相應部第926經（Saṁyutta Nikāya 35.88 / 9. Channavagga / Puṇṇasutta）

部類相應部

Pali NikāyaSaṁyutta Nikāya

總句數70

已譯句數0

1-1

巴利原文

Saṁyutta Nikāya 35.88

2-1

巴利原文

9. Channavagga

3-1

巴利原文

Puṇṇasutta

4-1

巴利原文

Atha kho āyasmā puṇṇo yena bhagavā tenupasaṅkami; upasaṅkamitvā …pe… ekamantaṁ nisinno kho āyasmā puṇṇo bhagavantaṁ etadavoca:

5-1

巴利原文

“sādhu me, bhante, bhagavā saṅkhittena dhammaṁ desetu, yamahaṁ bhagavato dhammaṁ sutvā eko vūpakaṭṭho appamatto ātāpī pahitatto vihareyyan”ti.

6-1

巴利原文

“Santi kho, puṇṇa, cakkhuviññeyyā rūpā iṭṭhā kantā manāpā piyarūpā kāmūpasaṁhitā rajanīyā.

7-1

巴利原文

Tañce bhikkhu abhinandati abhivadati ajjhosāya tiṭṭhati.

8-1

巴利原文

Tassa taṁ abhinandato abhivadato ajjhosāya tiṭṭhato uppajjati nandī.

9-1

巴利原文

‘Nandisamudayā dukkhasamudayo, puṇṇā’ti vadāmi …pe…

10-1

巴利原文

santi kho, puṇṇa, jivhāviññeyyā rasā …pe…

11-1

巴利原文

santi kho, puṇṇa, manoviññeyyā dhammā iṭṭhā kantā manāpā piyarūpā kāmūpasaṁhitā rajanīyā.

12-1

巴利原文

Tañce bhikkhu abhinandati abhivadati ajjhosāya tiṭṭhati.

13-1

巴利原文

Tassa taṁ abhinandato abhivadato ajjhosāya tiṭṭhato uppajjati nandī.

14-1

巴利原文

‘Nandisamudayā dukkhasamudayo, puṇṇā’ti vadāmi.

15-1

巴利原文

Santi kho, puṇṇa, cakkhuviññeyyā rūpā iṭṭhā kantā manāpā piyarūpā kāmūpasaṁhitā rajanīyā.

16-1

巴利原文

Tañce bhikkhu nābhinandati nābhivadati nājjhosāya tiṭṭhati, tassa taṁ anabhinandato anabhivadato anajjhosāya tiṭṭhato nirujjhati nandī.

17-1

巴利原文

‘Nandinirodhā dukkhanirodho, puṇṇā’ti vadāmi …pe…

18-1

巴利原文

santi kho, puṇṇa, manoviññeyyā dhammā iṭṭhā kantā manāpā piyarūpā kāmūpasaṁhitā rajanīyā.

19-1

巴利原文

Tañce bhikkhu nābhinandati nābhivadati nājjhosāya tiṭṭhati, tassa taṁ anabhinandato anabhivadato anajjhosāya tiṭṭhato nirujjhati nandī.

20-1

巴利原文

‘Nandinirodhā dukkhanirodho, puṇṇā’ti vadāmi.

21-1

巴利原文

Iminā tvaṁ, puṇṇa, mayā saṅkhittena ovādena ovadito katamasmiṁ janapade viharissasī”ti?

22-1

巴利原文

“Atthi, bhante, sunāparanto nāma janapado, tatthāhaṁ viharissāmī”ti.

23-1

巴利原文

“Caṇḍā kho, puṇṇa, sunāparantakā manussā;

24-1

巴利原文

pharusā kho, puṇṇa, sunāparantakā manussā.

25-1

巴利原文

Sace taṁ, puṇṇa, sunāparantakā manussā akkosissanti paribhāsissanti, tatra te, puṇṇa, kinti bhavissatī”ti?

26-1

巴利原文

“Sace maṁ, bhante, sunāparantakā manussā akkosissanti paribhāsissanti, tatra me evaṁ bhavissati:

27-1

巴利原文

‘bhaddakā vatime sunāparantakā manussā, subhaddakā vatime sunāparantakā manussā, yaṁ me nayime pāṇinā pahāraṁ dentī’ti.

28-1

巴利原文

Evamettha, bhagavā, bhavissati;

29-1

巴利原文

evamettha, sugata, bhavissatī”ti.

30-1

巴利原文

“Sace pana te, puṇṇa, sunāparantakā manussā pāṇinā pahāraṁ dassanti, tatra pana te, puṇṇa, kinti bhavissatī”ti?

31-1

巴利原文

“Sace me, bhante, sunāparantakā manussā pāṇinā pahāraṁ dassanti, tatra me evaṁ bhavissati:

32-1

巴利原文

‘bhaddakā vatime sunāparantakā manussā, subhaddakā vatime sunāparantakā manussā, yaṁ me nayime leḍḍunā pahāraṁ dentī’ti.

33-1

巴利原文

Evamettha, bhagavā, bhavissati;

34-1

巴利原文

evamettha, sugata, bhavissatī”ti.

