相應部第962經（Saṁyutta Nikāya 35.124 / 13. Gahapativagga / Vesālīsutta）

部類相應部

Pali NikāyaSaṁyutta Nikāya

總句數24

已譯句數0

1-1

巴利原文

Saṁyutta Nikāya 35.124

2-1

巴利原文

13. Gahapativagga

3-1

巴利原文

Vesālīsutta

4-1

巴利原文

Ekaṁ samayaṁ bhagavā vesāliyaṁ viharati mahāvane kūṭāgārasālāyaṁ.

5-1

巴利原文

Atha kho uggo gahapati vesāliko yena bhagavā tenupasaṅkami; upasaṅkamitvā ekamantaṁ nisīdi. Ekamantaṁ nisinno kho uggo gahapati vesāliko bhagavantaṁ etadavoca:

6-1

巴利原文

“ko nu kho, bhante, hetu, ko paccayo yena m’idhekacce sattā diṭṭheva dhamme no parinibbāyanti?

7-1

巴利原文

Ko pana, bhante, hetu, ko paccayo yena m’idhekacce sattā diṭṭheva dhamme parinibbāyantī”ti?

8-1

巴利原文

“Santi kho, gahapati, cakkhuviññeyyā rūpā iṭṭhā kantā manāpā piyarūpā kāmūpasaṁhitā rajanīyā.

9-1

巴利原文

Tañce bhikkhu abhinandati abhivadati ajjhosāya tiṭṭhati. Tassa taṁ abhinandato abhivadato ajjhosāya tiṭṭhato tannissitaṁ viññāṇaṁ hoti tadupādānaṁ.

10-1

巴利原文

Saupādāno, gahapati, bhikkhu no parinibbāyati …pe…

11-1

巴利原文

santi kho, gahapati, jivhāviññeyyā rasā …pe…

12-1

巴利原文

santi kho, gahapati, manoviññeyyā dhammā iṭṭhā kantā manāpā piyarūpā kāmūpasaṁhitā rajanīyā.

13-1

巴利原文

Tañce bhikkhu abhinandati abhivadati ajjhosāya tiṭṭhati. Tassa taṁ abhinandato abhivadato ajjhosāya tiṭṭhato tannissitaṁ viññāṇaṁ hoti tadupādānaṁ.

14-1

巴利原文

Saupādāno, gahapati, bhikkhu no parinibbāyati.

15-1

巴利原文

Ayaṁ kho, gahapati, hetu, ayaṁ paccayo yena m’idhekacce sattā diṭṭheva dhamme no parinibbāyanti.

16-1

巴利原文

Santi ca kho, gahapati, cakkhuviññeyyā rūpā, iṭṭhā kantā manāpā piyarūpā kāmūpasaṁhitā rajanīyā.

17-1

巴利原文

Tañce bhikkhu nābhinandati nābhivadati nājjhosāya tiṭṭhati. Tassa taṁ anabhinandato anabhivadato anajjhosāya tiṭṭhato na tannissitaṁ viññāṇaṁ hoti, na tadupādānaṁ.

18-1

巴利原文

Anupādāno, gahapati, bhikkhu parinibbāyati …pe…

19-1

巴利原文

santi kho, gahapati, jivhāviññeyyā rasā …pe…

20-1

巴利原文

santi kho, gahapati, manoviññeyyā dhammā iṭṭhā kantā manāpā piyarūpā kāmūpasaṁhitā rajanīyā.

21-1

巴利原文

Tañce bhikkhu nābhinandati nābhivadati nājjhosāya tiṭṭhati, tassa taṁ anabhinandato anabhivadato anajjhosāya tiṭṭhato. Na tannissitaṁ viññāṇaṁ hoti, na tadupādānaṁ.

22-1

巴利原文

Anupādāno, gahapati, bhikkhu parinibbāyati.

23-1

巴利原文

Ayaṁ kho, gahapati, hetu ayaṁ paccayo yena m’idhekacce sattā diṭṭheva dhamme parinibbāyantī”ti.

24-1

巴利原文

Paṭhamaṁ.