dhāressantī”ti.

11-1

巴利原文

“Tena hi, bhikkhave, suṇātha, sādhukaṁ manasi karotha, bhāsissāmī”ti.

12-1

巴利原文

“Evaṁ, bhante”ti kho te bhikkhū bhagavato paccassosuṁ.

13-1

巴利原文

Bhagavā etadavoca:

14-1

巴利原文

“Yāya ca, bhikkhave, avijjāya nivutassa bālassa yāya ca taṇhāya sampayuttassa ayaṁ kāyo samudāgato, sā ceva avijjā bālassa appahīnā sā ca taṇhā aparikkhīṇā.

15-1

巴利原文

Taṁ kissa hetu?

16-1

巴利原文

Na, bhikkhave, bālo acari brahmacariyaṁ sammā dukkhakkhayāya.

17-1

巴利原文

Tasmā bālo kāyassa bhedā kāyūpago hoti,

18-1

巴利原文

so kāyūpago samāno na parimuccati jātiyā jarāmaraṇena sokehi paridevehi dukkhehi domanassehi upāyāsehi.

19-1

巴利原文

‘Na parimuccati dukkhasmā’ti vadāmi.

20-1

巴利原文

Yāya ca, bhikkhave, avijjāya nivutassa paṇḍitassa yāya ca taṇhāya sampayuttassa ayaṁ kāyo samudāgato, sā ceva avijjā paṇḍitassa pahīnā, sā ca taṇhā parikkhīṇā.

21-1

巴利原文

Taṁ kissa hetu?

22-1

巴利原文

Acari, bhikkhave, paṇḍito brahmacariyaṁ sammā dukkhakkhayāya.

23-1

巴利原文

Tasmā paṇḍito kāyassa bhedā na kāyūpago hoti.

24-1

巴利原文

So akāyūpago samāno parimuccati jātiyā jarāmaraṇena sokehi paridevehi dukkhehi domanassehi upāyāsehi.

25-1

巴利原文

‘Parimuccati dukkhasmā’ti vadāmi.

26-1

巴利原文

Ayaṁ kho, bhikkhave, viseso, ayaṁ adhippayāso, idaṁ nānākaraṇaṁ paṇḍitassa bālena yadidaṁ brahmacariyavāso”ti.

27-1

巴利原文

Navamaṁ.