相應部第334經（Saṁyutta Nikāya 12.63 / 7. Mahāvagga / Puttamaṁsasutta）

部類相應部

Pali NikāyaSaṁyutta Nikāya

總句數73

已譯句數0

1-1

巴利原文

Saṁyutta Nikāya 12.63

2-1

巴利原文

7. Mahāvagga

3-1

巴利原文

Puttamaṁsasutta

4-1

巴利原文

Sāvatthiyaṁ …

5-1

巴利原文

“cattārome, bhikkhave, āhārā bhūtānaṁ vā sattānaṁ ṭhitiyā sambhavesīnaṁ vā anuggahāya.

6-1

巴利原文

Katame cattāro?

7-1

巴利原文

Kabaḷīkāro āhāro oḷāriko vā sukhumo vā, phasso dutiyo, manosañcetanā tatiyā, viññāṇaṁ catutthaṁ.

8-1

巴利原文

Ime kho, bhikkhave, cattāro āhārā bhūtānaṁ vā sattānaṁ ṭhitiyā sambhavesīnaṁ vā anuggahāya.

9-1

巴利原文

Kathañca, bhikkhave, kabaḷīkāro āhāro daṭṭhabbo?

10-1

巴利原文

Seyyathāpi, bhikkhave, dve jāyampatikā parittaṁ sambalaṁ ādāya kantāramaggaṁ paṭipajjeyyuṁ.

11-1

巴利原文

Tesamassa ekaputtako piyo manāpo.

12-1

巴利原文

Atha kho tesaṁ, bhikkhave, dvinnaṁ jāyampatikānaṁ kantāragatānaṁ yā parittā sambalamattā, sā parikkhayaṁ pariyādānaṁ gaccheyya.

13-1

巴利原文

Siyā ca nesaṁ kantārāvaseso anatiṇṇo.

14-1

巴利原文

Atha kho tesaṁ, bhikkhave, dvinnaṁ jāyampatikānaṁ evamassa:

15-1

巴利原文

‘amhākaṁ kho yā parittā sambalamattā sā parikkhīṇā pariyādiṇṇā.

16-1

巴利原文

Atthi cāyaṁ kantārāvaseso anittiṇṇo.

17-1

巴利原文

Yannūna mayaṁ imaṁ ekaputtakaṁ piyaṁ manāpaṁ vadhitvā vallūrañca soṇḍikañca karitvā puttamaṁsāni khādantā evaṁ taṁ kantārāvasesaṁ nitthareyyāma, mā sabbeva tayo vinassimhā’ti.

18-1

巴利原文

Atha kho te, bhikkhave, dve jāyampatikā taṁ ekaputtakaṁ piyaṁ manāpaṁ vadhitvā vallūrañca soṇḍikañca karitvā puttamaṁsāni khādantā evaṁ taṁ kantārāvasesaṁ nitthareyyuṁ.

19-1

巴利原文

Te puttamaṁsāni ceva khādeyyuṁ, ure ca paṭipiseyyuṁ:

20-1

巴利原文

‘kahaṁ, ekaputtaka, kahaṁ, ekaputtakā’ti.

21-1

巴利原文

Taṁ kiṁ maññatha, bhikkhave,

22-1

巴利原文

api nu te davāya vā āhāraṁ āhāreyyuṁ, madāya vā āhāraṁ āhāreyyuṁ, maṇḍanāya vā āhāraṁ āhāreyyuṁ, vibhūsanāya vā āhāraṁ āhāreyyun”ti?

23-1

巴利原文

“No hetaṁ, bhante”.

24-1

巴利原文

“Nanu te, bhikkhave, yāvadeva kantārassa nittharaṇatthāya āhāraṁ āhāreyyun”ti?

25-1

巴利原文

“Evaṁ, bhante”.

26-1

巴利原文

“‘Evameva khvāhaṁ, bhikkhave, kabaḷīkāro āhāro daṭṭhabbo’ti vadāmi.

27-1

巴利原文

Kabaḷīkāre, bhikkhave, āhāre pariññāte pañca kāmaguṇiko rāgo pariññāto hoti.

28-1

巴利原文

Pañca kāmaguṇike rāge pariññāte natthi taṁ saṁyojanaṁ yena saṁyojanena saṁyutto ariyasāvako puna imaṁ lokaṁ āgaccheyya.

29-1

巴利原文

Kathañca, bhikkhave, phassāhāro daṭṭhabbo?

30-1

巴利原文

Seyyathāpi, bhikkhave, gāvī niccammā kuṭṭañce nissāya tiṭṭheyya. Ye kuṭṭanissitā pāṇā te naṁ khādeyyuṁ.

31-1

巴利原文

Rukkhañce nissāya tiṭṭheyya, ye rukkhanissitā pāṇā te naṁ khādeyyuṁ.

32-1

巴利原文

Udakañce nissāya tiṭṭheyya, ye udakanissitā pāṇā te naṁ khādeyyuṁ.

33-1

巴利原文

Ākāsañce nissāya tiṭṭheyya, ye ākāsanissitā pāṇā te naṁ khādeyyuṁ.

