相應部第510經（Saṁyutta Nikāya 21.3 / 1. Bhikkhuvagga / Ghaṭasutta）

部類相應部

Pali NikāyaSaṁyutta Nikāya

總句數42

已譯句數0

1-1

巴利原文

Saṁyutta Nikāya 21.3

2-1

巴利原文

1. Bhikkhuvagga

3-1

巴利原文

Ghaṭasutta

4-1

巴利原文

Evaṁ me sutaṁ—

5-1

巴利原文

ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.

6-1

巴利原文

Tena kho pana samayena āyasmā ca sāriputto āyasmā ca mahāmoggallāno rājagahe viharanti veḷuvane kalandakanivāpe ekavihāre.

7-1

巴利原文

Atha kho āyasmā sāriputto sāyanhasamayaṁ paṭisallānā vuṭṭhito yenāyasmā mahāmoggallāno tenupasaṅkami; upasaṅkamitvā āyasmatā mahāmoggallānena saddhiṁ sammodi.

8-1

巴利原文

Sammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho āyasmā sāriputto āyasmantaṁ mahāmoggallānaṁ etadavoca:

9-1

巴利原文

“Vippasannāni kho te, āvuso moggallāna, indriyāni;

10-1

巴利原文

parisuddho mukhavaṇṇo pariyodāto santena nūnāyasmā mahāmoggallāno ajja vihārena vihāsī”ti.

11-1

巴利原文

“Oḷārikena khvāhaṁ, āvuso, ajja vihārena vihāsiṁ.

12-1

巴利原文

Api ca me ahosi dhammī kathā”ti.

13-1

巴利原文

“Kena saddhiṁ panāyasmato mahāmoggallānassa ahosi dhammī kathā”ti?

14-1

巴利原文

“Bhagavatā kho me, āvuso, saddhiṁ ahosi dhammī kathā”ti.

15-1

巴利原文

“Dūre kho, āvuso, bhagavā etarahi sāvatthiyaṁ viharati jetavane anāthapiṇḍikassa ārāme.

16-1

巴利原文

Kiṁ nu kho āyasmā mahāmoggallāno bhagavantaṁ iddhiyā upasaṅkami;

17-1

巴利原文

udāhu bhagavā āyasmantaṁ mahāmoggallānaṁ iddhiyā upasaṅkamī”ti?

18-1

巴利原文

“Na khvāhaṁ, āvuso, bhagavantaṁ iddhiyā upasaṅkamiṁ;

19-1

巴利原文

napi maṁ bhagavā iddhiyā upasaṅkami.

20-1

巴利原文

Api ca me yāvatā bhagavā ettāvatā dibbacakkhu visujjhi dibbā ca sotadhātu.

21-1

巴利原文

Bhagavatopi yāvatāhaṁ ettāvatā dibbacakkhu visujjhi dibbā ca sotadhātū”ti.

22-1

巴利原文

“Yathākathaṁ panāyasmato mahāmoggallānassa bhagavatā saddhiṁ ahosi dhammī kathā”ti?

23-1

巴利原文

“Idhāhaṁ, āvuso, bhagavantaṁ etadavocaṁ:

24-1

巴利原文

‘āraddhavīriyo āraddhavīriyoti, bhante, vuccati.

25-1

巴利原文

Kittāvatā nu kho, bhante, āraddhavīriyo hotī’ti?

26-1

巴利原文

Evaṁ vutte, maṁ, āvuso, bhagavā etadavoca:

27-1

巴利原文

‘idha, moggallāna, bhikkhu āraddhavīriyo viharati—

28-1

巴利原文

kāmaṁ taco ca nhāru ca aṭṭhi ca avasissatu, sarīre upassussatu maṁsalohitaṁ, yaṁ taṁ purisathāmena purisavīriyena purisaparakkamena pattabbaṁ na taṁ apāpuṇitvā vīriyassa saṇṭhānaṁ bhavissatīti.

29-1

巴利原文

Evaṁ kho, moggallāna, āraddhavīriyo hotī’ti.

30-1

巴利原文

Evaṁ kho me, āvuso, bhagavatā saddhiṁ ahosi dhammī kathā”ti.

31-1

巴利原文

“Seyyathāpi, āvuso, himavato pabbatarājassa parittā pāsāṇasakkharā yāvadeva upanikkhepanamattāya;

32-1

巴利原文

evameva kho mayaṁ āyasmato mahāmoggallānassa yāvadeva upanikkhepanamattāya.

33-1

巴利原文

Āyasmā hi mahāmoggallāno mahiddhiko mahānubhāvo ākaṅkhamāno kappaṁ tiṭṭheyyā”ti.

34-1

巴利原文

“Seyyathāpi, āvuso, mahatiyā loṇaghaṭāya parittā loṇasakkharāya yāvadeva upanikkhepanamattāya;

35-1

巴利原文

evameva kho mayaṁ āyasmato sāriputtassa yāvadeva upanikkhepanamattāya.

36-1

巴利原文

Āyasmā hi sāriputto bhagavatā anekapariyāyena thomito vaṇṇito pasattho:

37-1

巴利原文

‘Sāriputtova paññāya,

38-1

巴利原文

sīlena upasamena ca;

39-1

巴利原文

Yopi pāraṅgato bhikkhu,

40-1

巴利原文

etāvaparamo siyā’”ti.

41-1

巴利原文

Itiha te ubho mahānāgā aññamaññassa subhāsitaṁ sulapitaṁ samanumodiṁsūti.

42-1

巴利原文

Tatiyaṁ.