相應部第431經（Saṁyutta Nikāya 17.2 / 1. Paṭhamavagga / Baḷisasutta）

部類相應部

Pali NikāyaSaṁyutta Nikāya

總句數16

已譯句數0

1-1

巴利原文

Saṁyutta Nikāya 17.2

2-1

巴利原文

1. Paṭhamavagga

3-1

巴利原文

Baḷisasutta

4-1

巴利原文

Sāvatthiyaṁ viharati.

5-1

巴利原文

“Dāruṇo, bhikkhave, lābhasakkārasiloko kaṭuko pharuso antarāyiko anuttarassa yogakkhemassa adhigamāya.

6-1

巴利原文

Seyyathāpi, bhikkhave, bāḷisiko āmisagataṁ baḷisaṁ gambhīre udakarahade pakkhipeyya.

7-1

巴利原文

Tamenaṁ aññataro āmisacakkhu maccho gileyya.

8-1

巴利原文

Evañhi so, bhikkhave, maccho gilabaḷiso bāḷisikassa anayaṁ āpanno byasanaṁ āpanno yathākāmakaraṇīyo bāḷisikassa.

9-1

巴利原文

Bāḷisikoti kho, bhikkhave, mārassetaṁ pāpimato adhivacanaṁ.

10-1

巴利原文

Baḷisanti kho, bhikkhave, lābhasakkārasilokassetaṁ adhivacanaṁ.

11-1

巴利原文

Yo hi koci, bhikkhave, bhikkhu uppannaṁ lābhasakkārasilokaṁ assādeti nikāmeti, ayaṁ vuccati, bhikkhave, bhikkhu gilabaḷiso mārassa anayaṁ āpanno byasanaṁ āpanno yathākāmakaraṇīyo pāpimato.

12-1

巴利原文

Evaṁ dāruṇo kho, bhikkhave, lābhasakkārasiloko kaṭuko pharuso antarāyiko anuttarassa yogakkhemassa adhigamāya.

13-1

巴利原文

Tasmātiha, bhikkhave, evaṁ sikkhitabbaṁ:

14-1

巴利原文

‘uppannaṁ lābhasakkārasilokaṁ pajahissāma, na ca no uppanno lābhasakkārasiloko cittaṁ pariyādāya ṭhassatī’ti.

15-1

巴利原文

Evañhi vo, bhikkhave, sikkhitabban”ti.

16-1

巴利原文

Dutiyaṁ.