34-1

巴利原文

Yaṁ yadeva hi sā, bhikkhave, gāvī niccammā nissāya tiṭṭheyya, ye tannissitā pāṇā te naṁ khādeyyuṁ.

35-1

巴利原文

Evameva khvāhaṁ, bhikkhave, ‘phassāhāro daṭṭhabbo’ti vadāmi.

36-1

巴利原文

Phasse, bhikkhave, āhāre pariññāte tisso vedanā pariññātā honti.

37-1

巴利原文

Tīsu vedanāsu pariññātāsu ariyasāvakassa natthi kiñci uttarikaraṇīyanti vadāmi.

38-1

巴利原文

Kathañca, bhikkhave, manosañcetanāhāro daṭṭhabbo?

39-1

巴利原文

Seyyathāpi, bhikkhave, aṅgārakāsu sādhikaporisā puṇṇā aṅgārānaṁ vītaccikānaṁ vītadhūmānaṁ.

40-1

巴利原文

Atha puriso āgaccheyya jīvitukāmo amaritukāmo sukhakāmo dukkhappaṭikūlo.

41-1

巴利原文

Tamenaṁ dve balavanto purisā nānābāhāsu gahetvā taṁ aṅgārakāsuṁ upakaḍḍheyyuṁ.

42-1

巴利原文

Atha kho, bhikkhave, tassa purisassa ārakāvassa cetanā ārakā patthanā ārakā paṇidhi.

43-1

巴利原文

Taṁ kissa hetu?

44-1

巴利原文

Evañhi, bhikkhave, tassa purisassa hoti:

45-1

巴利原文

‘imañcāhaṁ aṅgārakāsuṁ papatissāmi, tatonidānaṁ maraṇaṁ vā nigacchāmi maraṇamattaṁ vā dukkhan’ti.

46-1

巴利原文

Evameva khvāhaṁ, bhikkhave, ‘manosañcetanāhāro daṭṭhabbo’ti vadāmi.

47-1

巴利原文

Manosañcetanāya, bhikkhave, āhāre pariññāte tisso taṇhā pariññātā honti.

48-1

巴利原文

Tīsu taṇhāsu pariññātāsu ariyasāvakassa natthi kiñci uttarikaraṇīyanti vadāmi.

49-1

巴利原文

Kathañca, bhikkhave, viññāṇāhāro daṭṭhabbo?

50-1

巴利原文

Seyyathāpi, bhikkhave, coraṁ āgucāriṁ gahetvā rañño dasseyyuṁ:

51-1

巴利原文

‘ayaṁ te, deva, coro āgucārī, imassa yaṁ icchasi taṁ daṇḍaṁ paṇehī’ti.

52-1

巴利原文

Tamenaṁ rājā evaṁ vadeyya:

53-1

巴利原文

‘gacchatha, bho, imaṁ purisaṁ pubbaṇhasamayaṁ sattisatena hanathā’ti.

54-1

巴利原文

Tamenaṁ pubbaṇhasamayaṁ sattisatena haneyyuṁ.

55-1

巴利原文

Atha rājā majjhanhikasamayaṁ evaṁ vadeyya:

56-1

巴利原文

‘ambho, kathaṁ so puriso’ti?

57-1

巴利原文

‘Tatheva, deva, jīvatī’ti.

58-1

巴利原文

Tamenaṁ rājā evaṁ vadeyya:

59-1

巴利原文

‘gacchatha, bho, taṁ purisaṁ majjhanhikasamayaṁ sattisatena hanathā’ti.

60-1

巴利原文

Tamenaṁ majjhanhikasamayaṁ sattisatena haneyyuṁ.

61-1

巴利原文

Atha rājā sāyanhasamayaṁ evaṁ vadeyya:

62-1

巴利原文

‘ambho, kathaṁ so puriso’ti?

63-1

巴利原文

‘Tatheva, deva, jīvatī’ti.

64-1

巴利原文

Tamenaṁ rājā evaṁ vadeyya:

65-1

巴利原文

‘gacchatha, bho, taṁ purisaṁ sāyanhasamayaṁ sattisatena hanathā’ti.

66-1

巴利原文

Tamenaṁ sāyanhasamayaṁ sattisatena haneyyuṁ.

67-1

巴利原文

Taṁ kiṁ maññatha, bhikkhave,

68-1

巴利原文

api nu so puriso divasaṁ tīhi sattisatehi haññamāno tatonidānaṁ dukkhaṁ domanassaṁ paṭisaṁvediyethā”ti?

69-1

巴利原文

“Ekissāpi, bhante, sattiyā haññamāno tatonidānaṁ dukkhaṁ domanassaṁ paṭisaṁvediyetha;

70-1

巴利原文

ko pana vādo tīhi sattisatehi haññamāno”ti.

71-1

巴利原文

“Evameva khvāhaṁ, bhikkhave, viññāṇāhāro daṭṭhabboti vadāmi.

72-1

巴利原文

Viññāṇe, bhikkhave, āhāre pariññāte nāmarūpaṁ pariññātaṁ hoti, nāmarūpe pariññāte ariyasāvakassa natthi kiñci uttarikaraṇīyanti vadāmī”ti.

73-1

巴利原文

Tatiyaṁ.