相應部第362經（Saṁyutta Nikāya 14.5 / 1. Nānattavagga / Dutiyavedanānānattasutta）

部類相應部

Pali NikāyaSaṁyutta Nikāya

總句數13

已譯句數0

1-1

巴利原文

Saṁyutta Nikāya 14.5

2-1

巴利原文

1. Nānattavagga

3-1

巴利原文

Dutiyavedanānānattasutta

4-1

巴利原文

Sāvatthiyaṁ viharati.

5-1

巴利原文

“Dhātunānattaṁ, bhikkhave, paṭicca uppajjati phassanānattaṁ, phassanānattaṁ paṭicca uppajjati vedanānānattaṁ, no vedanānānattaṁ paṭicca uppajjati phassanānattaṁ, no phassanānattaṁ paṭicca uppajjati dhātunānattaṁ.

6-1

巴利原文

Katamañca, bhikkhave, dhātunānattaṁ?

7-1

巴利原文

Cakkhudhātu …pe… manodhātu—

8-1

巴利原文

idaṁ vuccati, bhikkhave, dhātunānattaṁ.

9-1

巴利原文

Kathañca, bhikkhave, dhātunānattaṁ paṭicca uppajjati phassanānattaṁ, phassanānattaṁ paṭicca uppajjati vedanānānattaṁ, no vedanānānattaṁ paṭicca uppajjati phassanānattaṁ, no phassanānattaṁ paṭicca uppajjati dhātunānattaṁ?

10-1

巴利原文

Cakkhudhātuṁ, bhikkhave, paṭicca uppajjati cakkhusamphasso, cakkhusamphassaṁ paṭicca uppajjati cakkhusamphassajā vedanā, no cakkhusamphassajaṁ vedanaṁ paṭicca uppajjati cakkhusamphasso, no cakkhusamphassaṁ paṭicca uppajjati cakkhudhātu …pe…

11-1

巴利原文

manodhātuṁ paṭicca uppajjati manosamphasso, manosamphassaṁ paṭicca uppajjati manosamphassajā vedanā, no manosamphassajaṁ vedanaṁ paṭicca uppajjati manosamphasso, no manosamphassaṁ paṭicca uppajjati manodhātu.

12-1

巴利原文

Evaṁ kho, bhikkhave, dhātunānattaṁ paṭicca uppajjati phassanānattaṁ, phassanānattaṁ paṭicca uppajjati vedanānānattaṁ, no vedanānānattaṁ paṭicca uppajjati phassanānattaṁ, no phassanānattaṁ paṭicca uppajjati dhātunānattan”ti.

13-1

巴利原文

Pañcamaṁ.