相應部第957經（Saṁyutta Nikāya 35.119 / 12. Lokakāmaguṇavagga / Pañcasikhasutta）

部類相應部

Pali NikāyaSaṁyutta Nikāya

總句數19

已譯句數0

1-1

巴利原文

Saṁyutta Nikāya 35.119

2-1

巴利原文

12. Lokakāmaguṇavagga

3-1

巴利原文

Pañcasikhasutta

4-1

巴利原文

Ekaṁ samayaṁ bhagavā rājagahe viharati gijjhakūṭe pabbate.

5-1

巴利原文

Atha kho pañcasikho gandhabbadevaputto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ aṭṭhāsi. Ekamantaṁ ṭhito kho pañcasikho gandhabbadevaputto bhagavantaṁ etadavoca:

6-1

巴利原文

“ko nu kho, bhante, hetu, ko paccayo yena m’idhekacce sattā diṭṭheva dhamme no parinibbāyanti?

7-1

巴利原文

Ko pana, bhante, hetu, ko paccayo yena m’idhekacce sattā diṭṭheva dhamme parinibbāyantī”ti?

8-1

巴利原文

“Santi kho, pañcasikha, cakkhuviññeyyā rūpā …pe…

9-1

巴利原文

santi kho, pañcasikha, manoviññeyyā dhammā, iṭṭhā kantā manāpā piyarūpā kāmūpasaṁhitā rajanīyā.

10-1

巴利原文

Tañce bhikkhu abhinandati abhivadati ajjhosāya tiṭṭhati.

11-1

巴利原文

Tassa taṁ abhinandato abhivadato ajjhosāya tiṭṭhato tannissitaṁ viññāṇaṁ hoti tadupādānaṁ.

12-1

巴利原文

Saupādāno, pañcasikha, bhikkhu no parinibbāyati.

13-1

巴利原文

Ayaṁ kho, pañcasikha, hetu, ayaṁ paccayo yena m’idhekacce sattā diṭṭheva dhamme no parinibbāyanti.

14-1

巴利原文

Santi ca kho, pañcasikha, cakkhuviññeyyā rūpā iṭṭhā kantā manāpā …pe…

15-1

巴利原文

santi kho, pañcasikha, manoviññeyyā dhammā iṭṭhā kantā manāpā piyarūpā kāmūpasaṁhitā rajanīyā.

16-1

巴利原文

Tañce bhikkhu nābhinandati nābhivadati nājjhosāya tiṭṭhati, tassa taṁ anabhinandato anabhivadato anajjhosāya tiṭṭhato na tannissitaṁ viññāṇaṁ hoti, na tadupādānaṁ.

17-1

巴利原文

Anupādāno, pañcasikha, bhikkhu parinibbāyati.

18-1

巴利原文

Ayaṁ kho, pañcasikha, hetu, ayaṁ paccayo yena m’idhekacce sattā diṭṭheva dhamme parinibbāyantī”ti.

19-1

巴利原文

Chaṭṭhaṁ.