相應部第426經（Saṁyutta Nikāya 16.10 / 1. Kassapavagga / Upassayasutta）

部類相應部

Pali NikāyaSaṁyutta Nikāya

總句數47

已譯句數0

1-1

巴利原文

Saṁyutta Nikāya 16.10

2-1

巴利原文

1. Kassapavagga

3-1

巴利原文

Upassayasutta

4-1

巴利原文

Evaṁ me sutaṁ—

5-1

巴利原文

ekaṁ samayaṁ āyasmā mahākassapo sāvatthiyaṁ viharati jetavane anāthapiṇḍikassa ārāme.

6-1

巴利原文

Atha kho āyasmā ānando pubbaṇhasamayaṁ nivāsetvā pattacīvaramādāya yenāyasmā mahākassapo tenupasaṅkami; upasaṅkamitvā āyasmantaṁ mahākassapaṁ etadavoca:

7-1

巴利原文

“āyāma, bhante kassapa, yena aññataro bhikkhunupassayo tenupasaṅkamissāmā”ti.

8-1

巴利原文

“Gaccha tvaṁ, āvuso ānanda, bahukicco tvaṁ bahukaraṇīyo”ti.

9-1

巴利原文

Dutiyampi kho āyasmā ānando āyasmantaṁ mahākassapaṁ etadavoca:

10-1

巴利原文

“āyāma, bhante kassapa, yena aññataro bhikkhunupassayo tenupasaṅkamissāmā”ti.

11-1

巴利原文

“Gaccha tvaṁ, āvuso ānanda, bahukicco tvaṁ bahukaraṇīyo”ti.

12-1

巴利原文

Tatiyampi kho āyasmā ānando āyasmantaṁ mahākassapaṁ etadavoca:

13-1

巴利原文

“āyāma, bhante kassapa, yena aññataro bhikkhunupassayo tenupasaṅkamissāmā”ti.

14-1

巴利原文

Atha kho āyasmā mahākassapo pubbaṇhasamayaṁ nivāsetvā pattacīvaramādāya āyasmatā ānandena pacchāsamaṇena yena aññataro bhikkhunupassayo tenupasaṅkami; upasaṅkamitvā paññatte āsane nisīdi.

15-1

巴利原文

Atha kho sambahulā bhikkhuniyo yenāyasmā mahākassapo tenupasaṅkamiṁsu; upasaṅkamitvā āyasmantaṁ mahākassapaṁ abhivādetvā ekamantaṁ nisīdiṁsu.

16-1

巴利原文

Ekamantaṁ nisinnā kho tā bhikkhuniyo āyasmā mahākassapo dhammiyā kathāya sandassesi samādapesi samuttejesi sampahaṁsesi.

17-1

巴利原文

Atha kho āyasmā mahākassapo tā bhikkhuniyo dhammiyā kathāya sandassetvā samādapetvā samuttejetvā sampahaṁsetvā uṭṭhāyāsanā pakkāmi.

18-1

巴利原文

Atha kho thullatissā bhikkhunī anattamanā anattamanavācaṁ nicchāresi:

19-1

巴利原文

“kiṁ pana ayyo mahākassapo, ayyassa ānandassa vedehamunino sammukhā dhammaṁ bhāsitabbaṁ maññati?

20-1

巴利原文

Seyyathāpi nāma sūcivāṇijako sūcikārassa santike sūciṁ vikketabbaṁ maññeyya;

21-1

巴利原文

evameva ayyo mahākassapo ayyassa ānandassa vedehamunino sammukhā dhammaṁ bhāsitabbaṁ maññatī”ti.

22-1

巴利原文

Assosi kho āyasmā mahākassapo thullatissāya bhikkhuniyā imaṁ vācaṁ bhāsamānāya.

23-1

巴利原文

Atha kho āyasmā mahākassapo āyasmantaṁ ānandaṁ etadavoca:

24-1

巴利原文

“kiṁ nu kho, āvuso ānanda, ahaṁ sūcivāṇijako, tvaṁ sūcikāro;

25-1

巴利原文

udāhu ahaṁ sūcikāro, tvaṁ sūcivāṇijako”ti?

26-1

巴利原文

“Khama, bhante kassapa, bālo mātugāmo”ti.

27-1

巴利原文

“Āgamehi tvaṁ, āvuso ānanda, mā te saṅgho uttari upaparikkhi.

28-1

巴利原文

Taṁ kiṁ maññasi, āvuso ānanda,

29-1

巴利原文

api nu tvaṁ bhagavato sammukhā bhikkhusaṅghe upanīto:

30-1

巴利原文

‘ahaṁ, bhikkhave, yāvade ākaṅkhāmi vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharāmi.

31-1

巴利原文

Ānandopi, bhikkhave, yāvade ākaṅkhati vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharatī’”ti?

32-1

巴利原文

“No hetaṁ, bhante”.

33-1

巴利原文

“Ahaṁ kho, āvuso, bhagavato sammukhā bhikkhusaṅghe upanīto:

34-1

巴利原文

‘ahaṁ, bhikkhave, yāvade ākaṅkhāmi vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharāmi.

35-1

巴利原文

Kassapopi, bhikkhave, yāvade ākaṅkhati vivicceva kāmehi vivicca akusalehi dhammehi …pe… paṭhamaṁ jhānaṁ upasampajja viharatī’ti …pe….

36-1

巴利原文

(Navannaṁ anupubbavihārasamāpattīnaṁ pañcannañca abhiññānaṁ evaṁ vitthāro veditabbo.)

37-1

巴利原文

Taṁ kiṁ maññasi, āvuso ānanda,

38-1

巴利原文

api nu tvaṁ bhagavato sammukhā bhikkhusaṅghe upanīto:

39-1

巴利原文

‘ahaṁ, bhikkhave, āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharāmi.

40-1

巴利原文

Ānandopi, bhikkhave, āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharatī’”ti?

41-1

巴利原文

“No hetaṁ, bhante”.

42-1

巴利原文

“Ahaṁ kho, āvuso, bhagavato sammukhā bhikkhusaṅghe upanīto:

43-1

巴利原文

‘ahaṁ, bhikkhave, āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharāmi.

44-1

巴利原文

Kassapopi, bhikkhave, āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharatī’ti.

45-1

巴利原文

Sattaratanaṁ vā, āvuso, nāgaṁ aḍḍhaṭṭhamaratanaṁ vā tālapattikāya chādetabbaṁ maññeyya, yo me cha abhiññā chādetabbaṁ maññeyyā”ti.

46-1

巴利原文

Cavittha ca pana thullatissā bhikkhunī brahmacariyamhāti.

47-1

巴利原文

Dasamaṁ.