35-1

巴利原文

“Sace pana te, puṇṇa, sunāparantakā manussā leḍḍunā pahāraṁ dassanti, tatra pana te, puṇṇa, kinti bhavissatī”ti?

36-1

巴利原文

“Sace me, bhante, sunāparantakā manussā leḍḍunā pahāraṁ dassanti, tatra me evaṁ bhavissati:

37-1

巴利原文

‘bhaddakā vatime sunāparantakā manussā, subhaddakā vatime sunāparantakā manussā, yaṁ me nayime daṇḍena pahāraṁ dentī’ti.

38-1

巴利原文

Evamettha, bhagavā, bhavissati;

39-1

巴利原文

evamettha, sugata, bhavissatī”ti.

40-1

巴利原文

“Sace pana puṇṇa, sunāparantakā manussā daṇḍena pahāraṁ dassanti, tatra pana te, puṇṇa, kinti bhavissatī”ti?

41-1

巴利原文

“Sace me, bhante, sunāparantakā manussā daṇḍena pahāraṁ dassanti, tatra me evaṁ bhavissati:

42-1

巴利原文

‘bhaddakā vatime sunāparantakā manussā, subhaddakā vatime sunāparantakā manussā, yaṁ me nayime satthena pahāraṁ dentī’ti.

43-1

巴利原文

Evamettha, bhagavā, bhavissati;

44-1

巴利原文

evamettha, sugata, bhavissatī”ti.

45-1

巴利原文

“Sace pana te, puṇṇa, sunāparantakā manussā satthena pahāraṁ dassanti, tatra pana te, puṇṇa, kinti bhavissatī”ti?

46-1

巴利原文

“Sace me, bhante, sunāparantakā manussā satthena pahāraṁ dassanti, tatra me evaṁ bhavissati:

47-1

巴利原文

‘bhaddakā vatime sunāparantakā manussā, subhaddakā vatime sunāparantakā manussā, yaṁ maṁ nayime tiṇhena satthena jīvitā voropentī’ti.

48-1

巴利原文

Evamettha, bhagavā, bhavissati;

49-1

巴利原文

evamettha, sugata, bhavissatī”ti.

50-1

巴利原文

“Sace pana taṁ, puṇṇa, sunāparantakā manussā tiṇhena satthena jīvitā voropessanti, tatra pana te, puṇṇa, kinti bhavissatī”ti?

51-1

巴利原文

“Sace maṁ, bhante, sunāparantakā manussā tiṇhena satthena jīvitā voropessanti, tatra me evaṁ bhavissati:

52-1

巴利原文

‘santi kho tassa bhagavato sāvakā kāyena ca jīvitena ca aṭṭīyamānā harāyamānā jigucchamānā satthahārakaṁ pariyesanti, taṁ me idaṁ apariyiṭṭhaññeva satthahārakaṁ laddhan’ti.

53-1

巴利原文

Evamettha, bhagavā, bhavissati;

54-1

巴利原文

evamettha, sugata, bhavissatī”ti.

55-1

巴利原文

“Sādhu sādhu, puṇṇa.

56-1

巴利原文

Sakkhissasi kho tvaṁ, puṇṇa, iminā damūpasamena samannāgato sunāparantasmiṁ janapade vatthuṁ.

57-1

巴利原文

Yassadāni tvaṁ, puṇṇa, kālaṁ maññasī”ti.

58-1

巴利原文

Atha kho āyasmā puṇṇo bhagavato vacanaṁ abhinanditvā anumoditvā uṭṭhāyāsanā bhagavantaṁ abhivādetvā padakkhiṇaṁ katvā senāsanaṁ saṁsāmetvā pattacīvaramādāya yena sunāparanto janapado tena cārikaṁ pakkāmi.

59-1

巴利原文

Anupubbena cārikaṁ caramāno yena sunāparanto janapado tadavasari.

60-1

巴利原文

Tatra sudaṁ āyasmā puṇṇo sunāparantasmiṁ janapade viharati.

61-1

巴利原文

Atha kho āyasmā puṇṇo tenevantaravassena pañcamattāni upāsakasatāni paṭivedesi.

62-1

巴利原文

Tenevantaravassena pañcamattāni upāsikāsatāni paṭivedesi.

63-1

巴利原文

Tenevantaravassena tisso vijjā sacchākāsi.

64-1

巴利原文

Tenevantaravassena parinibbāyi.

65-1

巴利原文

Atha kho sambahulā bhikkhū yena bhagavā tenupasaṅkamiṁsu …pe… ekamantaṁ nisinnā kho te bhikkhū bhagavantaṁ etadavocuṁ:

66-1

巴利原文

“yo so, bhante, puṇṇo nāma kulaputto bhagavatā saṅkhittena ovādena ovadito, so kālaṅkato.

67-1

巴利原文

Tassa kā gati ko abhisamparāyo”ti?

68-1

巴利原文

“Paṇḍito, bhikkhave, puṇṇo kulaputto, paccapādi dhammassānudhammaṁ, na ca maṁ dhammādhikaraṇaṁ vihesesi.

69-1

巴利原文

Parinibbuto, bhikkhave, puṇṇo kulaputto”ti.

70-1

巴利原文

Pañcamaṁ.